النتائج 1 إلى 8 من 8

الموضوع: التجاره الالكترونيه (بالأخص تجارة الانستقرام)

  1. #1
    عضو
    رقم العضوية
    20731
    تاريخ التسجيل
    May 2008
    المشاركات
    308

    التجاره الالكترونيه (بالأخص تجارة الانستقرام)

    السلام عليكم ورحمة الله وبركاته

    حاب استشيركم واستفيد من نصايحكم ومن خبراتكم... انا من زمان احب اتسوق اون لاين واي احد من اهلي او ربعي يبغي شي اطلب له. باللذات النظارات الشمسيه ولا مره في حياتي شريتها من الدوحه كل نظاراتي اطلبها. اللي لاحظته واستغربت منه من بدت الهبه الجديده نظارات Dior ان في فرق خيالي فالاسعار بين اللي يطلبهم من برع وبين اللي يشتريهم من الدوحه. وحده من النظارات طلبتها لاخوي سعرها فالدوحه كان بين 2400-2800 انا طلبتها لاخوي مع الشحن ب 1100!!

    فكرة اسوي لي حساب تجاري فالانستقرام لبيع النظارات ((الأصليه)).. لكن مشكلتي هي ان شلون اثبت ان النظارات اللي ابيعها أصليه!! من اللي اشوفه فالمنتدى ان الناس ماعندها ثقه اذا ماعندك محل تسوي تحقيق وليش بتبيع وشيضمني انه اصلي وفالنهايه ما تشتري تقول ماقدر اضمن انها اصليه... من تجربتي مره عرضة ساعة رولكس اصليه فالمنتدى جاني الف مسج والف اتصال وكل الاسئله من وين شاريها وليش شاريها وليش بتبيعها وكم مره لبستها وفالنهايه محد جاد(مع العلم ان عندي فاتوره وكل شي ) واخر شي رحت بعتها في سوق الذهب باعلى من السعر اللي كنت عارضه..

    من مقارنة الاسعار اللي سويتها ممكن ابيع النظاره الاصليه مع تكلفة الشحن والفايده والتوصيل بنص سعر المحلات في بعض النظارات. طبعا استشرت اخواني وربعي محد شجعني كلهم قالوا اذا ماعندك محل محد بيشتري منك لو بنص السعر لان مافي ثقه.. فكرت اسوي سجل تجاري بدون محل ويوم ابيع النظاره يكون في فاتوره عشان يرتاح الزبون ان يقدر يشتكي ويطالب بحقه لو يبي ولكن اعتقد هالشي مخالف وبيدخلني في مشاكل مع وزارة الاقتصاد!! وماعتقد ان اقدر في كل نظاره اواعد الزبون في محل عشان يفحصها بالذات اذا حطيت مندوب يسلم البظاعه.. وطبعا راعيين المحلات ما اعتقد كلهم يخافون الله بيقولون الصج .. ممكن يقولون ان النظاره تقليد وهي اصليه لان انا قاعد اضرب سوقهم!!!


    السوال اللحين لو انت/ انتي كنت تبي تشتري نظاره شمسيه.. ولقيت حساب فالنستقرام عارض النظاره مثلا ب 1500 ريال وسعرها فالمحلات لقيتها ب 2500ريال(طبعا اقصد النظارات الغاليه مثل ديور وفندي) بتشتري من الانستقرام ولا بتفضل انك تشتري من المحل لو زياده الف ريال!! شنو الشي اللي ممكن يرضيك ويخليك تشتري وانت مرتاح.. لو مندوب بيوصل لك نظاره محل او محطه قريب البيت كم سعر التوصيل اللي تشوفه مناسب للي داخل الدوحه !! وللي برع الدوحه !!!

