النسوان ماينعرف لهم..قعد في البيت يقولون له اطلع روح ماعندك ربع
طلع وسافر قالو له قر في البيت نبي نشوفك شدعوة بيت مب فندق.
لكن وليد قصته غير منطقية.. يعني يتهاوشون لاتفه الاسباب عشانه بيسافر مع ربعه.. الحريم شكثرهم يسافرون مع اهلهم وحتى ربعهم بدون ازواجهم
ف هالقصه هي ما تسافر الا معاهالمشاركة الأصلية كتبت بواسطة مرتبش
وحياتها كلها معاه
مب هي تسافر وتقوله اقعد لاتسافر الا معاي
زين شبيضر العالم اذا هو مرتاح مع هله بهالنظام!؟؟
ليش يقطون عليه كلام وينغزونه
والا بس يستقوون عليه وجوفونا احنا القوا الي حريمنا ماكلين تبن ف البيت واحنا نطلع ومخلينهم هم يربون عيالنا وهبابنا احنا ربعنا وميالسنا وطلعاتنا وسفراتنا
ياخي ماقصرت وانت عزوبي مفتل بالطول والعرض
الحين يوم تزوجت التزم ببيتك ومرتك واللي يريحك انت ومرتك سوه مب على هوا وشور الناس
والا بس متزوج عشان مرته تفرخ له عيال وهو يطامر من ميلس لميلس
وياليت بعد هي مانعته والا حاكرته
يطلع ويروح وايي معاهم ماتقوله شي ولا تتدخل لكن بحدود المعقول
شهالمنطق الي يخلي الريال يعيش حياته وهو متزوج كأنه عزوبي
اذا وجدتني واثقا بنفسي لاتعتقد اني متكبر واذا وجدتني دائما الابتسام لا تعتبر اني مرتاح البال وان اخطأت يوما أمامك لا تقل عني إنسان سيئ
أعطني حسن ظنك اليوم كي أمنحك إياه يوم تحتاجه
مثل هالسوالف بين الشباب وفي غالبيتها : يكون الأخذ والعطا فيها بـ "غشمرة" بعيدة عن التصادم والجد . <- نقطه
والبعض من باب المحبة يشره اذا شاف رفيقه غايب ، نوع من العتاب "الشبابي" ، ان يابو فلان مانبيك تهمل أهلك لكن لاتنسى ربعك ولو من فتره لفتره ، والتواصل والزيارات وقعدات المجالس أمور يحتاجها "الرجال" في حياته ( طبعا بعقل ) .
اما موضوع بعض الشباب والسهرات اليومية ولايدري عن اهله هذا موضوع ثاني .
سبحانك اللهم وبحمدك اشهد ان لا اله الا انت استغفرك واتوب اليك.
اذا بهالاسلوب اللي ذكرته
جان وايد بيوت بيتم عمارها ولا بتنهدم ولا بتصير مشاكل
لان مثل ما قلت انت المقصد تشره
مب قواة ومناحس
وبالعكس اصلا حياته الزوجيه مستحيل تحرمه من ربعه والميلس والقعدات معاهم
لكن مثل ما ذكرنا بحدود المعقول وبدون مشاكل
ومب كل واحد ظروفه تسمح له مثلا يسافر مع ربعه ويخلي هله وعياله ف البيت او يسهر للفجر وهم ف البيت
بعد لو مرته في النفاس مب ف البيت بنقول متملل لا مره ولا وعيال وخله يستانس ويغير جو
اذا وجدتني واثقا بنفسي لاتعتقد اني متكبر واذا وجدتني دائما الابتسام لا تعتبر اني مرتاح البال وان اخطأت يوما أمامك لا تقل عني إنسان سيئ
أعطني حسن ظنك اليوم كي أمنحك إياه يوم تحتاجه
الواحد لازم يكون له مساحته الخاصة ضروري ضروري ..
الرجل إذا 24 ساعة في البيت تنقطع عنه علوم الدنيا ..
وواجب عليه دائماً يقوي علاقاته الإجتماعية مع من حوله ..
ولا بيجي يوم من الأيام ماراح يلاقي حد حوله .
قال صلى الله عليه وسلم : « لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا».
