< حصل لي مع الخطوط البريطانية >

[شبح الصمت]

السلام عليكم ورحمة الله وبركاته ،،،

الله يتقبل منكم شهر رمضان ويعوده عليكم بالخير اعوام عديدة ..

وعيد الله عليكم مبارك


سالفتي مسافرين نفس كل هالعالم ..
وطبعاً خلصنا الاجراءات من الكونتر وتوجهنا لبوابة الدخول والانتظار لاقلاع الطائرة ..

وكانت الرحلة على الخطوط البريطانية ..

ادخلت شناط اليد
افتح الشنطه
فتحنا الشنطه

شيك على العطورات والكريمات وهالسوالف
اي شيء فوق الـ 100 ملي شله واحذفه !!

احذفه وين احذفه
ليش تحذفه عطورات قيمتها تتعدى الـ 3 آلاف ريال وجديدة احذفها اي احذفها

وين مسؤولك جاء المسؤول
اخوي عطونا وصل بنراجعكم عقب السفر بناخذ الاغراض

كان رده اسمح لنا ما نحتفظ بشيء وكل شيء ينقط
للامانة الرجال تعامله طيب بس اجراءات لا رجوع فيها كان

بس العاملين اهناك يخلونك تفتح الشنطة وتفل امها فل والا يساعدونك على اراجع الاغراض

قالوا انتم ما تعرفون القوانين ليش جبتوهم معاكم
نسينا
جلى من لا يسهو ..
ما عندنا خبر

المهم كان نفس حالتي واحد قلت لهم انا مب راكب الطيارة لين تعطوني اورقه او ايصال قالوا ما نعطيك

الي معاي الرجال نفس الحالة العطر يقول مرره اكثر من مره وهالمره ليش وقفوه
قال اطلبوا ضابط الامن

المهم ما قصروا ارسلوا لنا اثنين من الشرطة صورو بطايقنا والبوردينق وقالوا راجعو بعد ما ترجعون بتحصلون اغراضكم في المفقودات ..


وصلت توجهت للمفقودات
اكلمهم مب عندنا
روح راجع مكتبهم

واروح اراجع مكتب دلوني عليه فوق
رحت واكلمهم تقولي محد خلصوا دوامهم وما نعرف عن اي شيء .

قلت براجعهم اليوم .. !!


بس الغريب انه اشدعوووه غرض ما يدخلونه خلاص حطوه في كيس وحطو عليه رقم البوردينق وخلوه في المفقودات ..

لازم تاخير
ولفه طويله روح اهنيه وتعال اهنيه ..


يمكن في ناس تنسى
ويمكن في ناس ما عندها علم لانها ما تسافر وايد نفس حالتي
ويمكن الحريم ينسون

ترى في عطورات مب رخيصه عشان تعال واحذفها او كريمات او اشياء ثانية


حبيت انبهكم عشان تحاسبون ومحد ينسى ما يشيك

واهم ما عندهم مشكلة في العطورات داخل الشحن لو تحط مب 250 ملي لو 1000 ملي اهم شيء ما تكون في يدك ..

وشكراً لكم

[ضوى]

شالفتك ياشبح صارت لي وانا رادة من مطار اتاتورك عالاماراتية اخذت من المطار الحرة بمطار تركيا تقريبا 20 عطر هدايا طبعا كلهم 100 ملم واكثر ونوصل مطار دبي ويوقفونا عند السير مال التفتيش ، فتحوا شنطتنا والا كلها عطورات يقول لي الضابط ممنوع ، اقوله اشلون ممنوع يعني مطار حرة وش تبيع صمغ ؟ تميت اتجادل معاه لين قال خلاص ادخلي فيها الطيارة اخر مرة ومن هذا المكان ، والله يبه خوش امنعو التشري من المطار الحرة عيل ، واللي صار معاك وايد شي مخزي بالنسبة لمطار راقي مثل مطار حمد
وقول لنا شبيصير معاك ياخوي

[شبح الصمت]

شالفتك ياشبح صارت لي وانا رادة من مطار اتاتورك عالاماراتية اخذت من المطار الحرة بمطار تركيا تقريبا 20 عطر هدايا طبعا كلهم 100 ملم واكثر ونوصل مطار دبي ويوقفونا عند السير مال التفتيش ، فتحوا شنطتنا والا كلها عطورات يقول لي الضابط ممنوع ، اقوله اشلون ممنوع يعني مطار حرة وش تبيع صمغ ؟ تميت اتجادل معاه لين قال خلاص ادخلي فيها الطيارة اخر مرة ومن هذا المكان ، والله يبه خوش امنعو التشري من المطار الحرة عيل ، واللي صار معاك وايد شي مخزي بالنسبة لمطار راقي مثل مطار حمد
وقول لنا شبيصير معاك ياخوي

زين سويتي فيهم ما سكتي ..

صدقيني ما تسوى تفتح الشناط قدام العالم واطلع الاغراض واسوي زحمة بس ذي حقي ..

يعني بيقنعوني عطورات ماركه راح يقطونها !!!!!!!!

قيمتها تتعدى كل عطر 1000 ريال

قلت له عوضني عنهم بفلوس واحذفهم مابيهم قال ما اقدر ..

وبخبركم اش بيصير بمر عليهم اليوم والا بكره ..

