احلى عيشه تسكن انت مع زوجتك في بيت الوالد وعشان تكون قريب منهم ولكن بعض الحريم الحين مايرضون يسكنون في بيت الوالد ويشرطون على الزوج يوفرلها بيت
احلى عيشه تسكن انت مع زوجتك في بيت الوالد وعشان تكون قريب منهم ولكن بعض الحريم الحين مايرضون يسكنون في بيت الوالد ويشرطون على الزوج يوفرلها بيت
لا اله الا انت سبحانك اني كنت من الظالمين
نصيحه للشباب خذ زوجتك وسكنها بعيد عن بيت هلك
عشان ماتكسب ذنوب خصوصا اذا زوجتك قشره وما اتعاشر وباختيارك الشخصي،
مب مضطرين الاهل يتحملون عاهات داخل بيوتهم اكسب ثواب واسكن بعيد عن الأهل من البداية، وانا شخصيا أعانى من هالمشكله خصوصا ان الزوجه مب معرفه ولا اختيار الاهل تضطر تتصادم مع بيئه وتربيه غير شكل.
سبحان الله وبحمده
الأفضل السكن مع بقية الأسرة .
ومستقبلا الأستقلال في بيت مجاور .
سبحانك اللهم وبحمدك اشهد ان لا اله الا انت استغفرك واتوب اليك.
اكيد مع العائله .. مالي غنى عن الاهل
ما في افضل من بيت الاهل خصوصا في اول 5 سنوات بس يكون منفصل (ملحق ) وبالذات اذا الزوجه تشتغل واليهال يكبرون بين جدهم وجدتهم واعمامهم وعماتهم وياخذون منهم الاهتمام في بدابة عمرهم حتى النطق السليم ويتعلمون السنع ويتربون على الاخلاق الطيبه والعكس صحيح ولكن بنسبة قليلة
لكن بالمحصلة بيت الاهل افضل مليون مره من قطهم على الخدم وكلنا نعرف مشاكل وجرايم الخدم والبيئه اللي جو منها وشلون الواحد يطاوعه قلبه لما يشوف بنته ولا ولده يتعلق ويحضن خدامه بوذيه ولا مسيحيه او غيرها اكثر من امهم ضحت فيهم علشان كم ريال من راتب الزوجه وتنصرف في الزبو والخرابيط ولله التثور فيهم اقل شي يستاهلونه
المعزه والثقة بين الطرفين وشخصية وروح الزوجه ورجاحة عقلها وطريقة تفكيرها كفيلة بان تتغلب بعض الاشكاليات اذا صارت في البدايه والعامل الثاني اخلاق ونفسيات الام والخوات و الاخوان وطبيعة البيت لان فيه بيوت عايشين طول عمرهم في مشاكل وهواش وصراخ او خوات الزوج معقدات نفسيا وينفسون عن عقدهم على مرة اخوهم (تحريض -اتهامات -اختلاق مشاكل ) او عدد الاسره كبير واكثر من اخ متزوج وساكن مع عياله في بيت ابوه وما شالله البيت يتحول لمدرسه (ازعاج ونكد ومشاكل بين عيال العم )اكيد بنت الناس ما تتقبل هالوضع الجديد والعامل الاهم وبسببه وايد مشاكل تصير هو الغيره بين الحريم وكلن عينه على الثاني
يعني فيه حالات اللبيت المستقل افضل واكيد يجي يوم بيطلع الواحد ببيت بروحه مستحيل بيتم طول عمره في بيت ابوه وعياله طوله
ومب صحيح انه البيت مستقل غالبا افضل لانه يا ما عايشنا حالات الزوجة اكسبت حماتها وتغليها اكثر من بناتها وعاشو في سعادة والعيال تربو احسن تربية في حضن جدتهم ولما كبرو العيال طلعو بيت بروحهم وللحين رابط المحبه ومنعلقين بالبيت العود وياما حالات الزوج استقل ببيته من اول زواجه علشان الخصوصية وترسيخ العلاقة والرومانسية لكن نشوفه عايش بتعاسه لانه مرته غرفه بحمام مشترك ويهب عليها
التعديل الأخير تم بواسطة BoFahed ; 01-06-2016 الساعة 11:27 AM
عن تجربة شخصية الأفضل في السنوات الأولى تكون ببيت العيلة تقوى الرابطة بين العيلة والزوجة.
عن نفسي جلست بيت العيلة خمسة سنوات سعيدة ثم انتقلت لبيت مستقل استطعت ولله الحمد ارتب ديوني بعد الزواج خلال الخمسة سنوات وحتى الوالد رحمة الله عليه لم يفرح بمولود مثل فرحه بإبني رغم أني في القائمة قبل الأخير ولم يحزن والداي على أحد من إخواني لاستقلالهم كزعلهم عندما خرجت من البيت وسكنت قريب منهم لم يبعدني البيت المستقل عنهم.