قطر للبترول تقوم بتعديل مواصفات البنزين اعتبارا من يونيو

[PGR]

في ناس تتكلم بجهل وتقول يكفي ويكفي وزين,, يا اخي انت خبير في هالامور عشان تتكلم؟ الاوكتين العالي يزيد من اداء السيارة ويحسن من عمل المكينه والاحتراق ,, بالاضافة الى شي يسمى knock كل ما زودت الاوكتين هالشي يكون غير موجود ويخلي المكينة تعمر ,,, النقطة اللي الناس تتكلم فيها انه ليش تنزل من الاوكتين في زمن الدول قاعده ترفع الاوكتين وهي دول مجاوره ؟

[جبر ال جبر]

pGR كلامك صحيح

[شيخ الديرة]

السعوديه للحين 95 و 91

لكن البحرين من الشهر اللي طاف اضافوا ال 98 وحاليا موجود في 3 محطات
الكويت بعد عندهم 98
والامارات ايضا عندهم 98

لكن التصريح الصحفي يقول "قرار التعديل جاء انسجاماً مع المواصفات القياسية لبنزين السيارات في منطقة الخليج "

[A-Alansari]

اغلب السيارات ماراح يضرها شي

وبعدين عندنا مشكله في البترول لانه اغلب الناس تصب سوبر وهو مايدري ليش بس يقولك احسن

مثلا سيارة المصنع محدد لها 91 في الكتلوج لو صبيت 97 الي بيصير انك قاعد تدفع فلوس زيادة على الفاضي لانه السيارة مب محتاجه هالاوكتين عشان تشتغل بكفائة عاليه

اما لو المصنع محدد لك الادنى 95 والافضل 98 فطبيعي لو صبيت 98 بيكون افضل لاداء المحرك

لكن اغلب السيارات 91 يكفيها واي زياده عليها ماراح يفيدك بشي

بالمختصر ارجع لكتلوج السيارة وشوف المصنع ينصح بشنو ولاتزيد على الاوكتين الي محدده المصنع لانه ماراح يفيدك بس خساير فلوس على الفاضي

[شبيه الريح]

1- الخبر مايسر وليس من صالحنا ولا صالح سياراتنا لانهم بيخلونه نفس سعر 97 واللي نصبه 95 وهو اقل خامه من 97

2- بالنسبة للي يقول ان موجود 95 في محطات وقود فهذا مخلوط 97 و 90 والدليل اسال أي احد في وقود ويقولك التريلات تعبي سوبر وممتاز مافيه غيرهم واهل المحطه نفسهم يقولون مخلوط


3- اللي يقول ان بعض السيارات ماتحتاج 97 هذا الكلام غير صحيح يمكن السيارات القدييييييمه جدا هي اللي ماتفرق معها واما السيارت الموجوده في قطر ف 90 فالمية منها جديد ويدعم البرتول 97 اوكيتن لانه نظيف ويحافظ على الماكينة


والدليل للي عنده جي اكس 6 سلندر خله يعبي ممتاز ويشوف الفرق شلون وصوت الماكينه ويحرق الزيت بسرعة والبلكات

والله المستعان والله يصبرنا بترول غالي وجودة اقل

ومانرضى بهذي الجودة

[بنت شرق]

شباب عرضتم المسألة وكفيتم ووفيتم ، شنو الحل نعبي بترول من دول الجوار مثلا والا نمشي بالمتوفر

[شبيه الريح]

في ناس تتكلم بجهل وتقول يكفي ويكفي وزين,, يا اخي انت خبير في هالامور عشان تتكلم؟ الاوكتين العالي يزيد من اداء السيارة ويحسن من عمل المكينه والاحتراق ,, بالاضافة الى شي يسمى knock كل ما زودت الاوكتين هالشي يكون غير موجود ويخلي المكينة تعمر ,,, النقطة اللي الناس تتكلم فيها انه ليش تنزل من الاوكتين في زمن الدول قاعده ترفع الاوكتين وهي دول مجاوره ؟

كلامك صحيح ميه فالمية

[راعي الكورفت]

الكروزر عندي يقبل 91 ومن خذته سنة 2008 لين اليوم دايما اصب فيه 91

لكن عندي موتر سبورت وبعد على يدي من الوكاله ومكتوب بالكتلوج 98


يعني شنو ابيع الموتر؟؟؟

في محلات الزينه علبه اسمها (octane Booster ).


حطها قبل ماتعبي فل وبترفع الاوكتين 3 درجات.

يعني لو حطيت 95 بتعطيك 98


سعر علبة الاوكتين بوستر 15 ريال .
خذ لك مجموعة علب .. وكلما تعبي فل .. استخدم وحده.

[MAZEN37]

كنا محسوديين ترا على البترول عالي الاكتين

[باراكودا]

يعني احين شنصب

صار لي فترة اصب عادي

( ناصحة إياهم بأن يستمر الجميع باستعمال نفس نوع البنزين المعتاد عليه دون تغيير .)

خلك على العادى أنا متعود على السوبر .