[hamoor4ever]

غلطتكم اختي معروف لندن اي شي كريم عطر فوق ال 100 ملي ياخذونه حتى في مطاراتهم ، البريطانيه ممتازه بس هاذي قوانينهم صعبه شوي . او تروحون عالقطريه افضل بالمعامله بمراحل طبعا . معوضين خير القانون ذي معروف من زمان ونفس ماقالت الاخت حتى بمطار الامارات ساعات يسوون سالفه اما المشتريات من الديوتي فري مالهم حق دام العطر مسكر مانفتح وفي علبته

[ya3coub]

أخوي هذا قانون معروف من زمان عندنا يتغاضون شوي و يردون على حسب الإجرائات و التهديدات الأمنية و الإستعدادات

عقب تفجيرات الكويت كرهت السفر.


بس ترا سالفه المية ملي من زمان و انا كنت اكسر العطر او الجهاز و اقطه بنفسي فالزباله و انت بكرامه ولا ياخذوه الأجانب و اذا بقطر اكلم احد من الشباب يجي المطار و ياخذهم.


أختي ضوى فالسوق الحرة لج حرية المشتريات كثر ما تبين بس على رحلات امريكا يعنفصون مرات او ياخذونها عندهم و يعطونج وصل تستلمينها من الشحن تروح الشحن بدال ما اتم بيدج هاي الي يصير معاي بالعادة.

[شبح الصمت]

غلطتكم اختي معروف لندن اي شي كريم عطر فوق ال 100 ملي ياخذونه حتى في مطاراتهم ، البريطانيه ممتازه بس هاذي قوانينهم صعبه شوي . او تروحون عالقطريه افضل بالمعامله بمراحل طبعا . معوضين خير القانون ذي معروف من زمان ونفس ماقالت الاخت حتى بمطار الامارات ساعات يسوون سالفه اما المشتريات من الديوتي فري مالهم حق دام العطر مسكر مانفتح وفي علبته

يعطيك العافيه اخوي

أخوي هذا قانون معروف من زمان عندنا يتغاضون شوي و يردون على حسب الإجرائات و التهديدات الأمنية و الإستعدادات

عقب تفجيرات الكويت كرهت السفر.


بس ترا سالفه المية ملي من زمان و انا كنت اكسر العطر او الجهاز و اقطه بنفسي فالزباله و انت بكرامه ولا ياخذوه الأجانب و اذا بقطر اكلم احد من الشباب يجي المطار و ياخذهم.


أختي ضوى فالسوق الحرة لج حرية المشتريات كثر ما تبين بس على رحلات امريكا يعنفصون مرات او ياخذونها عندهم و يعطونج وصل تستلمينها من الشحن تروح الشحن بدال ما اتم بيدج هاي الي يصير معاي بالعادة.

يعطيك العافيه يعقوب

بس ليش تكسره وليش ما يكون ياخي في وصل استرجاع يوم ترجع الديره الي انت فيها
دامها بلادك او مقيم او اياً كان موجود فيها ..


بس هي من حر مالي لي اكسره ترى تعبانين على هالفلوس مب من الشارع ..

شكراً لك

[وحيد-الشوق]

وعليكم السلام ورحمة الله وبركاتة

ما اعتقد بيرجعون اغراضك سلم عليها وترى هذا القانون قي كل دول العالم اي شيء فوق ال100 مل ينقط حتى لو عطر ب10000 ريال

حسب علمي العطور اذا من السوق الحرة ومغلفه ماتبطلت مالهم حق يصادرونها اما اذا ماخذهم من بيتكم او شاريهم من محلات اي شيء فوق ال100 مل في شنطة اليد خلاص يتصدر

[JN000N]

لاا معروف من زمان اي شي اكثر من امية مل لو قيمته عشر الاف ما يدخلونه لك
لو حاطينه ف شناطكم الكبار احسن
وعلى فكره مب بس عالبريطانيه
حتى عالقطريه وكل طيران لما تروح اوروبا وامريكا دايما هذي اجراءاتهم
يلا معوضين خير ان شاء للبه

[شبح الصمت]

وعليكم السلام ورحمة الله وبركاتة

ما اعتقد بيرجعون اغراضك سلم عليها وترى هذا القانون قي كل دول العالم اي شيء فوق ال100 مل ينقط حتى لو عطر ب10000 ريال

حسب علمي العطور اذا من السوق الحرة ومغلفه ماتبطلت مالهم حق يصادرونها اما اذا ماخذهم من بيتكم او شاريهم من محلات اي شيء فوق ال100 مل في شنطة اليد خلاص يتصدر

تهقى باي باي انساهم

هاهاي

ياخي لا تحطمني ..
سجلت في ورقه الموظفة وكل شيء ..


ان رجعت خير وبركة وان ما رجعت معوضين خير فيها

[شبح الصمت]

لاا معروف من زمان اي شي اكثر من امية مل لو قيمته عشر الاف ما يدخلونه لك
لو حاطينه ف شناطكم الكبار احسن
وعلى فكره مب بس عالبريطانيه
حتى عالقطريه وكل طيران لما تروح اوروبا وامريكا دايما هذي اجراءاتهم
يلا معوضين خير ان شاء للبه

الخير بوجهج ووجيه الاعضاء

عاد جنون اشدرانا نسينا من كثر ما نسافر

كله قريب بدو وفي الموتر ..

تشلين خياش محد يكلمك

طحين
سكر
عيش
حليب

هههاي تميرين الاطراف الاخرى من الاهل


عالعموم بروح اراجعهم وان ما صار نفس ما تفضلتم معوضين خير ..