اسلوبهم بارد أبرد من الثلج .. انا سكنت بيتي والشارع واصله بس ناقص حول 5 متر وما قصروا بعد ما استخدمت علاقاتي واتصالاتي وكان المفروض عمل الشارع من الأساس .. وكملوا جزء منه بالانترلوك واخترب وتعرج وله سنوات محد صلحه .. يسوون شيء يخترب بسهولة ليش؟المشاركة الأصلية كتبت بواسطة سعود العمادي
سؤال اخوي "معماري قطر"
اليوم في برنامج "وطني الحبيب" اتصل مواطن يشتكي ان اشغال قامت في السنوات الاخيره بتقليل عرض الشارع من 4 م الى 3 م(للمسار الواحد) والسبب على حسب كلامه ان المسئولين اكتشفوا ان الشارع العريض(4 م) احد الاسباب الرئيسيه لتهور الشباب والحوادث.
هل اشغال فعلا قامت بتضييق الشوارع؟
وماهو عرض الشارع في الدول اللمتقدمه؟
مع تحياتي.
عرض المسار تقصد أكيد .. الستاندرد العسكري حسب ما اذكر 2.7 والمدني اعتقد 2.6 وشوارعنا كلها 2.6 وشوي تزيد أوقات وباتأكد من أرقامي أخاف ناسي
طلعت ناسي متر كامل .. وتذكرت الشوارع اللي من مسارين متضادين عندنا 7.3 متر كقياس مدني وكقياس عسكري 8 متر.. يعني ينقسم من النص يطلع 3.65 والعسكري 4 .. وهذا المقياس الأمريكي
The Interstate Highway standards for the U.S. Interstate Highway System uses a 12-foot (3.7 m) standard for lane width, while narrower lanes are used on lower classification roads. In Europe, as laws and road width vary by country, the minimum widths of lanes is generally between 2.5 to 3.25 metres (8.2 to 10.7 ft).
الباقي في اوروبا وفي آسيا يختلف العرض حسب كل بلاد ولكل طريق أكيد ظروفه حسب الزحمة عليه وحسب المنحنيات ومداخل الطرق لازم تدرس بخصوصية ثانية واعتبارات غير
وعن سؤال إن أشغال ضيقت الشوارع ما اعتقد بالعكس هم يوسعون أشوف ومن يقدر يتهور ألحين في وجود الزحمة والكاميرات اللي بتتفعل عن قريب
المشكلة يضطر الواحد يتجاوز ويزيد السرعة شوي لو ضغط حد على أعصابه بسواقة باردة خاصم منها 20 أو 30 من السرعة القانونية .. وما ادري هل هذا بيعتبر متهور أو البطيء بيعتبر معرقل؟
اكثر شي اشوفه هالفتره الحصى ع الشوارع من مخلفات الشاحنات في الفرجان والشوارع والله يعين البلدية قسم النظافه شكثر تنظف وراهم صراحه مأساة لنا ولهم وللأسف حتى المخالفات ماجابت نتيجه كأنك تكافئهم مش تخالفهم !
سبحان الله وبحمده
اشغال تعمر بصوب وتخرب بصوب خصوصا بالوكرة
المخالفات الكفلاء يدفعونها والنظافة البلدية من زمان وكلتها أو أكلتها لشركات خاصة حتى الحاويات ما يعرفون يرجعونها مكانها صح ويبعدونها عن الطريق
زين حسوا إن فيه منطقة اسمها الوكرة ووصلها الشغل وكذلك الخور لكن اللي شفته في الخور أُسلوب شغل غلط
حسب ما وصلني .. ان المقاول ماخذ مشاريع كثيرة .. اكثر من امكانياته
و يشيل عمال من مكان ويوديهم مكان ثاني حسب الضغط اللي يجيه من اشغال
و بما ان المنطقة مالها خص بمشاريع كاس العالم ..
و بما ان المتضررين مواطنين عاديين و ليسوا عمال كاس العالم
فالمشروع لا يستاهل المتابعة ولا الاشراف لدي اشغال.
ضوابط المشاركة
رد مع اقتباس