هذا ترام ،، وصحيح موجود في المدنيه التعليميه المترو تحت الارض بس كان واجب عليهم التوضيح قصور من الصحافه
|
هذا ترام ،، وصحيح موجود في المدنيه التعليميه المترو تحت الارض بس كان واجب عليهم التوضيح قصور من الصحافه
انا قطري ويحق لي لاتباهيت
لي الشرف لو افتخرت بلادي
اطرب بها ليمن نشدت وتغنيت
يزهى بها شعري ويشفي مرادي
يا اخوان هذا ترام يمشي فوق الارض و بشكل بطيء.. مملوك و مدار من قبل مدينة التعليمية ... ماله اي صله بمشروع الريل الذي يعتبر معظمه تحت الارض و يمشي بشكل سريع
انا انتظر القوطار على احر من اليمر
مادامه بياخذني من الوكرة لين لوسيل بعد سنتين ان شاء الله لان بيكون لاصق في مقر عملنا من حيث المحطة بيكون طيب ما احتاج اسوق
من قدك يا بو فيصل اتخيلك قاعد حاط رجل على رجل وترتشف قدحاً من القهوة والمقطورة ما فيها الا كل واحد بشوش ومبتسم .. وريحة العطور حولك وورود طبيعية وصوت الريل همس .. يدوس له والا شوي انت واصل شغلك لا ثوبك مكسر ولا شيء ولا فيك نقطة عرقالمشاركة الأصلية كتبت بواسطة بانغ بانغ
ههههههه عاد بوعبدالله انتظروا كلها اوهام لحد الان ...
لين القوطار ايدق سلف ... باصدق
لا خلني اكمل الحلم وكل شوي تسمع تغريد صوت عربي يقول لك بنوقف شوي في محطة المنطقة الفلانية ويركبون الجمهور بعد ما يوقفون بسهولة في مواقف قريبة والأهم غير مكلفة .. أو تنقلهم باصات مكيفة من قرب بيوتهم لمحطة الريل القريبة وكل 5 دقايق يمر باص والمحطات زجاج ومكيفة
يوقف الريل 45 ثانية بس ينفتح الباب واللي بينزل ينزل ويركب فوج جديد بنظام .. الله لا واحد يطمر في وجه اللي بينزلون ويفكر الريل ريلنا ولا واحد ماخذها بالفهلوة وكل واحد معطي النظام حقه
يمشي بالضبط بعد 45 ثانية وتلتفت جنبك تحصل مديرك ركب وشوي الا الوزير فلان بن فلان .. وشوي تدور القهوة والتمر وكل هذا يكلفك 20 ريال في اليوم وبدل التنقل عندك 3000 في الشهر يغطي ويزيد
والله جو ..... شوقتنا
الله يسر لنا ان شاء الله
والفال لكم
بتشوف شلون الخبصة وكل شوي يطلع واحد يقول بتتعدل الأُمور بالتدريج وما يصير نسوي مقصورة للقطرين فصل عنصري ولا مقصورة للنساء العالم بيقوم علينا .. وبتحصل العمال يطامرون بين اللي يبون ينزلون وتدافع وتخابط عند البوابات .. وبتحصل جنبك اللي ماكل بصل وثوم يتجدى كل شوي غير عن اللي ما مر عليهم الديودرانت ويعتبرونه رجس من عمل الشيطان
انا بيني وبين محطة الريل مشي يمكن حول 50 - 100 متر وبين شغلي الحالي لين محطة الريل يقولون بيسوون ممر خاص بسيور كهربية تحت الأرض والمسافة ولا شيء بعد
الله يسامحك يا بوعبدالله .. خربت الجو
ضوابط المشاركة
رد مع اقتباس
