فضفضة اهل قطر ...!!!

[يمامـة]

اذا الحساب بالاستغرام تسكيره بسيط تسوون مجموعه تدخلون على الاحساب وتختارون تقرير وكل واحد او وحده يحط تقرير لين يوصل لثلاثون تقرير بعدين ادارة الاستغرام تسطره
انا قريت حساب بالاستغرام الصراحه قصص ولا في الخيال

احنا ما نبي اغلاق مثل هالحسابات في قطر بمثل هالطرق..
نبي قرارات من الجهات المختصة هي اللي تمنع فتح مثل هالحسابات لناس عايشين في قطر..

طموحنا اكبر من ان ندخل في مجموعات ونشغل نفوسنا برفع ريبورتات لاصحاب الموقع..

لأن لو ما عندنا قرارات تمنع.. فاغلاق الحسابات عن طريق إدارات المواقع هذي مب حل..
لأنهم ممكن يفتحون حساب ثاني ومب مخلصين مراكض وراهم يا مس..

[بنت شرق]

ممكن تتسكر ويداهمون بيت راعي الحساب دام ان هناك قرار يفيد بمنع فتح مثل هالحسابات من غير تصريح..

فالموضوع اليوم نضعه بين يدي أصحاب القرار في وزارة الداخلية ومراكز شؤون الاسر ومجلس الشورى ومجلس الوزراء..
مهم جدا ان نحافظ على المجتمع من مثل هالحسابات .. فاليوم هناك حساب استفاد ماديا.. باجر عشرات الحسابات اللي بتضرب
مصلحة المجتمع في عرض الحائط وبتفكر في الربح المادي او الشهرة...

وبشكل عام ما نطالب بحجب الانستغرام.. ولكن نقول منع واغلاق المواقع اللي مب متخصصة في حل المشاكل وعدم فتح
المجال لفتح حسابات من هالنوع.. وهذا سهل جدا دام ان الموقع في قطر ..

ليش تسكر صاحب الموقع ما اجبر احد يكتب شي غصبن عنه
اعتقد فيه مبالغه بطلب التسكير مش شرط الي يفضفضون قطرين لأنه الموقع من قطر
باقي نقول يامجلس الأمن انقذنا من حساب السوالف الإنسانية الاجتماعية

[يمامـة]

ياليت والله نفضفض عن التامين الصحي وليه قطع وليه مايرجع

كل ما اتذكر اني دخلت طواري الاهلي ودفعت 2600 ريال علاج وعنايه لمدة ساعتين اتحسر على حالنا واللي يقهر يجيك مقيم عنده تامين
ويعالج ببلاش وانا بديرتي وادفع

رحت طواري حمد لكن قائمة الانتظار طويله والحمد لله على كل حال

هذه فضفة من خدمات تقدمها الدولة وفيها قصور وحق للمواطن انه يعبر عن استياءه..
لكن من غير المقبول ان نشوف مشارك يرد عليج الحل انج تفجرين مستشفى حمد..

فاللي يقدم حلول للمشاركين لما يقول لهم روحي اشتكي على امج وابوج عند الشرطة لأن القانون
يعطيج الحق ويوقف معاج.. حاله حال اللي بينصح مشتكي من التأمين بتفجير شركة التأمين والناس مب فيه..

فخراب البيوت امر مب سهل.. ومستحيل أصحاب الاختصاص ينصحون البنت تشتكي على أمها وابوها..

[يمامـة]

ليش تسكر صاحب الموقع ما اجبر احد يكتب شي غصبن عنه
اعتقد فيه مبالغه بطلب التسكير مش شرط الي يفضفضون قطرين لأنه الموقع من قطر
باقي نقول يامجلس الأمن انقذنا من حساب السوالف الإنسانية الاجتماعية

انتي ما رديتي علي سؤالي يا بنت شرق..

عادي عندج لو كان عندج ولد يشتكي في الموقع عن مشاكلج مع زوجج ويذكر التفاصيل؟
او يذكر مشاكلج مع خواتج بالتفاصيل؟
او بنتج تفضفض في الموقع عن علاقة اختها بولد الجيران واللي صار ؟

ومن ثم نقول:
احنا ما يهمنا من اللي يتكم قطريين ولا أجانب.. اللي يهمنا ان الموقع مب مخول لحل المشاكل
والحلول المقدمة فيه مصايب مب حلول..

فمطالبتنا في حدود بلادنا.. مالنا خص في الأمم المتحدة ومحد تكلم وياب طاري الأمم المتحدة..

احنا نقول:
ياليت يتم سن قرار بمنع فتح مثل هالحسابات من قطر من غير تصريح من الجهات المخولة لحل لمثل هالمشاكل..

فهل الأمر هذا فيه تعدي على أحد؟
وهل لما نقول يا بنت شرق الحساب بشكله الحالي لازم يغلق غلطنا على أحد؟

[العلياا]

بعض الاسباب اللي تخلي البنات تروح لهالنوع من الحسابات او المواقع

بنت خلصت دراستها ومالقت وظيفة - فراغ !
بنت اهلها رافضين لها تكمل دراستها اصلا وممنوع تشتغل - فراغ !
بنت امها وابوها موظفين وتقعد بروحها معظم اليوم - فراغ !
بنت امنعوها اهلها تطلع بحكم انها غير متزوجة او مب موظفة - فراغ !

بشكل عام تلاقين السبب الرئيسي هم الاهل
ف مجرد ما يوفرون الجو الملائم لبنت في هالعمر ويعطونها الاهتمام اللازم
اكيد ما راح تحصل وقت فراغ تلتفت لهالمواقع او تلفت لاي شي ثاني ..!

