السلام عليكم ..
صبحكم الله بالخير
خلال تحديد المساحه مع مهندس الخرايط للبيت كنا ماشين على مبداء (بيت العمر) ولازم نزوود غرف ومساحات للمستقبل
وبعد السكن اكتشفت ان الاحتياج الحالي كمساحه اقل بكثير من اجمالي 550 م2
وعلى هالاساس قررت اني استفيد من باقي المساحه وهي تقريبا 250 م2 وودي استغلها بمشروع حلو
وتشاركوني برايكم وشلون اقدر استغل هالمساحه بمشروع له عوائد ..
شاكر لكم
اذا تطلع عليه رخصه ملحق ممتاز
ابني عليه ملحق وأجره مدخول محترم وبدون تعب
واذا ما عندك مجلس خارجي وانت في حاجه له تقدر تسوي لك مجلس كبير ومرتب
اللهم لك الحمد كما ينبغي لجلال وجهك وعظيم سلطانك
ياليت اقدر اطلع له رخصة ملحق وأجره المساحه اللي ذكرتها من ضمن البيت وهي عبارة عن غرفتين كبار وصاله مع تكرمون دورات مياه .المشاركة الأصلية كتبت بواسطة بوحارب
,
,
مرحبا
اخوي الكريم
من الصعب انك تستفيد من هذه المساحه
لا القانون يساعدك ولا وضع المساحه يساعدك
لو كانت المساحه ( منفصله ) على شكل ملحق ولها باب خارجي كان هناك خيارات كثيره تستفيد منها
مشغل
تجهيز اكل
مخزن
تسكن فيها عائله صغيره
اما بهذا الوضع من الصعب تستفيد منها بدون ما يكون ازعاج لك
,
,
بيت العمر اخربه بالمنظر واسوي ملحق واجره ؟!!!!!!! لاوالله اوسع على عيالي وبيتي واهلي ولا اخلي احد يشاركني فيه
الاخ معماري ممكن يفيدك بهالشي
أسْتَغْفِرُ اللهَ العَظِيمَ الَّذِي لاَ إلَهَ إلاَّ هُوَ، الحَيُّ القَيُّومُ، وَأتُوبُ إلَيهِ
اللهم ان في تدبيرك مايغني عن الحيل، وفي كرمك ماهو فوق الأمل، وفي حلمك ما يسد الخلل، وفي عفوك ما يمحو الزلل، اللهم فبقوة تدبيرك وعظيم عفوك وسعة حلمك وفيض كرمك أسألك أن تدبرني بأحسن التدابير، وتلطف بي، وتنجيني مما يخيفني ويهمني.اللهم لا أُضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولا قوة إلا بك
بسهوله افصل المساحه وخصوصا ان البيت على شارعين فبيكون له مدخل خاص على الشارع الثاني
صحيح ،، هو ماراح يخترب مثل ماتتصور تخيل لو هالمساحه موجوده في السعوديه او الكويت كان تأجرت لاكن عندنا البعض يرفض
اخوي دام بيتك على شارعين وانت مالك حاجه من المساحة ذي كلها
وتبغي تستفيد منها انصحك تسوي لك ملحق كيربي وتأجره وبيكون مدخوله حلو
كل العالم مسوين كذا
واذا انت مب حاجه للمدخول انصحك تسوي حديقة وجلسة كراسي وشلال بس ما يكون غزير لسلامة الأطفال
والله ييسر امورك
اللهم لك الحمد كما ينبغي لجلال وجهك وعظيم سلطانك
حاضر إخوي وليف الشوق
المساحة من ضمن البيت وداخلية وغالبيتنا بيوتنا فيها مساحة غير مستغلة لكن مع الوقت نحتاج لها .. سواء لمكتب أو مخزن أو غرفة لأحد الأبناء أو جناح لإبن متزوج أو بنت متزوجة .. حتى صالة رياضية بسيطة ممكن نسوي
ممكن نسوي سينما منزلية أو نادي صحي بتغيير بسيط على بعض الحمامات بعمل بخار أو سونا .. ولازم نخلي غرفة احتياط لا بد حد بيحتاجها في المستقبل القريب حتى لو اخترب مكيف
من ناحية قانونية ما تقدر تسوي أي مبنى منفصل حق اي نشاط تجاري او غيره
اذا كانت الأرض على شارعين تقدر تسوي الآتي لكن بدون وضع قانوني او ترخيص
1- تكبر المحلق بحيث انه يسمح توزع فيه غرفتين صغار ومطبخ وحمام ولا حمامين
وتطلب تفتح باب جانبي بحيث اللي يدخل من الشارع على الملحق مباشرة وبعد اتمام البناء تسوي الفواصل بين الغرف
بحوائط الجبس وفي هالحالة تقد تأجر الملحق ممكن بمبلغ 4000 ريال شهر على اساس انه شقة صغيرة بغرفتين .
2- تسوي مطبخ كبير وسكن لعدد 2 طباخين وتشتغل على نشاط مطابخ شعبية بس ايضا بدون ترخيص يعني لاسمح الله
لوصار اي شي مثل خلاف مع زبون او غيره أ واحد اشتكى بتكون عليك مسؤولية انك تبيع اغذية بدون رخصة وبدون اشتراطات صحية .
3- تسوى مخزن وله باب منفصل وتأجره لان هناك طلب على المخازن من بعض الشركات خصوصا اذا موقع البيت قريب من منطقة تجارية
مثل شارع سلوى او المطار القديم او الوكرة الخ .
وتقدر تستفيد من المساحة ببناء مجلس خارجي مثل ما ذكر بعض الاخوان او تسوي لك حديقة مرتبة لك وحق اسرتك
باربكيو وحركات ولا حمام سباحة مرتب .
يُخَاطِبني السَّفيهُ بِكُلِّ قُبْحٍ ******* فأكرهُ أن أكونَ له مجيبا
يزيدُ سفاهة ً فأزيدُ حلماً ******* كعودٍ زادهُ الإحراقُ طيبا
ضوابط المشاركة
رد مع اقتباس