اخوي رفيع الهامةالمشاركة الأصلية كتبت بواسطة رفيع الهامه
اعرف شباب او شياب فوق الخمسين خلصوا الاعدادية والثانوية وهم فوق ال45 سنةواحين اخر سنة جامعة
|
اخوي رفيع الهامة
اعرف شباب او شياب فوق الخمسين خلصوا الاعدادية والثانوية وهم فوق ال45 سنةواحين اخر سنة جامعة
انا اقصد لو تقدم للوظيفه صاحب شهاده و صاحب خبره
باخذ اللي عنده شهاده طبعا .. ابو خبره ماراح يطور والاستيعاب عنده اقل من المتعلم
قطر موطنـي وانـا مثـل مـن تربـوا فيـه
راع البـل وراع المـال والغيـص والفـلاح
رجـال ٍ الـى سمعـوا نـداه اجمعـوا لبيـه
تطيح الغتر والروس .. بس العلـم مـا طـاح
بعض الشهادات والعياذ بالله
بالفلوس تشترى ,,
والبعض يغش في الامتحانات ويحصل على شهاده
وهو مايعرف كوعه من بوعه
الاثنين مهمين .. لا الشهادة بروحها تفيد .. ولا الخبرة كذلك
كلاهما مكمل للآخر
الشهادة ثم الخبرة
واللي مو مقتنع باهمية الشهادة ويعتقد ان الخبرة تكفي يروح يتعالج عند دكتور بدون شهادة..
ومن جانب اخر الشهادة ممكن تكون مضروبة وكذلك الخبرة تنضرب ضرب .. مهم نشوف خبرة الشخص من وين وفي شنو بالضبط .. اتذكر ايام البنيان كل ماجبت عامل للصبغ او البلاط يقول انا في شغل ستي سنتر .
جانا مرة سوداني خريج هندسة معمارية من الصين وبدرجات عالية وبواسطة كبيرة وتوصية من الديوان الأميري
وقال لي مسؤولي اختبره .. وكان وقتها عندنا مشروع صغير يسويه استشاري بس هو تخصصي المبنى يعني لغرض خاص ويمكن يكون صعب على المهندس الجديد وبما اننا متمرسين في تفاصيله .. انا وزميل لي حسينا ممكن نظلمه لذلك قسمنا الاختبار ليومين واليوم الأول كان إننا عطناه التصاميم اللي جهزها الاستشاري وقلنا له طبيعة المشروع وقلنا له يشوف شالنواقص أو جوانب التطوير أو الأخطاء في التصميم
تم فترة مستغرق في التفكير وخذ وقت حول ساعتين ولا كنا نزعجه كان في غرفة زجاجية وموفرين كل شيء ونطل عليه من وقت لوقت يطمنا انه ماشي زين
بعد ما خلص راجعنا تعليقاته وأفكاره وكانت نهائياً بسيطة وغير مناسبة وناقشناه بشرح شامل ومعمق عن ملاحظاتنا الهندسية وشاللي مطلوب يفهمه .. المهم قلنا له استعد لعمل سكتش لمشروع بنطلبه منك بكرة .. قال زين وثاني يوم حضر وقلنا له متطلبات تصميم المبنى اللي شرحناه أمس ونبغي سكتش سريع له مع أي تطوير ناقشناه .. بدأ على لوحة الرسم وانهمك فترة تقارب ساعتين .. شسويت يا فلان الا سكتشاته ما يسويها طالب في ابتدائي .. هنا حسيت إني باظلم ادارتنا به وبنبدأ في تعليمه فترة طويلة واحتمال كبير شهادته مزورة .. لأن بالعقل عقلية المهندس المعماري لو يدخل مبنى ممكن يحلله ولو يتخيل مشروع أو حد يشرحه له بيقدر بسهولة يسوي له اسكتش متضمن أفكاره وحلوله لكن مثل ما يقولون ضربتين على الكاس تكسر الكاس وقلنا له مع السلامة
هذا المهندس بزاتوه سمعت إنه اشتغل مدير مشروع كبير للطرق تخيلوا .. معماري وبدون خبرة يشتغل طرق
هذا يقودنا لشيء مهم واللي هو التطوير الوظيفي والتدريب المتواصل للكل من موظف ومدير وحتى للخبراء فالتطوير لا يقف عند حد ومنه التطوير الذاتي
جادلت أحد المسؤولين مرة في إننا نريد دورات تطويرية هندسية وكان رده شلون مهندسين وتدرسون هندسة؟ رديت عليه نفس الطيار اللي يطور نفسه في مجالات الطيران ونفس الطبيب اللي ياخذ تطوير في دراسة الطب
موظف خذ دورة لمدة 3 ايام في موضوع ما... ادارته عملت استبيان عن مدى استيعابه لموضوع الدورة ..احد الاسئلة يقول "قدر تطورك في العمل بعد الدورة " 20% او 50% او 100%"
دورة 3 ايام تطور عمل شخص بهالمقدار؟ شنو كان يسوي قبل الدورة ! ياكل حب؟ .
منطق الادارة ليش نخسر فلوس على الدورات ..و اذا خارجية لها حسبة ثانية واعتبارات ما انزل الله بها من سلطان
في وظايف لابد من شهادة مثل الطب والهندسه ومجال البترول والمفاعلات الكيماويه الامور العلميه ومن بعدها تجيه الخبره مع ممارسة العمل . وفي وظايف ماتحتاج شهادة وانما ممارسه العمل يوم بعد يوم بيفهم الشغل مثل الاداره والسكرتايه يتطلب منها دورات فقط .
وفي وظايف ميدانيه اشرافيه مثل الجمارك وحماية المستهلك ومفتشي البيئه والبلديه يحتاج دورات وخبره وتطور العمل من غير شهاده .
ولكن للاسف في بعض الوزارات تهمش الموظف البسيط ذو الخبره والافكار الهادفه ويتعالى عليه المسوؤل او يسرق افكاره وينتسبها له مثل حالتي للاسف غير مقدرين .
ارض بما قسم الله لك تكن اغنى الناس
ضوابط المشاركة
رد مع اقتباس
