&& ابي تنقذوني &&

[ضوى]

اخواني وخواتي

عندي مشكله شبه عويصه واتمنى احصل من الخبراء الموجودين الله يعطيهم الصحه والعافيه ،
عندي الدش اللي بالمطبخ ضرب وشوط الواير وماعاد يشتغل ، جبت اثنين مال دشات واحد ماعرف المشكله خير شر ،والثاني عرف المشكله لكن يوم جا يسحب الواير المشوط ماقدر مجيم الواير بسبب اسمنت والا تراب مدري عاد المهم يوم جا يسحبه انقطع ، والحين مافي حل الا يمد واير من برع على داخل المطبخ وطبعا التمديدات راح تبين بالمطبخ وهالشي مسبب لي قلق لاني ماحب الشي الغير منظم ، شنهوفي حلول !؟ ممكن اركب رسيفر مايحتاج صحن ويشتغل بالنت بس !؟ ممكن الواير اللي ماقدرنا نسحبه في طريقه نسلك المكان بحيث نقدر نحرك الواير ونبدله من غير لا نضطر نمد واير من برع ؟

اتمنى احد يحصل لي حل وله الاجر ان شاء الله

[naklan]

مرحبا اختي ضوى
ممكن يمدد في الارض خارجيا وإذا وصل لطوفة
المطبخ يكسر من الخارج فتحة بسيطة تكفي البايب
للكهرباء وإذا وصل المكان الي يبيه يفتح فتحه في
مكان النقطة السابقة وبعد ذالك يركب شبك حديد
ويعمل بلاستر ويصبغ وينتهي الموضوع
بدون تكسير داخلي

حل ثاني يجيب الواير تحت الارض الى المطبخ
وبعدين يشيل حبة بلاط من الارض الى مكان النقطة
وبعد التسليك يركب بلاطه مشابهة او بلاط ديكور
يزين المطبخ وما يخل بالشكل العام
موفقين واتمنى لك
التوفيق

[ضوى]

جزاك الله خير اخًوي نكلان

مشكلتي مب الواير من برع المشكله انه بيمده مسافه طويله لين مكان التلفزيون ، والطوفه اللي بيمدد عليها الوايرات كلها خزاين المطبخ من تحت فوق مافي خزاين بهالزاويه

مافهمت حلك الثاني بس مافي مجال للتكسير ايدا لانه المسافه من البايب النازل من فوق لين المطبخ يمر بغرفه نوم ومنها طالع عالمطبخ مدري منهو العاقل اللي سوى جذي بس اكيد شغل البنغال ،
انا ودي احد يعطيني حل احرك الواير المجيم فيه امل يتحرك والا اصرف نظر تماما عن هالشي

[Sowaidi]

مرحبا اختي مالي خبره بالبنيان ولكن في حل ثاني بس مادري اذا موجود في الدوحه بس تقدرين تسألين جرير ولا محلات الكمبيوتر
إذا الدش الموجود في مكان قريب HD تاخذين شي اسمه hdmi wireless extender
تركبين قطعه في التلفزيون الي في الصاله الي جنب المطبخ
والقطعه الثانيه في تلفزيون المطبخ ويصير تلفزيون المطبخ يأخذ الصوره من الصاله بدون دش أو واير
هذا مثال له من يوتيوب
https://m.youtube.com/watch?v=ndJw0B56XM4

[ameeer3]

يصبحج بالخير اختي ضوى ،،،

1- بالنسبة للبيب المسدود شوفي لج محل مختص في التمديدات الكهربائية ممكن انه الحل بسيط وعنده معدة خاصة لمثل تلك الأنسدادات.

2- أما بالنسبة للرسيفرات الي تعمل بنظام النت ، اتوقع محل العنابي هو افضل خيار تتواصلين معاه للتأكدين بالمتوفر ، ناهيج انه محل العنابي ايضأ عندهم ناس خبره في تمديدات الدشات بشكل عاااام والاسلاك الكهربائية.

[بوخالد911]

مرة صادفتني ان الواير مجيم / مشير
عطيت الفني زيت الطبخ
وصبه بداخل البيب

وبعد عدة محاولات قدرنا نسحب الواير

[ضوى]

بيض الله ويهكم ماقصرتوا

بو خالد بنجرب اليوم ان شاء الله وبنشوف الله يجزيك خير ماقصرت

بالنسبه لرسيفر النت في واحد يجيبونه من بريطانيا بظ¤ظ*ظ* باوند يشتغل عادي بالدوحه وجاري التاكد من التجديد اللي كل سنتين

[ضوى]

اخواني للاسف جاني اكثر من واحد وكلهم اجمعوا انه الواير صعب زحزحته ، وغير هذا واحد منهم يقول فيه بوكس هو نقطه الوصل بين الوايرين وهالبوكس دام اخفاؤه مع عمليات الصيانه الاخيرة شغل البنغال يعني ، وللاسف الشديد اضطريت اخضع للخيار اللي الجميع طرحوه علي واير من برع لكن بطريقه مقبوله والله المستعان
وشكرا شكرا للجميع ماقصرتوا

[A-Alansari]

اذا الواير انقطع لازم في نقطه تتجمع فيها الوايرات كلها بيقدر يسحبه من هناك

ومايصير هالنقطه تتسكر لانها ضرورية

وكل طابق يكون فيه نفس هالنقطه لو ترجعين لخرايط البيت بتلقين مكانها يكون نفس مربع صغير مسكر ببلاستك او شي

لانه هو انقطع عنده من صوب المطبخ

الحيني قدر يسحب من الصوب الثاني

[هيليوم]

في بيبات بيضا تستخدم للحماية يمر فيها الواير بحيث ما يتعرض للشمس من بره او الحرارة بشكل مباشر داخل المطبخ ، كنت اشوف مثله في بعض المباني ، يمكن ينفعك اختي