كيف راح يحميها القانون ؟المشاركة الأصلية كتبت بواسطة بن غيث
|
كيف راح يحميها القانون ؟
اذا جاني اتصال وقالوا لي فزت
اووكي ماعندي مانع طرشوا مبلغ الفوز
واخصموا الرسوم منه
مخ يشتغل
المصيبه مب ان الشركه متصله في نهاية الليل
المصيبه ان في حد يصدق هالسوالف عطني 10 الاف اخلص لك الأوراق انت ربحت معانا 200 الف ريال!!!!!!!!!!
طيب اخصم من 200 الف وعطوني الباقي
انزين اوريدو مالها فرع فالإمارات وبعدين شركة قطريه وانت في قطر!!!
الي يصدق مثل هالسوالف
ويثبت ان تكرر معاه الموضوع لأكثر من مره لازم الدولة تحجر على امواله
الطمااااع هو من يقع في فخ النصابين!!!
الصبر جميل
كلامك صحيح المفروض الواحد مايصدق هالاشياء ولا يمشي وراها لازم تكون عن جهات رسميه
بس موضوع اوريدو ويتصل من الامارات صارله اكثر من 4 سنين اذا مب اكثر محد حاول يتدخل يبلغ الجهات الامنيه تراقبهم
هم ماتمو يتصلون والا في ضحايا ولهم دخل والجماعه شغالين الجرائم الالكترونيه خطيره والمفروض الجهات المعنيه ماتتهاون فيها لازم تغلظ عليهم العقوبات ويتابعون اول باول
السوال الاهم شلون توصلوا لمعلومات الناس الشخصيه ؟؟
علمت أن رزقي لن يأخذه غيري فطمأن قلبي
وعلمت ان عملي لا يقوم به غيري فاشتغلت به وحدي
الانسان اللي كذب وخدع أول مرة يكذب في الثانية وصدقني لا عنده بيانات ولا شيء .. المفروض المشتكية تاخذ نفسها للإمارات وتشتكي هناك صدقني متطورين أمنياً وبيسحبونه بيسحبونه
للحين في ناس تصدق هالاشكال
انا من يجيني اتصال من الامارات وهندي يقول فزت وخرابيط على طول اسمعه صوت القطار
كانت تجيني ايميلات كثيرة بطلب غسيل أموال تصل ل 50 مليون دولار أو جنيه استرليني .. والمطلوب بيانات بسيطة كرقم الحساب وبعض البيانات الشخصية للتحويل ولي نص المبلغ بالشراكة معاهم بعد التحويل .. وخفت خصوصاً إن الرسائل تكررت ومن عدة أشخاص وعدة دول
أحد الأصدقاء وكان يشتغل في كيوتل جاته ايميلات بنفس المبدأ وصدق مسكين ويقول لي ليش ما اجرب ولا حصل شيء طلبوا منه السفر لجنوب أفريقيا حتى يقدرون يخلصون الإجراءات .. قلت له قوم جمبولو جمبوليله هناك بينتفون قطع منك وبيرسلونها حق هلك حتى يطرشون فدية
في أمريكا أول ما بدينا ندرس .. توصلنا رسائل على البريد واسمي مكتوب داخلها بالخط العريض مبروك والاسم كامل فوزك بعشر ملايين دولار .. وقتها الراتب تحت ال 1000 دولار بشوي 965 بالضبط .. كنت اقرا الرسالة وفيها صورة واحد اللي يقول مبروك بس بعدين يكتب لازم تسوي اشتراك في المجلات ذي وتدفع قيمة اشتراك سنوي وتدخل السحب وبتفوز بتفوز فوزك مضمون .. هي دعاية بوعد امكانية تحققه مستحيلة والمجلات كانت بأسعار معقولة وبسيطة يعني الواحد بيستفيد خصوصاً وقتها لا انترنت ولا اتصالات حديثة .. كانت الصورة حق المليونير وارن بافيت اعتقد ويحط عروض حتى في التلفزيون
لا استغرب انهم عطوها رابط تضغط عليه وينصب تطبيق يفتح ابواب الموبايل وشبابيكه بعد، والكاميرا وتسجيل صوت وصلاحية الاطلاع على الصور و ياليل ما اطولك
العقل نعمة، مسكين اللي ما يستخدمه صح
ضوابط المشاركة
رد مع اقتباس
