ذهب حقنا بين مرواغة التأمين وتخاذل المرور!

[وحيد-الشوق]

الله يعينك

لفت نظري شيء غريب جداً شلون شركات التأمين عندهم بند تصليح بقطع تجارية !!!!!!! شيء غير معقول ان شاء الله سيارتي موديل 2000 بركب اصلي كيفي ادري مب جبر الموضوع بس عيب يكون هذا البند او الخيار موجود

[airbus]

المفروض قانون يتغير لانه يصب بي مصلحة شركات التأمين
ادا عندك تأمين تضد الغير ادا موديل 2016 تصليح في الوكالة بدون ماتدفع ولا ريال اما موديل 2015 حتى 2011 تتصلح في الوكالة لكن تدفع نصف الثمن التصليح اما من 2010 ونازل نفس ماصارلك

في قانون غريب تاني انه ادا سيارتك 2010 ماتقدر تسوي تأمين شامل شي عجيب

الحين في شارع 55% ماتعرف تسوق وعندك هده القوانين الغريبة حرام تشتري سيارة فوق 200 الف

[شيخ الديرة]

بيمة تدفع ألف اضافي ويصلحون سيارتك بالوكالة بغض النظر عن عمرها، اذا كنت السبب او المتسبب

[naklan]

الي حط قانون التأمين نصاب بس التامين هو الي
يستفيد والنَّاس ضايعة حقوقهم يدفعون فقط المفروض
بالاتفاق والشروط او لا نجبر الناس عليه اول مره
اشوف قانون بهذا الشكل الغريب
ادفع وروح

[طلعة الروح]

انا ضد التأمين الشامل الا لاول سنة وسنتين من عمر السيارة
لأن بعد ذلك عارفه أن التأمين وفاحص يعاملون السياره معاملة انها قديمه ويطلعون فيها اي خراب من مخهم عشان يبرون ذمتهم مره كنت حاطه مخفي 10% راحوا طلعلي خطأ قانونى ف الفحص ان السياره مخفي فوق ال 60% هل يعقل هالخطأ وتمت ازالته عند مراجعتهم للمره الثانية وقام الموظف قطع ورقة الفحص قدامي وهذا ان دل ع شي يدل ان الفحص الفنى غير دقيق، شركات التأمين كذلك حدث ولاحرج انا ادفع من جيبي ولا احط تامين شامل مادام اخرتها بيقولك صلح في كراج عادي او وكاله غير وكالة السياره.

[سليمان احمد]

بصراحه قانون التامين عندنا غير واضح من المفترض انه يكون هناك لوائح وقوانين تحدد حق المؤمن في التصليح

ماتترك الامور خاضعه لتفسير الموظفين او شركات التامين وش ذنبي اشتري سياره جديده ويجيني شخص غشيم

يدعمني واروح اتشحطط مع شركات التامين تحلل فيني وتحرم

في امريكا القانون واضح وتعرف حقك من لحظه تامينك على سيارتك وتسوق وانت متطمن

هنا مثل هذا الاخ صاحب الموضوع لين الحين مايعرف حقه في تصليح سيارته يشمل ايش بسبب الغموضيه وترك

الشخص تحت رحمة شركات التامين

[sos 12]

استوى حادث مروري متوسط الحجم بين أحد أبنائنا وآخر، وكان الخطأ على هذا الآخر، وذهبا إلى المرور لتخليص الاجراءات وكانت سيارة المتسبب مؤمنة، وعند مراجعة التأمين رفض إصلاحها بقطع جديدة ((أصلية)) بحجة أنها قديمة2006 ، وقد أخذ موظفوا التأمين يراوغون بكل حيلة حتى لايتم تصليح هذه السيارة بشكل كامل، فتارة يقولون سنصلحها بقطع مستعملة، وتارة يقولون إذا تريد جديدة أصلية فعليكم 50% وتارة يقولون سنصلحها لك بقطع تجارية، كل ذلك ولم يبرزوا لهذه المراوغات قانونا يستند عليه.
وعندما يئسنا منهم ذهبنا إلى إدارة المرور، وهي الجهة ذات الصلة بالحوادث والقوانين المرورية، فأخذ الضباط والمحققون يفتون في قضيتنا بفتاو مختلفة لمسنا منها - على مايبدو - جهلهم بقانون هو من صميم عملهم، في الوقت الذي لمسنا منهم عدم أخذ الأمر على محمل الجد!
فأين نذهب ياسادة؟

نفس موضوعي علي موديل سياره 2004 ... محد راح ينفعك بها الموضوع ... التأمين يستند علي محضر اجتماع اتفقوا فيه بين المرور وشركات التأمين ... وطبعا هذا لا يمثل القانون ... الي سويته قتلهم أترجعون سيارتي نفس ماكانت من قبل ... من غير قطع تجاريه ... وفعلا تموا شهر لين ماطلبوا من الوكالة جديده لانه ماحصلوا مستعمل

[ساعي الخير]

سيارتك مو 2006 فعلا تعتبر قديمه
ومن زمان معروف تتصلح في الكراجات العاديه

ياأخي أنا لاأريد منهم إصلاحها في الوكالة، وراض بأي كراج، بس القطع تكون أصلية، هذا لم يقبلوا به، ويريدون منا دفع نصف تكاليف القطع!! أليس هذا بأمر عجيب؟!

[cafe998]

أتوقع الخليج نظام واحد
بالسعودية تقدم شكوى مماطلة في تسوية مطالبة
لمؤسسة النقد السعودي عن طريق الموقع الالكتروني او تروح بنفسك
وعندكم أتوقع لمصرف قطر
ولا يهم موديل السيارة
لكن عندنا تودي السيارة المتضررة للوكالة وتعمل لها تقدير تصليح
او تروح على شيخ الورش تعمل لها تقدير تصليح
و تروح تجيب اسعار قطع الغيار
وتقدمها للمرور
والمرور يوجهك على التأمين بتأكيد على انك طلبت القطع المتضررة والتصليح يكون للأشياء المتضرره من الحادث
وتنتظر من يوم الى أسبوع وتاخذ شيك بقيمة فواتيرك
وبعدها انت حر تصلح او ما تصلح

[cafe998]

طبعا كلامي لو كان الخطاء 100% على الطرف الآخر
لو كان 50 % تأمينه يدفع نصف التصليح ونصف قطع الغيار والباقي على تأمينك انت