النظام الإلكتروني يربك العيادات الخارجية

[بنت شرق]

والله انا شخصيا عرفت لهالبرنامج عدل واشوف انه فيه اشياء وااايد ناقصة واحب اطور فيه بس المشكلة مايدلونك على اصحاب البرنامج علشان تساعد في التطوير كانها شي سري ï؟½ï؟½

مثل شنو

[بنت شرق]

بكل صراحة فيه كثير أشياء إضافية بمعنى حشو، المفروض يكون الملف الإلكتروني مبسط وفيه أهم الأشياء التي تخص حالة المريض، عيل أشرح للمريض واكتب له عقب أروح أسوي أمر إنهاء بعدين أروح أسوي أمر إشاعة وأكتب اسمي والسبب والتاريخ، وأسوي إنهاء، بعدين أروح للتثقيف وايش اللي علمت المريض وايش اللغة التي تعاملت مع المريض وايش اللغة اللي يفضلها المريض وهل المريض فهم ولا لا؟ وايش العوائق اللي العوايق المريض مايفهم؟ ......... الخ وغيرها من الأوامر اللي تجي من الفرق الطبية أو الممرضات وأسوي عليها تصديق!!!! أكيد النظام له إيجابيات لكن من أكبر سلبياته الجهد والوقت اللي يضيع في إدخال البيانات رغم إن المريض المفروض يكون أولى الأولويات !!!


بخصوص اذا فيه اقتراحات ممكن تتواصلين مع cisلكن أتوقع إن السستم جاهز من برع، فممكن التعديل يأخذ وقت

هاي لأنكم توكم جداد على الشاشات وتفرعاتها والاختيارات أول ماتعودون عليه بيصير سهل ، بس الملاحظ أنه الدكاترة الكبار بالسن أقل استيعابا له من الصغار بالسن
واغلاطهم كثيرة فيه ، واحسن شيء تدريب ممرضين على شاشة الدكاترة لمساعدة الدكاترة
والملاحظ أي حد يرجع من الاجازة يكون ناسي النظام ويحتاج ليومين لانعاش ذاكرته عنه

[بنت شرق]

للأسف انا وحده عانيت أمس من هذا النظام وقضيت مايقارب 4 ساعات بسبب أن الدكتوره لم تجد فحوصات ولدي السابقه وأخذت تحوس في الجهاز مايقارب الساعه دون فايده وبعدها طلبت اعاده هذه الفحوصات مع الموعد القادم وهنا بدأت المشكله في لاتعرف كيف تعمل موعد والاستقبال ليس لديهم صلاحية اذا لم ترسل لهم الدكتوره الطلب بالموعد وعلى هذا الحال قضيت 3 ساعات بين غرفة الدكتوره والاستقبال ï؟½ï؟½

عادي أختي في دكاترة ماتدربوا عدل بالمستقبل إذا واجهتج نفس المشكلة قولي للي بالاستقبال يسجلون لك يدوي لأنج ماراح ترجعين للدكتورة مرة ثانية ( يصرون على الاورد علشان التنظيم ) بس ممكن التسجيل بدونه

[القلب المؤمن]

مثل اضافة شات ويندو مع البرنامج علشان يكون في تواصل بين الرسبشن والعيادات كلها بدل ما المريض طالع نازل بين الاثنين ، وهالشي يفيد ايضا للرسبشن اذا في مريض جاي اضافي او متاخر يرسلون شات ويندو للطباء اذا في حد مستعد يشوف المريض يسوي قبول مثلا هالشي بيحل ازمة للرسبشن.
نظام احنا بنتصل عليك ضايق الكثير من المرضى فلو الكاليندر متوفرة بالوان مختلفة لكل قسم ممكن يتم الحجز فورا بدل الانتظار .
ممكن عمل كاليندر يشوف المريض موعده القادم عليه على الويب سايت بالمؤسسة علشان لو فاته الاتصال يقدر يشوفه ولو مايناسبه يطلب تغييره الكترونيا وحبذا لو ينعمل آب على الايفون .
بعض الاقسام مايكتبون شنو محتاج المريض ويحولونهم لاقسام اخرى الشي اللي يسبب ازعاج وخربطة وضياع وقت ..
فاضافة نظام الnotes مثل صفحة تظهر مع فتح البرنامج فيها سبب تحويل المريض باختصار
وفي جعبتي الكثييييير من الاقتراحات هههه

[بنت شرق]

