الخيام الرمضانيه والمصخره ،،،

[بومحمد المطاوعه]

السلام عليكم ورحمة الله وبركاتة ،،

مساكم الله بالخير ،،

الخيام الرمضانيه والمصخره الي تصير فيها

صعقت الصراحه يوم شفت سناب واحد عندي فاللسته للأسف شي يقشعر البدن

وين المسؤولين وين اصحاب هذي الخيام
مايخافون الله ولا شسالفتهم

مسلمين ذولا ولا بس اسم انهم مسلمين ،،؟

بعض الخيام فيها مصخره الموسيقى تكسر الصخر
وحاطين لك واحد يدق عود والعياذ بالله ،،

والعتب والعيب على الناس الي قاعدين للأسف
مسلمين وبعضهم عيال البلد ومستانسين
وللأسف نسوان متواجدين ولا في اذنهم ماي والعياذ بالله ،،

شيشه وحرق زقاير ولاكأنه شهر الخير وشهر انزل الله تعالى القرأن فيه ،،

لاحول ولاقوة الا بالله
اتقو الله يا مرتادي هذي الخيام

للأسف يسمونهم خيام رمضانيه
وهي خيام فسقيه

الله يبعدنا ويبعدكم عن هذي الاماكن واسأل الله ان يهدي الجميع للخير

[أم هشام]

لا حول و لاقوة الا بالله . شي مخزي . و كل مالها الظاهرة بتزايد كأنه فيه اصرار على هالمسخرة ..

[bohilal191]

تحت مسمى ليالي رمضان ولا كأنه شهر عبادة الله يهديهم ماخذين شهر رمضان سهر الليالي في هالخيم

[بنت شرق]

ما خبر القطريين يروحون هالاماكن ، مافي وقت برمضان يادوب ادوام وترد تنخمد وادش عن خاطرك المطبخ وتفطر وتصلي التراويح الا الليل دخل عليك اذا بتروح مشوار تتعطل بالزحمة
وتتمنى لو ماظهرت ، فمتى بالضبط يروحونها وقت السحور مثلا

[العقل المدمر]

كل اللي شفتهم وسمعت عنهم هالسنة والعام
لازم يكونون حاطين موسيقى ومكان حق فرقة
وثلاث ارباع الموجودين مقيمين وتارسين المكان دخان
والمقيمين ذول يمكن نصهم مب مسلمين من الاساس وفاطرين وشبعانين

سبحان الله يبدا رمضان وتبدا معاه المصخرة
من هالخيم ومن مسلسلات وبرامج تافهة
وتصير الدعايات كلها اغاني مايعرفون يتكلمون
ليش عاد ؟ والله ودي اعرف ليش وهم عادين روحهم مسلمين

[بومحمد المطاوعه]

ياجماعه
مقيمين ولا غير مقيمين

مسلمين للأسف ،،

وحتى لو مب مسلمين
ليش بالاساس يسوون خيام ف رمضان

شالمهزله هذي

لو نزل غضب الله عليهم
بيعرفون عقب ان الله تعالى شديد العقاب

[aloosh]

المفروض يقطع دابر ها الخيام التي تجمع المنكرات

السؤال اين الجهات المختصه وهذا يثبت الكلام اللي يقول لا حسيب ولا رقيب

الجهات المختصه كانها لا تعمل في دوله اسلاميه بتاتا

ضاعت المحاسبه وبتضيع البلاد

[MAZEN37]

كل سنه وين الجديد

[النهار]

عم يسلوا صيامهم اكثر رواد هذه الخيام معروفين من اي جنسيه
المصيبه يجرجرون معاهم ناس لاناقة لهم ولاجمل
انا واحد من المدعوين كنت من مده سبحان الله ماقدرت استحمل الجلسه في هذالخابور اكثر من نصف ساعه وحركت
من المنكر الي شفت فيه

[Rider]

بيض الله وجهك على الموضوع بس ياخوي اذا الدوله ماتضرب بيد من حديد على الاشكال بيزيد فسقهم وطغيانهم مافيه احترام لشهر رمضان ولا احترام لي عايشين فيها اليوم الصباح اجنبي وبكل حرية عند الاشارات فاتح الدرشه ويدخن ولا كانه فيه شي من سمح لهم يارجال الموضوع طويل لو تكلمنا ماخلصنا