  2. #2
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,667
    ,

    ,


    مرحبا


    ما شاء الله من اجمل المواضيع المعروضه

    شرح الموضوع وشرح المشكله وشرح مفصل من كل النواحي

    والجميل بالموضوع انت عارف شنو تبي ( معلومه )

    هذا الموضوع مثل

    مشكله

    استفتاء

    حل


    الماركات من الصعب اشتريها من الانستغرام لان ( مافي ثقه ) وبفضل اشتريها من محل حتى لو اغلى بس فيها ضمان والمكان معروف

    لذلك سوق ( التقليد ) والاكسسوارات و (الاكل )

    والخلطات ( العود ) و ( العطورات الشعبيه ) هو الي ماشي وهو الي فيه اقبال كبير وفيه ( ربح ) اكثر

    بتواجهك مشكله عدم الثقه في سوق الانترنت بالنسبه للماركات هذا شي طبيعي


    لازم تعمل ( محل ) صغير

    وبضرب لك مثال

    في محل بسوق الذهب يبيع ساعات رولكس ( مستعمله ) اصليه حق واحد قطري من عيال الدرويش اذا ماخاب ضني
    مشهور يبيع الساعات الاصليه ويشتريها ويعيد بيعها

    المحل صغير مايجي 3 متر × 3 متر

    هذا المحل اخذ ( ثقه ) من الناس وتعب في المحل في البدايه حتى اصبح معروف على مستوى قطر والخليج

    الله يبارك له في حلاله ويرزقه يارب الرزق الحلال

    لوقدرت تعمل نفس الفكره على الماركات الاخرى المشهوره

    بيكون شغلك ( قانوني ) من حقك تببيع كل الماركات المشهوره لانها مستعمله وتبيع النظارات الجديده لان النظارات لها موزعين كثيرين


    اما في الانستغرام ما ينجح بيع الماركات للاسف الا على( الاصدقاء والقرايب ) الي يعرفونك زين ويثقون فيك


    في الاخير نصيحه

    ما دام انت مفتح وجيد في النت ما شاء الله عليك

    ( لاتحبس ) موهبتك وحسك التجاري في ( النظارات ) المجال اوسع من ان تحصره بهذا الموضوع
    فكر خارج الصندوق
    الاستيراد والتصدير ممتاز جدا وفيه عشرات الاصناف الي السوق محتاجها وفيه فرق سعر ممتاز في كثير امور


    بالتوفيق لك


    ,

    ,
    التعديل الأخير تم بواسطة شموخ دائم ; 20-06-2016 الساعة 12:30 AM

  3. #3
    عضو مميز الصورة الرمزية boamir
    رقم العضوية
    21954
    تاريخ التسجيل
    Aug 2008
    المشاركات
    1,738
    الموضوع حلو والأحلى الرد الوافي
    سبحان الله وبحمده عدد خلقه ورضا نفسه وزنة عرشه ومداد كلماته


  4. #4
    عضو الصورة الرمزية مجوهرات
    رقم العضوية
    49874
    تاريخ التسجيل
    Jul 2016
    المشاركات
    72
    uuuuuuuuuuuuuuuup

  5. #5
    عضو مؤسس الصورة الرمزية jajassim
    رقم العضوية
    332
    تاريخ التسجيل
    Feb 2005
    الدولة
    واحد في حالة
    المشاركات
    29,040
    الي يرضيني لشراء عن الانتسغرام وجود كرت ضمان للماركات والله يوفقك
    (وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ)

  6. #6
    عضو
    رقم العضوية
    50363
    تاريخ التسجيل
    Nov 2016
    الدولة
    قطر
    المشاركات
    104
    الله يوفقك

  7. #7
    عضو
    رقم العضوية
    12349
    تاريخ التسجيل
    Feb 2007
    المشاركات
    209
    دعواتي لك بالتوفيق اخوي
    وانصح بفتح موقع متخصص باخذ موافقه من وزارة التجارة وكذالك الماركات الي تبيعها بان عليها ضمان
    وللاسف بالنسبه الان اصبحت اغلب الماركات المقلده عليها كرت ضمان @@@!!!

  8. #8
    عضو
    رقم العضوية
    51283
    تاريخ التسجيل
    Apr 2017
    المشاركات
    61
    يعطيك العافيه اخوي

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •