قطر للبترول تقوم بتعديل مواصفات البنزين اعتبارا من يونيو

[GENIUS]

وقود 95 اوكتين موجود حاليا في محطات وقود فقط والتوجه لإحلاله بديلا عن ال 97 اوكتين بسبب أمور إنتاجية وأيضا توجه لمقاربة دول الجوار في المواصفات لكن بحكم أن وقود هي المسيطرة حاليا والمزود الوحيد داخليا مستقبلا وكون كل محطاتها مزودة بمضخات وخزانات تحتوي على ثلاثة أنواع من الجازولين بخلاف الديزل فكان من الأفضل تطبيق القرار على المحطات الأخرى حاليا مع بقاء الاوكتين الأعلى سواء 97 أو مستقبلا 98 مقتصرا على محطات وقود حتى ولو بسعر أعلى خاصة لبعض السيارات الرياضية التي تتطلب رقم اوكتين عالي ليكون أداء المحرك فعالا وبلا مشاكل مستقبلا للمحرك.

[راعي الكورفت]

صرنا نفس السعوديه بنزين أخضر 91 وبنزين أحمر 95 لكن سعرنا دبل سعرهم.

في الإمارات عندهم أفضل نوع بنزين اوكتين 98 وعندهم درجات اوكتين أقل بسعر أرخص.

يفضل يكون عندنا 98 و 95 و 91

وتختلف اسعارهم ب15 درهم.

[راعي الكورفت]

لا والله الا خطاء كبيييير جدا

بعلمك ليش ...
شوف رد الرجال فوق راعي الباترول 400 ... مكتوب له البترول النخصص لسيارته هو 98 .... يعني 97 يمشي معاه لانه قريب جدا وفرق بس نقطه واحده
انا عندي سياره رياضيه ومكتوب في كتلوجها انه بترولها المخصص لها هو 98 اوكتين واذا ماحصلت 98 ممكن تعبي 95 اوكتين في حالات الضروره القصوى وكاتبين بعد انه اذا عبيت 95 ممكن يقل اداء المحرك وايضا ممكن يكون صوت المحرك غير ناعم لذلك ينصح بعدم استخدام 95 اوكتين الا في الحالات الطارئه

هذا بالنسبه لسيارتي الرياضيه
لكن عندي لاندكروزر 2008 وعلى يدي من الوكاله ومن خذته لين اليوم ما اعبي فيه الا 90 وكاهو ماشي زي العسل واللحين ماشي 380 الف واموره طيبه


سيارات كثيره اللحين تحتاج 98 اوكتين مثل البورش / الالماني بشكل عام / النيسان / المازدا وغيره وغير ليش احنه ننزل الاوكتين؟؟؟؟

البحرين الشهر اللي طاف صار عندهم 98 اوكتين
والكويت بعد عندهم 98
والامارات بعد عندهم 98


ليش احنه نقلل الاوكتين مثل احد جيرانا؟؟؟؟ ترى الشعب مواترهم جديده مب كابريس وفورد وهنداي يمشي معاه 95


الحركه هذي تسوت علشان بالفيت انه تطوير وهو اصلا رجوع للخلف!!!

اليابان واستراليا عندهم 100 اوكتين
ودول اوربا 98 اوكتين

سياراتهم انظف من سياراتنا وعارفين اهمية الاوكتين في التقليل من انبعاثات الكربون وتحسين اداء المحرك

وشغله اخيره ... هم ماصرحوا بالشي هذا لكن احس انه تم تقليل الاوكتين عندنا علشان يخففون الضغط على مصافي البترول عندنا وبالتالي يقل مصروفات التشغيل على المصنع ويبيعك بترول اوكتين اقل بسعر اعلى وبكذا يكون المصنع وفر فالتشغيل ودخل في ربح اعلى لانه يبيعك بترول اغلى وهو مسويه ارخص


الله يعين ...

غالبية السيارات الامريكيه تتقبل اوكتين 87


انا عندي فورد كراون فكتوريا واصب له علطول 90 اوكتين وماشي معاي زي الحلاوه.


الجمس أصب له 90 اوكتين ومافي مشاكل.


السيارات اليابانية بشكل عام أقل نسبة اوكتين موصى بها هي 91 وتحت هالنسبه تلاقي المكينه تفتف عليك والصوت يكون عالي وعزم الموتر ميت.

أما السيارات الاوربيه فنسبة الاوكتين يجب أن تكون فوق 95 .

أما السيارات الرياضيه فتتراوح درجة الاوكتين الموصى بها من قبل المصنع بين 95 أو أكثر وكلما زادت درجة الاوكتين كانت أفضل للمحرك والتسارع وقلة التفتفه.

الكورفت أصب لها 97 و مكتوب بالكاتالوج 95 أو أعلى وكلما زادت نسبة الاوكتين في السيارات الرياضيه كان أفضل.


تقبلوا تحياتي.

[معماري قطري]

أفكر اصب ديزل للكزس

ذكرتوني بلاندروفر قديم خدم حول 40 سنة عند أحد الشيبان وكان يشتغل في زرع .. والدريول يخلط البترول بالديزل والسيارة تدخن

[جوال 11]

اقترح عليهم تعديل مباني محطات وقود التي زادت ازمة تعبئة الوقود المحطات القديمة افضل ومحطات دول الجوار افضل لكن محطات وقود مدخل واحد لجميع السيارات

[CH Engineer]

كل سيارات تويوتا تتقبل 91 يعني وفروا علينا كنّا نصب 97 عالفاضي لان 90 مايكفي
بخصوص النيسان 320 حصان يكفيه 91
و 400 حصان يكفيه 95
الفيراري 458 يكفيه 95 كحد أدنى بس اذا تبي تسابق فيه حطلك 98

كل واحد يفتح كتالوج سيارته ويقرا الي يكفيه
في سيارات خاصه مثل البوقاتي والفيراري اف12 بريلينتا يبيلهم 98
المفروض ينزلون 98 احنا بدوله متطوره وفيها سيارات رياضيه تحتاج الاوكتين الأعلى

من الحين لين ينزلون ال98 في بمحلات الزينه علب لرفع الاوكتين

وبالتوفيق قرار صائب لتوفير الطاقة

[CH Engineer]

طلع أعلى شيء في أمريكا 93 وإن شاء الله ال 95 يكون مناسب لكل السيارات السريعة مع إن السرعة محدودة عندنا

اهلين مهندسنا معماري
عندهم قياس الاوكتين يختلف
93 = 97 عندنا

[معماري قطري]

اهلين مهندسنا معماري
عندهم قياس الاوكتين يختلف
93 = 97 عندنا

عيل هشكل ربعنا ضايعين وبيضيعونا .. مع رأي جينيس بإضافة ال 98 أو ال 100 بدل ال 97 وبحيث يكون فيه 95 و 91

[Jspec]

السعودية والبحرين عندهم 91 و 95 فقط

ألأسماء في وقود يجب ان تتغير الى سوبر وممتاز كما هو في التصريح الصحفي

السعوديه للحين 95 و 91

لكن البحرين من الشهر اللي طاف اضافوا ال 98 وحاليا موجود في 3 محطات
الكويت بعد عندهم 98
والامارات ايضا عندهم 98

[Jspec]

كل سيارات تويوتا تتقبل 91 يعني وفروا علينا كنّا نصب 97 عالفاضي لان 90 مايكفي
بخصوص النيسان 320 حصان يكفيه 91
و 400 حصان يكفيه 95
الفيراري 458 يكفيه 95 كحد أدنى بس اذا تبي تسابق فيه حطلك 98

كل واحد يفتح كتالوج سيارته ويقرا الي يكفيه
في سيارات خاصه مثل البوقاتي والفيراري اف12 بريلينتا يبيلهم 98
المفروض ينزلون 98 احنا بدوله متطوره وفيها سيارات رياضيه تحتاج الاوكتين الأعلى

من الحين لين ينزلون ال98 في بمحلات الزينه علب لرفع الاوكتين

وبالتوفيق قرار صائب لتوفير الطاقة

الكروزر عندي يقبل 91 ومن خذته سنة 2008 لين اليوم دايما اصب فيه 91

لكن عندي موتر سبورت وبعد على يدي من الوكاله ومكتوب بالكتلوج 98


يعني شنو ابيع الموتر؟؟؟