هلا يا مشرفتنا الغالية ديور
ذكرني شي مهم جدا من هو الضيف
وما توجيب الضيف القريب شايفه من اسبوع
شايفه من شهر وهكذا هل يذبح له ام عزيمة
عادية من خلال ما عملنا وما شفنا
نذبح للقريب والبعيد
ويعمل الناس ذالك خوف على السمعة
وعلى الارث العائلي علشان ما حد يتكلم
عليهم او يلحقهم منقود
اتسائل عن الناس الي على قدهم
شيسوون في هالمواقف
نعم في الماضي لم يكن الجود مرتبط بذبح الخرفان ،، لكن كانوا يجتهدون قدر استطاعتهم
كانوا يعطونك الميسور من الزاد ،،، احياناً خبز و تزرطه مع قهوة ( زيرو كالوريز) الدهن والعسل كانت رفاهية
وكانوا يذكرون بعضهم بالخير ،،،،كم من ضيف في زمنا هذا يكرمونه الناس اتقاءً للسانه ، واحياناً ما يسلمون
كان آبائنا مستوياتهم متقاربة و يقدرون يجارون بعضهم في اكرام الضيف ،، لكن اليوم مستوياتنا اختلفت ، لكن المعيار ثابت مكانه و لذلك اصبحت الضيافة ثقيلة ومرهقة للكثيرين .
فيه ناس ميسورين و عندهم مشكلة من يروح يدور ذبيحة و طلعة ونزلة و احياناً ياخذها بزود عن قيمتها ،،لاختصار الوقت والجهد ؟؟
اللي الله منعم عليه لاشك انه بيذبح للثلاجة و لجمعة الجيران ،، و رأس الشهر مرّة ،،، لكن بلاك اللي معسور ( فهذا تقبل منه الملاقى الطيب و لا تطيعه ) رحمةً به
لحد يقولي من العادات والتقاليد ذبح خرفان للضيوف
هم كانوا محصلين ياكلون أصلاً
العزيمة على حسب المناسبة، عرس ولا عقيقة ولا هالنوعية تكون ذباح خرفان كالمتعارف عليه
لكن ضيوف عادي نعطيهم عيش ولحم مب لازم ذباح او دياي أو سمج أو حتى كباب. كله أكل ونعمة
والله الجود من الموجود ......
ياخوي الكرم والعزيمه مب بس خروف وصحون طايحه اكثر من المعازيم!!!!!
الجود والكرم يكون في الوجيه المبتسمه اللي تهلي وترحب بضيوفها وتخاف الله في الناس وفي النعمه اللي الله رزقهم اياها
اعرف ناس والله الكل يحبهم والكل يتمنى قربهم والله انهم ساعات اذا سووا عزيمه يكون اليدام دجاج او سمك ... مب شرط 1000 خروف طايح
اهم شي النفوس الزينه والطيبه هي اللي تخلي المكان سعه وتخلي الضيف يرتاح
مب هياط وشو
واحب اذكر ..... احنه والله والله فيه نعمه .... ترى حتى عزيمه على سندويش بيض خير وبركه .... غيرنا يا اخوان مب لاقين حتى بسكوته ياكل فيها عياله
الحمدلله على كل حااال
مرات تكون كرامه
يعني تخيل شخص اول مره تعزمه وايي عندك ويبلفيت متكلف فيه
ويوم تكشف له القصدير يطلع مجبوس دياي !
مب حلوه ف حق الي عزمه قبل المعزوم
شناقصني عشان اسويله عيش ولحم؟
دام اني اقدر بتجمل ف ضيوفي
واذا على الاسراف احنا عمرها اللقمه مازادت عندنا نعرف نعطي من ونوزع على من
اذا وجدتني واثقا بنفسي لاتعتقد اني متكبر واذا وجدتني دائما الابتسام لا تعتبر اني مرتاح البال وان اخطأت يوما أمامك لا تقل عني إنسان سيئ
أعطني حسن ظنك اليوم كي أمنحك إياه يوم تحتاجه
قال النبي-صلى الله عليه وسلم-: "من كان يؤمن بالله واليوم الآخر فليكرم ضيفه".
الضيف "اذا اقبل أمير واذا جلس أسير واذا قام شاعر" ، ولاشك ان العرب رغم اختلاف العادات في وقتنا الحاضر ، إلا ان الغالبية ولله الحمد تراعي مكانة الضيف ، وإكرامة بالأستقبال وتقديم الذبايح لايعد تكلف لان الموضوع خاضع للمتعارف عليه ، ماننقد في مثل هالمواضيع على الذبايح ، ولكن ننقد على المهايط اللي اوصلوا له البعض من اسراف وتبذير ومبالغة .
مثل ماهو ، ورث متوارث ، وعادة لاتتزحزح عند البعض .وما هو مستقبل العزايم بعد الانفتاح
كثر الله خيره .ما ردت فعلك لو وجدت مضيفك ذابح لك استرالي او سوداني
سبحانك اللهم وبحمدك اشهد ان لا اله الا انت استغفرك واتوب اليك.