مثل اضافة شات ويندو مع البرنامج علشان يكون في تواصل بين الرسبشن والعيادات كلها بدل ما المريض طالع نازل بين الاثنين ، وهالشي يفيد ايضا للرسبشن اذا في مريض جاي اضافي او متاخر يرسلون شات ويندو للطباء اذا في حد مستعد يشوف المريض يسوي قبول مثلا هالشي بيحل ازمة للرسبشن.
نظام احنا بنتصل عليك ضايق الكثير من المرضى فلو الكاليندر متوفرة بالوان مختلفة لكل قسم ممكن يتم الحجز فورا بدل الانتظار .
ممكن عمل كاليندر يشوف المريض موعده القادم عليه على الويب سايت بالمؤسسة علشان لو فاته الاتصال يقدر يشوفه ولو مايناسبه يطلب تغييره الكترونيا وحبذا لو ينعمل آب على الايفون .
بعض الاقسام مايكتبون شنو محتاج المريض ويحولونهم لاقسام اخرى الشي اللي يسبب ازعاج وخربطة وضياع وقت ..
فاضافة نظام الnotes مثل صفحة تظهر مع فتح البرنامج فيها سبب تحويل المريض باختصار
وفي جعبتي الكثييييير من الاقتراحات هههه

في السيستم الجديد أي مريض يتسجل موعده أو يتكنسل يرسل له مسج تلقائي بعد نصف ساعة ، فما عاد فيه داعي بنتصل لك
التشيك مع الدكاترة له نظامين إما الممرض المسؤول يستأذنه أو الموظف يتصل للدكتور ، مافي داعي للتعقيدات ، ممكن الدكتور والموظف يتلاغون أنا كتبت أنت ماقريت
وأي حد جاي اضافة إما بقبول مسبق من الدكتور أو قاط الويه ، الممرض المسؤول يشيك بياناته والريبورتات الداخلية عنه ويبلغ الدكتور عن حالته
وتغير المواعيد محلول من زمان بالهلب لاين للكول سنتر العام أو الداخلي للعيادات
لكن سالفة المريض يشوف المواعيد ويختار دلع فاضي ، لأنه الدكتور بالاصل هو يقدر حالة المريض مستعجله أو لا

[القلب المؤمن]

الدلع الفاضي هذا مطبق في الدول الاوروبية ويعبر عن جودة الخدمات ، والكول سنتر لحد يومج يشتكون انه يتصلون عليه محد يرد

[رجل الجزيرة]

الميزة الثانية:

أي مريض يكلم طبيبه عن حالته حتى لو إن طبيبه مسافر سواء إجازة أو مؤتمر فعنده الصلاحيات يدخل في الموقع ويشوف التقارير والتحاليل وصور الأشعة وردود باقي الأطباء ويرد على مريضه بآخر النتائج.

[دااانة قطر]

للأسف انا وحده عانيت أمس من هذا النظام وقضيت مايقارب 4 ساعات بسبب أن الدكتوره لم تجد فحوصات ولدي السابقه وأخذت تحوس في الجهاز مايقارب الساعه دون فايده وبعدها طلبت اعاده هذه الفحوصات مع الموعد القادم وهنا بدأت المشكله في لاتعرف كيف تعمل موعد والاستقبال ليس لديهم صلاحية اذا لم ترسل لهم الدكتوره الطلب بالموعد وعلى هذا الحال قضيت 3 ساعات بين غرفة الدكتوره والاستقبال ï؟½ï؟½

صارت معانا جدتي الله يحفظها تاخر موعد عملية الفتاق فوق الست شهور لان تحاليلها مابتطلع في السستم او تشخيص الدكتور في الموعد السابق غير ظاهر فيعيدوان التحليل كل زياره

[um- azooz]

أجل ليت ربعنا خلو الملفات موجوده احتياط بلا التخبط اللي عشاوه وعيشونا فيه لين يتعلمون على نظامهم والله كل الأربع ساعات اللي قضيتها عندهم ماجلست على الكرسي كله من استقبال لين دكتور آخر شيء استقبال الرجال هو اللي سجل الموعد وانا ولدي صغير وتبهذلت معاه ��

[السيف5]

كان عندي موعد يوم الخميس
وتفاجأت الدكتوره تقولي عن النظام زين بس به نواقص
ملفي موجود بالكمبيوتر ناقص
وقعدت تستفسر عن حالتي من الاول ..واستغربت ليش مب مذكور ذلك بالملف الالكتروني