حق الحضانة بعد الطلاق في القانون

[موظف ((حكومي]

السارق في القانون السعودي قطع يد

[محمد سعيد]

هذولي أطفال حرام الزج بهم في هالامور والخلافات بين الزوجين مالهم ذنب

الله يصلح بين كل زوجين ويهدي كل ناشز

شسوي اذا القانون مايحمي الاطفال و يعطيهم حقهم الشرعي من الاب والام؟

القانون عندنا بعيد عن العدالة وغير منصف ولا يوجد من يوقف الاب او الام عند حدودهم في حال ان في ضرر على الطفل!

بل العكس اذا من ناحية الاب وبدون دليل ممكن القاضي يمنع الاب يشوف ولده بحكم القانون المصري الوضعي الغير شرعي

لكن من ناحية الام حتى لو منعت الام مرة ا ومرتين القانون ماينفذ عليها!!!!

انزين وحقوق الاطفال وين؟

طبعا عند القضاء المصري في مهب الريح

اسف القضاء القطري بس بشكل ديكور

[الكفــــــو]

كل من يقرأ الموضوع و الردود يعرف لما الطلاق أبغض الحلال عند الله

[لبيبة]

شوف اذا العيال يبونك ومايبون جدتهم او امهم يعني يشوفون عندك الراحة تقدر تاخذهم وماتردهم

حتى الشرطي اذا جاك قوله مايبون يروحون عند امهم او جدتهم وماراح يغصبهم لا هو ولا المحكمة وفي النهاية انت ابوهم

يعني ضبط معاهم

اما في حالة الام تنمع عيالك عنك ولا تخليك تربيهم ولا تزورهم ولا تخليهم يباتون عندك طبعا واجد امهات جي (الله يحرقهم بجاز) الحل مع الاشكال ذي انك تروح اقرب مركز شرطة وتقول ان الام او الخال اذا موجود او جدته جالسين يعذبون عيالك

عشان يتسحبون كل شوي لمركز الشرطة للتحقيق ويفهمون ان الموضوع منعهم لك بتجي على سمعتهم في مراكز الشرطة

وكل ماحاولت الام تمنع روح اقرب مركز واشتكي عليها في اي شي يسحبونها ويسحبون امها معاها على اساس انت اشتكيت عليهم


واذا لك مبيت وزيارة لهم ومنعتهم لازم تسوي كل ماتمنعهم عنك تقرير في الاستشاراات العائلية وتجمع التقارير بعد سنة وترفع قضية عليها مرة ثانية وتطلب الحضانة

واذا اثبتت التقارير انها ماتخليك تشوف العيال بعد سنة راح يعطيك القاضي حضانة لمدة ست شهور تأديب للأم

المهم الوضع كذي ماشي في قطر

لا عدالة لا خرابيط انصب امورك في الروب

السلام عليكم ورحمة الله وبركاته،

ما أفهم ليش تعطي تعليمات لدمار البيوت أكثر وتشتيت الأبناء وتدمير نفسياتهم،

وكيف تحرض على الكذب والخداع وقول الباطل،

والهدف اناني مفرط لا يراعي الابناء او نفسياتهم،

اذا العيال ما يبون يزورونه مب مجبورين شرعا وقانونا،

هي مب معركة وفيها منتصر ومهزوم،

هذا الاب اللي يسوي جذي لا يتوقع لما يكبرون عياله انهم يحبونه او يزورونه،

هو يعلمهم باللي يسويه كيف يكونون عاقين به، الاب الكاذب عاق بابنائه،

ولا يتوقع برهم به ان كبروا لأنه تسبب في اذى مستمر لهم ولأمهم وجدتهم،

وما راح يجني الا على نفسه.

الله يهديك، وأطلب منك أو من الإدارة مسح ردك.

[عـ العبيدلي]

يعني الي فهمته من رد اخوي محمد سعيد ..
مواد القانون مب شرط تطبق !؟

[نوار قطر]

أشكرك على طرح الموضوع و بعلمك باللي صاير عندنا في منطقتنا خاصة و ليس في السعودية بشكل عام

اذا حصل فراق بين الزوجين و العيال صغار يبقون مع امهم

اذا العيال كبار و كانوا في منطقة واحدة فتلاقي الولد في النهار مع ابوه أو يرد من المدرسة لبيت ابوه و في الليل يروح لأمه و اذا كان فيه مجال يبات عندها ممكن يقعد عندها بعض الأيام و العصاري مع ابوه واجداده

