+++ حل مشكلة الماء الحار في الصيف +++

[JN000N]

كان في فكره قديمه قبل لا تطلع حركات مبرد الماي وما الى ذلك

كانت انك تسكر على الدرام اللي فالسطح وتحط مكيف وندو تشغله فالصيف وكانت الامور زي الفل
بس الحين حتى مع المبرد تاخذ لك فتره

وكانت مكيفات وايد تفقع
بس هاي الحل تبي تسويه يدتي احين عقب ما تصلخنا تصلخ من الماي
ابي نفس نظام مياهة الفنادق بارده شحلوها

[khaldoon]

نعم اختي كنت ملبسه سفنج سميك قبل سنتين ولكن الطريقة مانجحت اصلا السفنج لانابيب التبريد فقط ـ كنت باجرب فقط

نفس الحل اختي بس الغطاء الخشب اللي بينه اخونا العزيز جاسم و اللي كان على الارض بيكون مثبت على الحوائط لسهولة بمسامير و يمكن فكه للصيانه ان لزم

[MAZEN37]

انا اكتشفت ان الماي يتبخر وهو داخل التوانكي هذا بدون استخدام
بالنسبه للموضوع انا فكرة اعمل طبيله تغطي كامل السطح علشان يبرد المبنى هل هي فكره عمليه ؟

[BoFahed]

انا اكتشفت ان الماي يتبخر وهو داخل التوانكي هذا بدون استخدام
بالنسبه للموضوع انا فكرة اعمل طبيله تغطي كامل السطح علشان يبرد المبنى هل هي فكره عمليه ؟

اخوي بقولك عن تجربة رفيجي

سوي طبيله وافتح بيب من فوق الخزان منعوي لتحت علشان يسرب البخار والهواء الحار وغطي البيبات اللي طالعه من الخزان باي شي ( فلين -عازل -خشب )وامورك طيبه

اول الحل الافضل الي انا مسويه مروحة التبريد اللي تتعلق فوق الخزان ب 800 ريال ومنتشرين هالايام فوق ال 20 شركه في الوسيط

اتوقع طبيله + مروحه بتحصل فرق كبير

[aloosh]

اخبر شايب يلفهم بقطع خيشه وهذا الكلام من سنين

[هيليوم]

هذا كنا نفعله
ولكن اذا دخل شخص اخر مباشرة ويجي الماء الحار الي للتو دخل بالسخان ،
اى هذه الطريقة تصلح لاستخدام شخص واحد

لما يدخل الشخص الثاني مباشرة بعد الاول يكون الشخص الأول استهلك الماي الحار في البيبات مع الماي البارد في السخان وبالتالي يجي الثاني يحصل الماي الجاي من التانكي بحرارته العادية اما لو تأخر فترة كافية عشان يسخن الماي مرة ثانية في البيبات راح يبرد الماي اللي في السخان بعد ويقدر يسوي نفس طريقة الأول

[معماري قطري]

انا اكتشفت ان الماي يتبخر وهو داخل التوانكي هذا بدون استخدام
بالنسبه للموضوع انا فكرة اعمل طبيله تغطي كامل السطح علشان يبرد المبنى هل هي فكره عمليه ؟

عملية جداً لكن المنظر .. بيوت اوروبا وأمريكا يسوون السقف من طبقتين بينهم فراغ كبير ويجي جزء مائل وجزء سيدة حسب التصميم .. الفراغ الكبير هذا للتمديدات الكهربية والتكييف والتلفونات وأي شبكة .. كذلك يكون الفراغ فيه فتحات تهوئة تغير الهواء داخل ويساهم في العزل كثير

هم الطبقة الخارجية في العادة طبقات خشب عليها قرميد أو حديد ( معدن ) أو قرميد من مادة خشبية أو مادة أسفلتية قطع وخشنة من فوق

[معماري قطري]

لما يدخل الشخص الثاني مباشرة بعد الاول يكون الشخص الأول استهلك الماي الحار في البيبات مع الماي البارد في السخان وبالتالي يجي الثاني يحصل الماي الجاي من التانكي بحرارته العادية اما لو تأخر فترة كافية عشان يسخن الماي مرة ثانية في البيبات راح يبرد الماي اللي في السخان بعد ويقدر يسوي نفس طريقة الأول

صدقت وعندك المبرد مع السخان يجيك الماي مثل ما تحب ووقت ما تحب

[معماري قطري]

اخبر شايب يلفهم بقطع خيشه وهذا الكلام من سنين

أحسن عزل للبايبات قطعة خيشة مع جبس مغطسة في جبس يعني بس نلف البايب قبل ببلاستيك أو بلزقة حتى نحميه من الجبس والرطوبة

[معماري قطري]

اخوي انت أدري مني

ماء الحكومة حار ليس بسبب العمق او العزل ، وانما يتم تسخينه من الخزانات المياء الرئيسية قبل ضخه على البيوت ، دائما يتم ضخ المياه الفجر ويكون حار جدا

وشكرا

الظاهر يوصل حار أول بأول من الانتاج لين البيوت ولا يبرد بسبب خاصية عزل التوانكي فهي لا تسرب للحرارة + شوية الحرارة المكتسبة من البايبات بسبب فرق الحرارة في الخارج .. حتى مع تركيب براد الماء نحصل الماي أول شيء ينزل حار لين يوصلنا البارد وهذا معناه اللي في البايب صاخن بسبب الجو الخارجي .. في الليل شوي أقل بس بعد صاخن مع إن ما فيه شمس وماي الخزان بارد .. عندي على درجة 23 واوازنه بالصخانات اللي تشتغل صيف وشتاء بالتناوب كل 12 ساعة وحدة