مالك الا انك تحل لها مشكلتها وتطلب منها تطلق.. وعقب العدة تتقدم لها لأنك انسان من زمان راغب في التعدد
وبشهد لك في رغبتك في التعدد
لأني من يوم ما عرفناك في المنتدى وانت تبي اتعدد
مثل هالحل ممكن تلقاه من المستهبلين او قليلي الخبرة اللي تمللوا من شي دخلوا وشاركوا في حل المشاكل..
ولأن احنا في الموضوع هذا ننتقد طرح المشاكل اهنيه وهناك .. فهذا اخر انذار لك بعد قبول نشر أي موضوع من الحساب اهنيه
العفو على الاهداء..........> مصرة تاخذه وتشغله في البيت او تخصص لك وقت الواي فاي يكون فيه زي الفل
وتسمع له.. منت بخسران شي..
وبلغ غنومي تحياتي الطفولية.
مساء النور اختي يمامة ،
قريت مشاركتك مرات كثيرة من اول مرة شفتها وكل ما سنحت لي فرصة ارجع اقرى مشاركتك
وفي خضم انشغالي كنت اسلي مخي في التفكير بالرد على مشاركتك.. لأنك تكلمت بصراحة عن موقف
كنت فيه رجل نبيل قدم النصح بقلب نظيف وسليم.. بينما وانا افكر في نبلك و نظافة قلبك تساءلت يا اخوي الزار
واسمح لي اني اكتب هالتسؤلات في موضوعنا هذا..
اولا احب اعتذر عن التأخر في الرد ،
حاولت اقنع نفسي اني ما ارد لان الموضوع صار قديم ، لكن اسئلتج تمت تقرقع ف خاطري !
وان تصل متأخرا خير من ان لا تصل ! << برعاية اشغال هههههه
وشكراً على هالاطراء ، وماعليج زود يالشيخة
اليوم لو انت انسان متزوج ولك خلافات مع زوجتك ... هل تقبل من زوجتك تدخل على أي شخص في أي مكان
وتبحث عن حل لمشاكلها معاك؟
هل تقبل احد من محارمك انهم يتخذون من هالمواقع او هالقروبات او أي كائن كان( وبشكل غير رسمي) فاتح بابه لحل المشاكل
انهم يروحون له ويبحثون عن حل لمشاكلهم ايمانا منك انك كنت سبب في حل مشكلة سين وعين وصاد
وانهم ممكن يلعبون نفس الدور اللي انت لعبته مع غيرهم لأنك انسان قلبك نظيف و نيتك صافية؟!!
أولا وقبل كل شي.. لازم نعترف ان كل شخص يتصرف حسب طبيعته الشخصية.. بمعنى ان أفكاره
تكون مبنية على طبيعته وبالتالي.. طبيعتي ترفض نشر المشاكل يمين ويسار.. واي مشكلة نواجهها
اشوف ان من حق المشكلة علينا ان احنا نعرضها على أصحاب الحكمة والاختصاص من غير ما يكون
للتافهين وصغار السن دور في الاطلاع عليها او ابداء الرأي فيها..
الإجابة بشكل بسيط : لا اقبل ابداً ، ويمكن هالشي يكون مشكله في حد ذاته اكبر من المشكلة الاساسية !!
لكن يا يمامة قبل ما اعكف شنبي واسوي عشرة Push-ups واقول ما اقبل ، انا بالاساس اسوي كل اللي اقدر عليه عشان امنع هالشي.
على سبيل المثال اذا انا من اول يوم متفق مع زوجتي ان كل مشكلة اتم وتنحل بينا ، وبالفعل طبقنا هالاسلوب في كثير من المشاكل
يحق لي ارفض وازعل اذا هي في يوم لجأت لطرف اخر بدون علمي ( وإن كان رسمي ) وعرضت عليه مشكلة صارت بيني وبينها.
لكن اذا انا لاهي ولا ادري عن هوا دارها ، ولا احاول اصلا اني اتناقش في المشكلة او احلها ، وبعدين اقول ليش راحت ادور حل برع ، في هالحالة حطيني في قسم : شين وقوي عين .!
طبعا هالكلام وجهة نظر شخصية لأنه سؤال شخصي ومبني على قناعات وطبيعة الشخص مثل ما ذكرتي !!