[بنت شرق]

انتي ما رديتي علي سؤالي يا بنت شرق..

عادي عندج لو كان عندج ولد يشتكي في الموقع عن مشاكلج مع زوجج ويذكر التفاصيل؟
او يذكر مشاكلتج مع خواتج بالتفاصيل؟
او بنتج تفضفض في الموقع عن علاقة اختها بولد الجيران واللي صار ؟

ومن ثم نقول:
احنا ما يهمنا من اللي يتكم قطريين ولا أجانب.. اللي يهمنا ان الموقع مب مخول لحل المشاكل
والحلول المقدمة فيه مصايب مب حلول..

فمطالبتنا في حدود بلادنا.. مالنا خص في الأمم المتحدة ومحد تكلم وياب طاري الأمم المتحدة..

احنا نقول:
ياليت يتم سن قرار بمنع فتح مثل هالحسابات من قطر من غير تصريح من الجهات المخولة لمثل هالمشاكل..

فهل الأمر هذا فيه تعدي على أحد؟
وهل لما نقول يا بنت شرق الحساب بشكله الحالي لازم يغلق غلطنا على أحد؟

المجال مفتوح بمواقع الاتصال الاجتماعي بدل التفكير السلبي سكروا عليهم امنعوهم
ايش رايج بما أنج متمكنة وعندج اسلوب بالكتابة تفتحين حساب يغطي على حسابهم
وحطي فيه مستشارين وأهل خبرة واختصاص
فهاي طريقة معقولة لحل أزمة البعض مع الموقع وللأشخاص حرية اختيار الموقع الي يبون يفضفون فيه

[راجي الْعفو]

أصلا عيب في حق التربويين ومراكز شؤون الاسرة ان توجد مثل هالحسابات تقوم بمقامها في البلاد وان كانت بصفة غير
رسمية.. فما يصير هالمراكز يندفع لها مبالغ وميزانيات من الدولة لحل المشاكل.. بينما احدهم وهو قاعد في البيت يدخل ذهب
لأنه متفرغ لنشر الفضايح والمشاكل .. والحلول تكون مصيبة للمجتمع بكبره..

وان صاحب الحساب ما يدخل في جيبه شي.. بعد غلط ينوجد مثل هالحساب اللي ينغث الواحد من نوعية المشاكل والفضايح..

ما فيه شك ..

والله الصغار يا راجي من الفئتين
البنت تشتكي من ابوها واخوها وأهلها عموما
والولد يشتكي من ابوه
وفيه المعاريس الجدد
وما له داعي اقولك نصايح الناس لهم

الله المستعان ..

لازم يغرس في عقول الناس ان وسائل التواصل ليست ملجأ الاول و الاساسي للمشاكل ..

فكرة ان اي واحد شفت له حساب و حط في تعريفه : خبير في الشؤون الفلانية ، او مختص في كذا
و علطول انزل حاجتي به هذي مصيبة !!

لازم يتم توضيح ان مب كل واحد تروح له و تشكي له همومك ، استعمل عقلك و امش بضوابط ..

[راجي الْعفو]

النوعين.. وللأسف اعذر النساء.. لكني ما اعذر الرجال ابدا..

والله يا ام خوسيه السفه موجود في الجنسين ..
وان كان الرجل اكثر رزانة و ثقل في الاصل ، فمن هالناحية قد نزيد اللوم عليه ..

[يمامـة]

المجال مفتوح بمواقع الاتصال الاجتماعي بدل التفكير السلبي سكروا عليهم امنعوهم
ايش رايج بما أنج متمكنة وعندج اسلوب بالكتابة تفتحين حساب يغطي على حسابهم
وحطي فيه مستشارين وأهل خبرة واختصاص
فهاي طريقة معقولة لحل أزمة البعض مع الموقع وللأشخاص حرية اختيار الموقع الي يبون يفضفون فيه

بنت شرق بشكل عام تراني ضد المواقع هذه بكل ما تحتويها من إيجابيات وسلبيات..

وبفضل من الله ورحمته.. ما اشجع على التواجد فيها ولا لي أي حساب في أي موقع تواصل اجتماعي..

وفي الوقت نفسه

لي فكري الخاص فيني اللي ما افرضه على احد.. وفي الوقت نفسه لي الحق في اني أطالب بأمور اشوف انها
ممكن تكون كارثة على المجتمع..

فموضوع المسجد مفتوح والبار مفتوح هذا امر مرفوض عندي..

فلما أقول نهدم البار فهذا ما يعني ان المسجد رواده بيزيدون ..

لكن ما نترك البار مفتوح بحجة كل يدخل المكان اللي يناسبه..

ومثل هالمواقع اشوفها خطرة على المجتمع كله حالها حال البارات.. وأسلوب المهادنة واللين مع الجيل الحالي
ما احب اتبعه حتى مع عيالي..

المواقع و الحسابات هذه غلط.. أقول رايي واحط اقتراحاتي واطالب بتنفذيها..

تنفذت خير وبركة.. ما تنفذت اللهم اني بلغت اللهم فاشهد.. وكل بيدخل قبره شال اعماله
واللهم اني ابرئ نفسي من السكوت او مجاملة او مهادنة او ملاينة من يقوم على هالامور
او يزينها او يجد مبرر لها..

بس بعد ما جاوبتي على اسئلتي

[يمامـة]

والله يا ام خوسيه الخفّة موجودة في الجنسين ..
وان كان الرجل اكثر رزانة و ثقل في الاصل ، فمن هالناحية قد نزيد اللوم عليه ..

من اهنيه ما اعذره وانا اختك العودة..