تدري شنو اللي يضحك
قطر فونديشن خريجينها من الشباب والشابات كلامهم كله انجليزي
وهي الحين مسويه حمله عن اللغة العربيه
شر البلية مايضحك
واغلب خريجي جامعة قطر اللي تعاملت معاهم في مجال عملي مايعرفون يصيغون جمل باللغة العربيه
انا بنت
[[ حكم التكلم بغير العربية بدون حاجة ]]
الجواب:
التكلم بكلام غير العربية للعرب؛ هذا تشبه، تشبه بالأعاجم؛ لكن يجوز عند الحاجة، يجوز أن يتكلم بقدر الحاجة، ويزول المنع في ذلك. أما إذا كان من غير حاجة فهذا لا يجوز؛ لأنه من التشبه، من تكلم بهم تشبه بهم، وهو لغير حاجة لا يجوز.نعم.
http://www.alfawzan.af.org.sa/node/9659
لا يزال .. لسانك .. رطباً .. من ذكر الله ..
اذكر الله !
مرات تصير معاي لا شعوريا أخوي
مو بالظرورة انهم فاهمين شي غلط او ما يبونك تفهم او حتى للأجانب الي معاكم فاللفت.
عاده تصير و نمشي معاها يعني الحمد الله اتكلم عربي مع الكل بس عندي واحد فقط من ربعي كله اتكلم معاه بالإنجليزي و نقلب عربي و نرد انجلش و لا كأنه صاير شي بس الي يسمعنا يقول اشفيهم ذول مرة عربي مرة انجليزي.
دراستنا بالإنجليزي تعليمنا الجامعي بالإنجليزي دوامنا طول الوقت انتكلم بالإنجليزي مراسلات او التسوق بالإنجليزي. يعني الواحد صار يتكلم عربي فالبيت بس و هاي شي خطأ و ادري فيه.
بس رفيجي هاذي لا فيه عيب ولا فيني بس تعودنا لأن من ايام المدرسة و الدراسة لما يكون معاي معانا اجانب و ربيعي وربعه اجانب فلا شعوريا نقلب و نتكلم بالإنجليزي.
شر البلية ما يضحك بالعكس أخوي
انتبهو لهالشي فالسابق كان التركيز كامل برفع مستوى اللغه الإنجليزية و لله الحمد.
خريجينا سوائا جامعه قطر او المدينة التعليمية وبعض الشباب الي اعرفهم بدواماتهم يحلفون انه الأجانب ما يعرفون يكتبون بالإنجليزي صح و انه اهم الي يصححون لهم لغتهم.
و انا صادفت ايضا, و دور اللغة العربية مهم.
مثل ما تشوف فرديني السابقين ادافع عن هالتصريف و ما استنكره لأنه يشملني لا شعوريا اذا الشخص يتكلم بالإنجليزي او تعاملي معاه بالإنجيزي اقلب انجليزي و اكمل بأريحية اكثر من العربية
و نفس الشي بالتقديم محاضرة او مرتمر او حفل او الي اهو ارتاح بالإنجليزي اكثر لأن ممارستي للغة الإانجليزية طول الوقت بشكل يومي.
اكتب فقط بالواتس اب بالعربي و هنا فالمنتدى غير عن هالشي كلشي بالإنجليزي و انا مع حملات اللغة العربية لأن في ناس للأسف صارو يظنون بانها لغة رجعية و هذا للأسف خاطئ انما صار الإحتكاك الدولي اكثر من المحلي بس
كلام يعقوب عيبني توووو متش
كلنا قطر
كلنا تميم