لو لاحظتي انا كاتب في المشاركة السابقة " بديـل جيـد " ، جيد هذي تحتها درزن خطوط ،,لذلك هناك جهات مختصة لحل المشاكل.. فمن يعتقد ان ليس هناك بديل للحسابات هذه فهو غلطان
مواقع كثيرة متخصصة في عالم الانترنت تستقبل كل أنواع المشاكل.. وجهات رسمية في الدولة
تصرف الدولة عليهم.. متخصصين لاستقبال أي طارح لأي مشكلة مع سرية تامة وكتم للمشاكل هذه..
والنقطة الأهم في المواقع المعتمدة او الرسمية ان اللي يحلون المشاكل ناس يخافون على لقمة عيشهم
حتى لو ما كانوا ناس أصحاب اخلاق وذمة!!......> ما اتهم حد بس ابين ان لو فيهم واحد نذل مثلا الا انه وضعه
ما بيسمح له يكون نذل مع كل وحدة لأن في الأخير راح يقدمون شكوى ضده..
بينما في عالم النت.. النذالة ممكن تشتغل ومن خلف عباءة النصح و الحكمة وتقديم المشورة..
فمن جذيه مب كل الناس مثلك نوايهم سليمة و قلوبهم نظيفة..
لاني ما انكر وجود بدائل ، لكن البدائل الحالية اشوف انها مش فعالة وما تقدر تخدم الفئة اللي تطرح مشاكلها في هالحسابات لأكثر من سبب :
السبب الأول : الخصوصية ، انا معاج انهم يتعاملون بأكبر درجة من الخصوصية ،
لكن اختي يمامة اللي جد عندها مشكلة حساسة معايير السريّة والخصوصية تختلف عندها ،
يعني مجرد فكرة انها تروح عند شخص ويعرف اسمها وشكلها وباقي معلوماتها هذي في حد ذاتها تعتبر عدم خصوصية بغض النظر عن الصفة الرسمية للشخص.
وبعدين نكون واقعيين شوي ، عادي جداً تحصلين وحدة عندها حق وتتنازل عن حقها وهي مستانسة في سبيل انها ما تروح مركز شرطة ( مع ان الشرطة كذلك تتعامل بسرية ) ، وانتي ادرى مني في هالمثال بالذات ،::
وتبينها تروح تدخل وتقعد عند واحد تقوله سلام عليكم اسمي فلانه بنت فلان ، وريلي يخوني وانا بعد اخونه !
كموووون قااايز !!
السبب الثاني : بعض المشاكل اللي تنعرض ، تحسينها مشكلة كيوت ! يعني المشكلة ما ترقى لمستوى يدفع الشخص يتعنى ويروح مركز متخصص ، ولكنه في نفس الوقت يبي ياخذ شور الناس !
تكون مثلا مشكلة متعلقة بالدراسة ، او واحد وعلاقته مع ربعه وجي !
الشي الثالث : صعب جدا مركز يغطي هالكم الهائل في وقت ما راح اقول سريع لكن ع الاقل مقبول ،
اخبر من فترة انا ورفيجي تمينا نتعايا بخصوص موضوع طبي نوعاً ما المهم اخر شي فتحنا موقع اسلام ويب وكتبنا السؤال هناك والله يمكن ردو علينا بعد شهر ونص !!
بتقولين طبعاً بيكون في آلية لتقنين المشاكل على حسب الأولوية أو الأهمية ، بس هذا مش حل ~!
ياخي يمكن انا عندي مشكلة بالنسبة لهم مب اولوية ، بس بالنسبة لي تعتبر نهاية الدنيا !
اخاف بعدين اذا فتحتي هالحسابات تحصلين وحدة كاتبه انا طرشت مشكلتي للجهة المختصة وقالوا لي مشكلتج مب مهمة ، مب قادرة استوعب شلون مشكلتي مب مهمة ، حرام عليهم جرحني كلامهم ! تصدقون من اول ما ردو علي وانا متضايقة وافكر وما ذقت طعم النوم كلش ، بليززز ساعدووووني .. بدون يوزر !
هههههههههههه سوري تحمست ~
اولا اختي يمامة لما تكلمت عن الاستفادة كل كلامي كان عن استفادة الشخص اللي عرض مشكلتهفاليوم أقول ما بي بنتي تستفيد من هالمواقع ( مع انها ترفض الموقع وتحاربه) بينما تنضر بنت اخوي..
ما ابي بنت اخوي الثانية تستفيد من الموقع بينما تنضر بنتك..
