السلام عليكم كيف الحال شباب حبيت استفسر عن شركة معماري قطر هل صحيح تصنع في الاردن لاني جيتهم قالو لي صناعه تركية ومفصلات الماني وزجاج بلجيكي واحد الاخوان قال انهم يصنعون بالاردن كيف ممكن اعرف لان سعرهم رخيص جدا احترنا كثير
|
السلام عليكم كيف الحال شباب حبيت استفسر عن شركة معماري قطر هل صحيح تصنع في الاردن لاني جيتهم قالو لي صناعه تركية ومفصلات الماني وزجاج بلجيكي واحد الاخوان قال انهم يصنعون بالاردن كيف ممكن اعرف لان سعرهم رخيص جدا احترنا كثير
السلام عليكم
الشيخ هم يصنعون الشباك في قطر الاكسسوار للشباك والابواب يجيبونه من تركيا والمانيا والزجاج بلجيكي
ومصنعهم موجود في الصناعيه. الصناعات المتوسطه الطاقه
شكرا
مرة صنفت بعض الشركات كمتوسطة زعلوا مني أصحابها
ما اقدر اقول الا شوف الشركات الثانية شعندهم وقارن بين المميزات والقطاع والمواد كاملة .. من ربلات وطريقة تثبيتها من خلال فتحة خاصة او لزاق ينفك بعد فترة .. القزاز غالبيته يصنع في دول خليجية وبعضه في قطر حتى .. الأهم من القزاز هو الغازغيت المعدني المحيط به والغاز المحقون بين طبقات القزاز فلو خليناه هواء يتكثف بخار الماء فيه على شكل رطوبة داخلية .. ولو يسرب غبار بيدخل شوي بين طبقات الزجاج وبيكون مزعج .. كذلك الهواء ناقل سريع للحرارة وبعض الغازات الخاملة فيها نسبة عزل قوية كغاز الأرغون .. لكن هذي الغازات مكلفة وبدوا ربعنا يتنافسون في تخفيض التكلفة بالغائها
المصنعية شيء ثاني مهم جداً وسوقنا محدود والشركات كثيرة اللي طلعت .. والله يوفقهم لكن نتمنى منافستهم في منتج ممتاز وبحدود معينة من الجودة ولازم لمنتجاتهم تصنيف خاص يتم تحديده من الجهات المختصة وراقبة على الانتاج وعلى الشكاوي في حال المخالفة
الشركات كثيرة بدون ما اعدد واللي يبي يمر على 3 شركات ويطلب تسعير مع مواصفات فنية .. السيارات ألحين نحصل نفس السيارة بس ثلاث فئات وكل فئة لها سعر حسب مواصفاتها ونفس الشيء ينطبق على هذا المنتج
اللي يقول لك المتر بحدود كذا لا تاخذ كلامه وطالب بتسعير واضح وصيغة عقد للدفعات وللضمان ولمكونات المنتج ولوقت التركيب وللغرامة للتأخير ولرسومات لواجهات النوافذ والأبواب وتسعيرها وهذي سهلة من واجبهم يعملوها وانت تدرسها ممكن شيء ناقص .. أما انت بنفسك أو استشاري
في العادة انا اسوي مسح مبدئي بالرسومات قبل التنفيذ واتفق اتفاق مبدئي وبعده يتم التأكيد للمقاسات على الطبيعة لو قررت واتفقت على الشغل مع شركة معينة ويتم الغاء الباقي والاعتذار لهم .. هذي يقدر يسويها الاستشاري بالفاكس أو الايميل أو ألحين الوتس أب يصور لستة النوافذ ومقاسات فتحاتها ويرسلها لعدد من مسؤولي هذي الشركات ويرسلون له تسعير رسمي خلال فترة بسيطة
كلنا نحط استشاري يتابع لكن ما نشغله صح في متابعة هذي المواد وما ناخذ بنصيحته الفنية اللي هو مختص بها
الاستشاري يلزم الشركة بتقديم مقطع فعلي لزاوية بمفصلة مثلاً وعليه لاصق موقع توقيع نفس التوقيع اللي على عرض السعر ويبقى المقطع هذا عينة ممكن يتابع التنفيذ عليها
بعض الشركات للنوافذ الطويلة والمرتفعة ما ترضى يكون القزاز مثلاً عادي ويحطون المعالج حرارياً لو انكسر ينزل على شكل كتل ما تجرح .. أو السكيوريت اللي فيه أسلاك حديد مقوية لا يمكن اختراقه والدخول ولو انكسر يبقى متماسك بفضل الأسلاك .. أو اللامنيتد اللي يجي وسطه بلاستيك خاص يمنع سقوطه وكل نوع له درجات معينة من الجودة والمواصفات التصنيعية
أتمنى الشركات تعرض تصاميمها ومواصفاتها بوضوح ومستعد اناقشها في هذي التصاميم وتعرض عينة من عقودها .. منها دعاية مستحقة لمنتجها ومنها يختار المالك اللي يناسبه
صباح الخير للجميع
شركة جيرسي upvc (الجزيرة) سابقا ً
من اقدم الشركات في السوق
توفر المنتج التركي و الالماني على اعلى المستويات
علماً بأن الشركة تحت ادارة قطرية 100%
المعرض في معيذر
انت شكلك موظف معاهم كل مشاركاتك مدح فيهم وكلامك رسمي جدا بالمشاركات كنها جاهزه
قصدي raga
السلام عليكمالمشاركة الأصلية كتبت بواسطة الكاسر007
انه صاحب الشركه يالشيخ
اذا عندك اي لستفسار كلمني
55968000
شكرا
أتمنى اللي جربوا شركات رديئة ينقلون لنا تجربتهم بدون ذكر إسم الشركة حتى نستفيد .. انا شفت بيت فيه الزجاج دبل والرطوبة بين طبقات الزجاج واضحة وقايلين للمالك من المكيف .. هي صحيح من المكيف بس ما تتكثف داخل الا فيه هواء رطب أو الغازغيت اللي شغله يسمح بدخول كمية بسيطة من الهواء وخروج هواء أو غاز في حالة استخدموا غاز الأرغون يسرب رطوبة .. الغازغيت يسمح بمرور كمية قليلة ( تنفس ) للفراغ والا من الحرارة يتغير حجم الفراغ ويضغط على الزجاج وينكسر
شفت نوعيات فتح الباب واغلاقه يخلي الفريم يهتز
شفت نوعيات تشطيبها كله شموخ واتصال الزوايا مفتوح وملحوم غلط
شفت نوعيات الباب يحك في الأرض وقالوا للمالك شنسوي بابك عريض والمفصلات ما تتحمل
شفت نوعيات ما تتسكر عدل الدرايش وفيها فتحات يدخل النمل ومستر زهيوي من برا
شفت نوعيات الربلات تطيح وملزقة بلاصق ضعيف وبدون فتحة تدخل فيها الربلة وتثبت
شفت تعامل بعض الشركات تعبان للغاية ويمشون شغلهم بالقوة واتفاقهم قبل شيء وبعدين شيء ثاني
ومن جهة ثانية شفت كل خير وشغل زين
أتمنى التوفيق للكل والشركات طبيعي ترتفع شوي في مستواها وتنزل حسب ظروف كثيرة تمر فيها الشركة
ضوابط المشاركة
رد مع اقتباس