ليش دايما
التمثيليات والقصص تخرج المراه دائما بصوره المظلومه
باي مسلسل او أي فلم مهما كان حجم وغلطاتها او جريمتها في الأخير يطلعون المراه بدور المظلومه ؟
اذكر فلم راحت لعمل الفاحشه وموسيقى تصويره حزينه ليش عملتي الفاحشه العذر
اقيب دوا لبابا اصلو مريض ومحتاق علاج تعالجه بفلوس حرام اللقطه مع موسيقى حزينه
كانها مسكينه ورحومه والانسانيه تخر منها خر
خوش عذر وتبرير يعني سولها عذر مقنع
ولاحضو جميع الأفلام والمسلسلات كلها بدون ستثناء
بنفس الطابع يزرعون فينا هدف خبيث ويخاطبون
عقول نسائنا العفيفات بخبث لا يعلم حجم ضرره الا الله
التعديل الأخير تم بواسطة qatara ; 18-07-2016 الساعة 03:13 PM
نور على نور يهدي الله لنوره من يشاء ويضرب الله الأمثال للناس والله بكل شيء عليم
السلام عليكم ورحمة الله
موضوع واقعي جداً .. يتكرر مع بعض الاختلافات البسيطة في الكثير من البيوت و الأسر
في ناس ( والكلام يخص الجنسين ) ما يرتاحون ولا يهدا لهم بال إلا لما يحنون على الزوج أو الزوجة .. اللي بالأساس تكون حياتهم ماشية و مستقرة و مقتنعين وراضين باللي هم فيه
هي لقافة منهم .. هي غيرة .. هي حسد
إلا تصيرون مثلنا .. و إلا تسوون اللي في راسكم وبس
شعليكم انتو من خلق الله .. خلوهم في حالهم .. إذا انتو حياتكم فاشلة .. و مهملين بيوتكم وأهاليكم .. لا تقعدون توسوسون في مخوخهم مثل الوسواس الخناس .. وتاخذون ذنب غيركم وتهدمون بيوتهم
أعوذ بالله من هالاشكال
مصيبه الحنانه الرنانه الملسونه ام عيون اتلاقط عيونها قويه والسانها طويل كنها محقق
الي لا يعجبها جلست ليش طلعت ليش
المره الي كذيه اعرف انها مافيها خير
ولا المره الي فيها خير تعرف ان رضى الله من رضى زوجها وسعادتها من سعادته
الي ستوت له (امه ) سيصبح لها (عبد )
فهو باب جنتها وأبو عيالها
ولا الرديه ما يقنعها شي تبي حاجتين :
أولها امش على مزاجي والثانيه خلني على كيفي ولا انت
ماتصلح ولا تفهم الحياه الزوجيه ومافي توافق وانت معقد
وبخيل وردي بتلزق كل شي في الرجل عشان تغطي على عيوبها وووووووووو
متاثرين وايد بالمسلسلات والممثلات الساقطات
الا من رحم ربي من التقيات النقيات
أن رسول الله صلى الله عليه وسلم قال :
( خير نسائكم الودود الولود المواتية المواسية ، إذا اتقين الله ،
وشر نسائكم المتبرجات المتخيلات ، وهن المنافقات ، لا يدخل الجنة منهن ، إلا مثل الغراب الأعصم ) .
قد تكون حبوبه ومحترمه لاكن تجيها بنت حرام تخرب مخها وبيتها لاحض وشهد شاهد منهن
https://www.youtube.com/watch?v=AVnV55EFZNQ
التعديل الأخير تم بواسطة qatara ; 18-07-2016 الساعة 05:12 PM
نور على نور يهدي الله لنوره من يشاء ويضرب الله الأمثال للناس والله بكل شيء عليم
السلام عليكم
مبين من الأسلوب انه من قلم ناعم يرمي إلى تدجين الرجال بسامية نسائية مُطْلَقَة
التعديل الأخير تم بواسطة نجم سهيل ; 18-07-2016 الساعة 07:33 PM
لنا بعزّة الله فوق الخلق سلطان
اذا بنرجع لمدى تأثير الاصدقاء باستقرار الحياة الاسرية... فانا اشوف حالة وليد تمثل 10% من حالات البيوت العمرانة الي تنهد من تأثر الرجل بربعه..
90% من خراب السعادة الزوجية يكون من طرف المرأة وتأثرها ببيئة اقرانها.. وهذا واقع انا كبنت شفته سواء بين قريباتي او صديقاتي...المقارنة الدائمة والغيرة والحسد بين الحريم سبب انتكاسة البيوت للاسف في زماننا.
قال لقمان لابنه: ( يا بني إذا افتخر الناس بحسن كلامهم فافتخر بحسن صمتك )
ضوابط المشاركة
