اذا تناقش موضوع الظلم طبعا في ناس خبره وكفاءه في مجالهم وذوي شهادات عليا وانحطوا في وظايف جدا عادية لكن العمل يستفيد من وجودهم ومن ابداعهم، لكن على المستوى الشخصي يعرف الموظف انة مظلوم وهو الاحق من غيره بالمنصب.
اما اذا بناقش قضية من اهم الخبره او الشهاده معلوم بديهيا ان الشهاده شي اساسي وبدونها الموظف مايكون لديه credit على مستوى جهات العمل والتوظيف احنا نتكلم كمبدأ عام لكن الخبرات الوظيفية عامل مهم ومساعد للي مش أكاديمي في مجال شغله اذا الوظيفه ما تتظلب شهاده جامعيه ولا فيها risk عالي بتشغيل غير الاكاديمي.
دايما في استثناءات في الحياة وعلى مستوى العمل والمناصب عمرها الدنيا ماتنصف الكل حط في بالك هالشي سواءآ كنت اكاديمي او ذو خبره او تجمع بين الاثنين، احيانا الحظ والظروف والعلاقات يخدمونك بشكل اكبر من عامل الخبره والشهاده، ومع ذلك مايصح الا الصحيح الي يكسب في النهاية هو الي يحب شغله ومبدع فيه وطموحه عالي هاي اجباري يترقي ويوصل طال الزمن او قصر وطبيعي يتقدر من جهات العمل كذلك لكن بعض الموظفين ينقصهم عامل الابداع والعطاء وفي نفس الوقت يبي بوزشن وراتب عالي وهاي اشوفه طمع وشوفة نفس، انا مع ان الواحد يترقى حسب جودة شغله واستحقاقه، يمكن يعتبر البعض بأن كلامي نظري لكن انا شايفه انه هذا واقع الحال.