اوريدو تفاجئ العملاء بزيادة الاسعار بدلاً من تخفيضها

[كيلو حديد]

لأنهم لاحظوا ان وايد مشتركين فيها ولا يشتركون في اللامحدود، ويبون يحدونا ناخذ الباقة الاغلى، فألغوها.

وبنفس الوقت رفعوا اللامحدود
ضربه من الصوبين
الي خلاني اشترك باللامحدود هو سعر البيانات في حال خلصت الباقه كل غيغا 500 ريال شيء مب طبيعي

بحول رقم على فودا وبجرب النت لو زين حولت الرقم الثاني

[Qt.1]

عندي خطين فودافون باقتي مكالمات غير محدوده + رسائل غير محدوده + 13 Gb انترنت فاتورتي 310 ريال ماتزيد ريال , ومرتاح مع الاارسال مع ان بيتي في روضة الحمامه ,,,

[نصير المظلوم]

يرجى من المسؤلين في اوريدو التوضيح

[بوخالد911]

اليوم كنت عندهم وقالولي بس المشتركين الجدد أما المشتركين القدامى نفس السعر 400

انا مشترك قديم بباقة أن لمت للواي فاي
والسعر 320 ريال بس.

[جمال اليافعي]

السلام عليكم ورحمة الله وبركاته،

أنا مشتركة في باقة 15 جيجا، ولما قريت الموضوع عن تغيير الأسعار والباقات،

دخلت تطبيق أوريدو علشان أتأكد من الباقات المتوفرة،

ولقيت ان باقة 15 جيجا اختفت من الاختيارات،

واتصلت في 111 وسألتهم وقالوا اني للحين مشتركة في الباقة،

ويبدو انها متوفرة فقط للي كان مشترك فيها،

اما الباقات الحالية غير معقولة إطلاقا،

واضح انهم يبون يضغطون على المشتركين بأي طريقة علشان ياخذون باقة اللامحدود.

صورة من التطبيق فيها الباقات المتوفرة حاليا،

موجودة بس اذا انت\انتي مشتركة فيها ما تظهر بالأصل ..

اذا مثلا اخترت\تي باقة ال 3 جيجا بو 80 بتختفي

[لبيبة]

موجودة بس اذا انت\انتي مشتركة فيها ما تظهر بالأصل ..

اذا مثلا اخترت\تي باقة ال 3 جيجا بو 80 بتختفي

انت مشترك في اي باقة؟ اذا باقة غير ممكن تصور لنا شيطلع لك في تطبيق اوريدو؟

[مرتبش]

في دراسة امريكية ..وجدت ان معظم مستخدمي الجوال يطلبون باقات اكبر من احتياجاتهم واعتقد نفس الشي يحصل عندنا..نبالغ في طلب الخدمات لعدة اسباب منها عدم الاطلاع على الفواتير.. الخوف من اسعار زيادة الاستخدام.. العروض اللي تفر الراس يزيدون المكالمات ويقللون البيانات او العكس ..الخ من اسباب تستفيد منها شركات الاتصالات.

[Qt.1]

شكلي بحول النت لفودا ونجربها

عندي الماي فاي حقة فودافون ان لمت بــ 400 و النت جدا سريع ,