اذا كان الزوج والزوجه كل واحد في مدينة و متباعدين يتم العيال مع ابوهم ويوديهم نهاية الأسبوع و في الأجازات لأمهم .
اغلب امورنا نسويها بعيد عن المحاكم و عوار الرأس و في مثل المشاكل ذي لا بد اننا نتحزب لمصلحة الاطفال لا مع اخوي و لا مع اختي لو كانوا اطراف في الموضوع خاصة في زمن ضيعت فيه الأمانة

والام وينهاا ليش تقشعون عيالها من جبدهاا... الام اولى واحن من الاب على عيالها ,, ليش تحرمون العيال من انهم يتربون عند امهم ..,وين الحق وين العدل وين الدين وين الشرع في ان العيال ينحرمون من الام ...أي اتفاق ذي والله روحي من روح عيالي ماافارقهم..

[نوار قطر]

شوف اذا العيال يبونك ومايبون جدتهم او امهم يعني يشوفون عندك الراحة تقدر تاخذهم وماتردهم

حتى الشرطي اذا جاك قوله مايبون يروحون عند امهم او جدتهم وماراح يغصبهم لا هو ولا المحكمة وفي النهاية انت ابوهم

يعني ضبط معاهم

اما في حالة الام تنمع عيالك عنك ولا تخليك تربيهم ولا تزورهم ولا تخليهم يباتون عندك طبعا واجد امهات جي (الله يحرقهم بجاز) الحل مع الاشكال ذي انك تروح اقرب مركز شرطة وتقول ان الام او الخال اذا موجود او جدته جالسين يعذبون عيالك

عشان يتسحبون كل شوي لمركز الشرطة للتحقيق ويفهمون ان الموضوع منعهم لك بتجي على سمعتهم في مراكز الشرطة

وكل ماحاولت الام تمنع روح اقرب مركز واشتكي عليها في اي شي يسحبونها ويسحبون امها معاها على اساس انت اشتكيت عليهم


واذا لك مبيت وزيارة لهم ومنعتهم لازم تسوي كل ماتمنعهم عنك تقرير في الاستشاراات العائلية وتجمع التقارير بعد سنة وترفع قضية عليها مرة ثانية وتطلب الحضانة

واذا اثبتت التقارير انها ماتخليك تشوف العيال بعد سنة راح يعطيك القاضي حضانة لمدة ست شهور تأديب للأم

المهم الوضع كذي ماشي في قطر

لا عدالة لا خرابيط انصب امورك في الروب

عادي انك تعقد عيالك ؟؟ وتدخلهم في متهاهات هم في غنى عنها.. عادي تلتهم في المراكز .. عادي يشوفون امهم كل شوي داخله مركز شرطة...أي نصب واي خرابيط .. واي تربيه الي انت بتربي عيالك عليها وانت تفكيرك بهالطريقه .. لاتقول انا ماسويت وماجربت وان هذي الواقع .. حتى لو ماسويته بس عندك استعداد قوي انك تدمر عيالك.. فيه شي اسمه تفاهم فيه شي اسمه الكلمة الطيبه والزينه الي فيها تكسب الام قبل لا تكسب العيال... مب كل من تطلق معناته ان الام او الاب سيئين .. الله المستعان

[طلعة الروح]

كل من يقرأ الموضوع و الردود يعرف لما الطلاق أبغض الحلال عند الله

مصيبه كبيره وله تأثيره ع العايله والمجتمع ككل
أحيانا يكون حل للطرفين المتنازعين اذا كان من غير اطفال
المشكله ان البعض لايفكر في الطلاق ويقدم علية الا بعد ان اخذ قرار تكوين اسره وانجاب الاطفال واستمر سنين في هذا الزواج، هذه النقطه الي ماقدرت ابلعها معقوله مايقدرون يمشون ازماتهم بعد هالعشره الطويله نسبيا ويكون الطلاق الحل الناحج في نظرهم!

[محمد سعيد]

اذا الأب والام متفاهمين

ماله داعي المحاكم

والمحاكم ابوابها طويله وقوانينها وضعيه لا تحمي الاطفال و لا تعطيهم حقوقهم

محاكم السيسي عندنا للعلم

والحلول الي حطيتها هي حلول مجبورين عليها لان القانون ضعيف ولا يعطي حق الاطفال

فالاولى ان تستنكرون على القانون الوضعي وعلى قضاة الديكور عندنا وعن التناقض الي فيكم

تستنكرون الأحكام في مصر وتنسون ان عندكم من قضاة مصر في محاكم قطر نسخة طبق الاصل

والقاضي القطري مجرد ديكور للاسف

حقيقة ماتبون تتقبلونها مشكلتكم

هذا راي محد مجبور يسمع