صحيح الكلام اخر مره جيت بسافر منعني وقال لي لازم اشوف التذكرة والبطاقه سحبت عليه ودشيت ماقال لي شي يعني شايفني عندي شناط وابغي اسافر يوقفنا ليش
|
صحيح الكلام اخر مره جيت بسافر منعني وقال لي لازم اشوف التذكرة والبطاقه سحبت عليه ودشيت ماقال لي شي يعني شايفني عندي شناط وابغي اسافر يوقفنا ليش
لحظة يالربعالمشاركة الأصلية كتبت بواسطة hamoor4ever
الموضوع اختلف شوي !!
اخوي هامور : الأخ حمد كان رايح يستقبل هله ، يعني رايح القادمين وماخلوه
انت تقول انت كنت تبي تسافر ومعاك شناط ، يعين رايح المغادرون وماخلوك بعد ؟؟!!!
التوقيف وطلب البطاقة وين كان بالضبط؟ عند أي بوابة ؟
وبعدين وبدون زعل اخوي الكريم هامور : لو انت ماعجبك الاجراء وطنشت ، واللي وراك بعد طنش ، والكل طنش ، بيصير المكان فوضى
التعديل الأخير تم بواسطة غريب الدّار ; 04-08-2016 الساعة 08:51 AM
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
اجراء امني ضروري
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
صارلهم شهر تقريبا او اكثر بشي بسيط ممنوع الذهاب و ممنوع الإستقبال ايضا
تحت و فوق
الواحد يوصل يحس نفسه فمكان مهجور ولا نفس بعد الشنط.
التعليمات امنيا مع التفجيرات الي صايرة حول العالم ما ألومهم. بس اتمنى انها فترة بس لين ما الحالة الأمنية او الخطر الي بسببه اعلنو هالشي يخف.
بعض ربعنا للأسف يجادل اذا تبي تدخل ادخل بهدوء قولهم اوكي و اطلع فوق مكان المغادرون طلع بطاقتك الشخصية و بتمشي بكل ادب و احترام.
بس الي يهاوش يعاندون اكثر اهم متفهمين و يعرفون عاداتنا بس التعليمات من رؤسائهم و في اشياء ممكن يمشونها و مرات لا.
الإجراء نفسه الي فالمغادرون فالسابق يوقفون عند تسليم الشناط يجيكون بس الي مسافرين و الباقي ورى الحين صار عند البوابة. تراويه بطاقتك الشخصية يمشيك بس باقي الجنسيات لازم يشوف التذكرة و يتأكد منها و فقط المسافرين اهم الي يدخلون
و اذا عن التذكرة انا ما اشيل معاي تذاكر كلشي اسويه اون لاين عن طريق الجوال
لانه عندهم تعليمات ممنوع أي حد يدخل غير المسافر يعني مب نفس قبل أي حد يدخل والمسافر ممكن يسمحون للكفيل بس يدخل معاه هاي في حال كان اجنبي
هالقرار سليم بدال لاتصير فوضى في ناس تحصل المسافر واحد وراه عشر يودعونه
اشكرهم على هالاجراءات
اي فوضى يالحبيب تراني في بلادي ولا انا مخالف ولاشي بعدين بالعقل التذاكر الكترونيه وشنو الفايدة اللي يجنيها انه يشوف هالهندي بطاقه اهلي وبطاقتي ويطل طل بدون فايدة وعقب بيقول لك اوكي روح بعدين يااخي افرض انا دخلت وجاي ابي اسوي حجز ولا اشوف احد خدمات المطار شلون اقنع هالهندي واترجاة انه يقتنع اني محتاج لاحد خدمات المطار مثل اجراء حجز بالكيومايل او طلب احد خدمات المها او مثلا بغيت اخذ بطاقه اوريدو باسبورت من عندهم ، الاجراء مفروض يسوونه حق اللي يجي بدون سبب ولا عازة او شخص مشكوك فيه او في هيئه غلط مب ريال مع عياله ومرته وباين انه مسافر عنده خمس شناط ، واذا كان اجراء امني اوكي ليش مو حاطين شرطه قطريين فاهمين التعامل مع البشر . الاغلاق كامل على المطار بدون هدف وانت شايف الريال قال رايح اجيب اهلي يعني مو لعبه وين انطرهم برع في الحر انا مثلا من الاشخاص اللي احب استقبل اهلي بنفسي اذا من السفر جايين لان بشيل الاغراض عنهم واروح للسيارة اللي هم مب عارفيين مكانها ولا انت جرب انت تنطر بالحر وعقب رد علي خبر
مب سالفة انطر في الحر ياهامور
لان لو الاجراء تطبق على الكل حشر مع الناس عيد ياخوي ، وجيزي من جيز الناس
واكيد محد يحب ينطر في الحر ياهامور ، مافي شك
لكن اذا كانت الإجراءات بتمشي على الكل ولمصلحة الكل ، فلاحول ولا قوة الا بالله ، امرنا لله
واذا ماعجبني الاجراء ياهامور ماراح اكسر الاجراء واطنش ، باحاول اني اتفاهم وياهم بالتي هي احسن ، اذا وافقوا كان بها
ماوافقوا خلاص باشوف لي حل ثاني غير اني اتجاوز بالغصب ، وبعدين هندي ولا بنغالي ولا قطري دامه يطبق القانون مافي مشكلة في الشخص نفسه لانه ماسوا شي على هواه
في النهاية مااعتقد اللي قرر هالاجراء كان قصده انه يبهدل العالم ، اعتقد في ضرورات امنية ، وانت شايف الأوضاع وعارف ياهامور
والله يحفظك ومن معاك ومن يقرا
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
الكلام صحيح ، من يومين مودي الخدامه المطار وقفني السكيورتي عند الباب ويسألني من مسافر؟ قلت له الخدامه، شيك على جوازها وتذكرتها وقال بس هي تدخل، قلت له طيب هي ماتعرف شي داخل المطار وانا بدخل معاها بوصلها الكاونتر وبطلع، شيك على بطاقتي الشخصيه وقال لي حياك
اجراء امني لاغير ومن حقهم الصراحه ع المشاكل والبلاوي الي نشوفها ونسمعها والله المستعان
ضوابط المشاركة
رد مع اقتباس