وعليكم السلامالمشاركة الأصلية كتبت بواسطة غريب الدّار
نعم ينطبق على الموظف والذي يبيغي يكمل دراسته على حسابه الخاص ومن رصيد اجازته
والمعوقات واذا كنت تعمل باحدى الجهات الحكومية
اولا يجب رفع كتاب موجه من عندك الى مكان عملك
وياتي الرد لامانع من بعض جهات العمل
ومعظم الجهات حفظ حتى اشعار اخر
الموافقات متوقفة
والحكمة
لا توجد حكمة فقط بحجة نقص عدد الموظفين يعني اشتغل طول عمرك ولا تفكر انك تكمل دراساتك الجامعية او العليا
وهنا تأتي صدمت احلامك حيث انك تتطمح انك تترقى بعملك وبعلمك وما حصلت به من خبره
الله يعينكم لصار مديركم ظالم واناني
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
؟؟نعم ينطبق على الموظف والذي يبيغي يكمل دراسته على حسابه الخاص ومن رصيد اجازته
بالنسبة لي : إجراء غير مفهوم بصراحة
اذا واحد يبي يكمل على حسابه ، وفترات غيابه تنخصم من رصيده ، وين المشكلة ؟
أتمنى من اللي عنده خبر انه يوضح النقطة هاذي
بس اخوي اذا الشخص كمل دراسته بدون علم جهة عمله أصلا ، يعني سجل على حسابه وصار يقدم على اجازته السنوية ويقدم امتحانات مثلا ، وين المشكلة ؟
ولا ماتتم معادلة الشهادة ؟
اخوي اكيد في حكمة (على الأقل من وجهة نظر واضع القانون) وانت قلت مافيحكمة بعدين ذكرت ان نقص عدد الموظفين !!لا توجد حكمة فقط بحجة نقص عدد الموظفين يعني اشتغل طول عمرك ولا تفكر انك تكمل دراساتك الجامعية او العليا
هو عموما شوف اخوي :
مااعتقد ان الحكمة هي انهم مايبون حد يكمل دراسته
مستحيل
لان الدولة قاعدة تشجع هالجانب بشكل كبير
بس بصراحة مب عارف سبب اشتراط موافقة جهة العمل في حالة (مثل ماتفضلت انت اخوي) ان الواحد ممكن يكمل على حسابه وماياخذ اجازات الا من رصيده
معناها سير العمل مب موقف أصلا
لان اجازته السنوية هو ماخذها ماخذها سواء بالدراسة او بغير الدراسة
فبالتالي شالهدف من اشتراط موافقة جهة العمل في حالة الرغبة في اكمال الدراسة على حساب الموظف الخاص بدون طلب تفرغ ؟
مااتكلم عن جميع الحالات والله يوفق الكل
أتكلم عن الحلة اللي ذكرتها أعلاه بالتحديد :
ليش المنع ؟ وش راح يكون التأثير على جهة العمل ؟
السؤال موجه لكل من يملك إجابة
والله يوفق الجميع ويعينهم
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
هل من إجابة ؟
جريدة الشرق تنشر الموضوع
الموضوع اليوم 26/07/2016
بصفحة 23
نتمنى من الجهات المختصة النظر بالموضوع بعين الاعتبار
وان لا يقف المواطن القطري تحت ظل بعض المعوقات
فنحن نريد خدمة هذا الوطن الغالي
وان يكون منا علماء ومفكريين وان نسبق علمنا دول اخرى
وهذا طموح كل مواطن قطري
التعديل الأخير تم بواسطة ابن الرومي ; 26-07-2016 الساعة 07:57 AM
موضوع يستحق المتابعة ، والله يوفقكم وإن شا الله يكون من ضمن الحلول طرح الدراسة أون لاين لتخفيف العبء على الموظفين
عفوا اختي اسمحيلي اعطي رأيي لان المثال اللي ذكرتيه واايد اشوفه، وانا نفسي كنت في نفس موقفج بس مااستسلمت ابدا .. هذي مب غلطه المدير مالج هذي سلبيه منج لازم ماتستسلمين ولو وصل الامر للاستقاله والدراسه على حسابج، ادري بتقولين ماحدني على الشغل الا المسؤوليات والديوون وو بس صدقيني كل هذي الاشياء بتلقينها انحلت وبتلاقين ناس توقف معاج ، لو فعلا عندج حلم بتكمله الدراسه مافي شي اسمه حلمي اتحطم! شنو بتقعدين بالثانويه وتتركين المدير الظالم يتمادى بظلمه وبكره تنحرمين من الترقيات والسفريات وغيره وبيقولون لج ماعندج شهاده! هذا السيناريو المعروف.
شهادتج سلاح قوي ومشرف لج ولمستقبلج ولو عندج عيال بكره يرفعون راسهم ان امهم متعلمه وعندها شهاده.
السموحه عالاطاله بس اشتطيت لاني كنت بنفس وضعج والحمدلله الله وفقني
يعطيكم العافيه علي التفاعل وعلي الموضوع المهم والمفيد ونصحيه اخويه للجميع من خبرة اداريه وللفائده .. قبل ان تقدم علي الدراسه في اي جامعه ابتعد عن مايسمي دراسه غير تقليديه او اي ذكر لما يسمي دراسه انتساب .. online , part time
لازم Full Time Traditional study
هناك جامعات امريكيه تمنحك شهادة زي ماتمنح الطالب المنتظم ولايتم ذكر نوع دراستك لكن هنا سوف تصدم انهم مايقبلونها بسبب انك علي راس العمل
وايضا لابد من الاهتمام بالمحتوي الاكاديمي ونوعية المقررات التعليميه الموجوده علي موقع الجامعه
طبعا الي بيدرس في جامعات عربيه اودول عربيه ماعندي علم .. ولو اني ملاحظ كثير من هل قطر طايحين في مصر يدرسون قانون نص الدوحه محامين
بالتوفيق للجميع
بخير والحال والأحوال مستوره *** في مجلس لي على مركاي وفراشي
لو ما تعشى عشايه غير شابوره *** اخير من وجبتن عند العرب حاشي
افتحوا مجال الدراسة بالفترة المسائية بكلية المجتمع ووايد موظفين وموظفات التحقوا فيها وخلصوا والحين يكملون ما بعد الدبلوم شدوا حيلكم
اتمنى التوفيق للكل ، الدراسه المسائيه حلوه بس يبيلها اصرار وتحمل
ضوابط المشاركة
رد مع اقتباس