وليس كل من يطلع على هالصفحات يبحث عن الفائدة.. وخلنا نكون صريحين
فالصفحات هذي اخلقت نوع من الإدمان عند الكثيرين للاطلاع على فضائح الناس..
فلو اللي يكتبون 100 لكن اللي يقرون 2000.. والمستفيد 1.
فهل لمصلحة واحد نساهم في نشر ثقافة تتبع فضائح الناس من باب التسلية و القراءة؟!!
واذا 20 نصايحهم زينة تلقى نصيحة فاسدة تخرب كل شي..
حالها حال التفاحة الخربانة في سحارة كل التفاح فيها سليم..
لان هو المعني اساساً .
بالعقل اكيد الشخص ما راح يعرض مشكلته اذا ماشاف ردود مفيدة في مشاكل ثانية ! صح ولا لا !
وفي وايد منهم ينشر شكر لأنه صج استفاد من مشاركات الناس ,,
لذلك في ردي الأول قلت ضرر اغلاق هالحسابات راح يكون على الشخص اللي عنده مشكلة لان ما عاد عنده مكان يطرح فيه مشكلته ، والبدائل الموجودة غير مناسبة من وجهة نظره ولأسباب مقنعة.
وسالفة انه في ردود سيئة ، اكيد في ردود سيئة وماقدر انكر لكن هذا دور الشخص اللي طرح مشكلته ، يختار اللي يناسبه ويسحب ع الباقي .
وانا اقول مستحيل للأسباب اللي انذكرت فوق ، اذا صج في بدائل ترضي ( الشخص اللي عنده مشكلة مب المتابعين ) ، انا اول واحد بطالب معاج بغلق هالحسابات .الموضوع بالنسبة لي مرفوض من عدة جوانب.. وعلى يقين تام ان الصفحات هذه لو انعدمت مستحيل الناس ما يحصلون بدائل لحل مشاكلهم.
صدقيني اختي يمامة ، انا مش ضد كلامج لاني اتابع هالحسابات بشكل دائم، بالعكس والله حتى مب مسوي فولو لأي حساب من هالنوع ،كل اللي بيصير انهم بيفقدون كمية الفاضيح اللي
كانوا يقرونها ويتختفي التسلية في الرد او الضحك او الحزن على المشاكل المطروحة..
وأصحاب العقول والحكم ما اعتقد انهم بيخسرون نفوسهم لو الصفحات هذه انعدمت..
فاللي أطالب فيه من خلال هالموضوع غلق مثل هالصفحات وهوهدفي اللي اسعى له ..
واذا ما انغلقت ... لابد من نشر الوعي ما بين عيالنا و أهلنا بعدم المشاركة ومتابعة مثل هالصفحات
ولابد ان نوعيهم ان هناك قنوات رسمية وجهات شرعية تستقبلنا لطرح مشاكلنا عليهم..
فالمشايخ ومركز الاستشارات العائلية والاختصاصيين الخاصيين والعاميين موجودين في كل مكان..
وازيدج من الشعر بيت ، ما كتبت ردود في هالحسابات الا مرتين او ثلاث وكانت كلها " عبط " لان المشكلة كانت تضحك اصلا !
’’ اختلافي معاج وقلته في ردي الأول قائم على نقطة بسيطة / اللي عنده مشكلة ما راح يكون عنده بديل !
والمتابعين اللي تحاتينهم البدائل اللي ممكن يتضررون منها متوفرة بكثرة ! ’’
يعني اختي يمامة ف ذمتج ، الحين لما اخوي الصغير يقرأ ان ريال قاعد يخون زوجته !
ايش الضرر الهائل اللي راح يقع عليه ،، وهو يقدر يجوف ريال يخون زوجته صوت وصورة مع موسيقى هادئة
دام عنده هالجوال ويقدر يفتح كل شي .
شكــراً ,..
عندي احساس ان اغلب القصص المطروحه من تأليف صاحبة الحساب تبي تسوي اكشن
ويزيد عدد المتابعين عندها واذا زادوا صار الحساب مطلوب للاعلانات اكثر
هي تبي فلوس وخلاص مايهمها اش قالوا وش كتبوا اهم شي تحصل فلوس من ورى الاعلانات
و كله على حساب هالمغفلين اللي ينشرون فضايحهم ..
ترى فيه قصص تنطرح مستحيل اصدقها اشياء مقززه وماتدخل المخ
بس دام مافي رقابه ماراح تتوقف هالحسابات اللي بلا هدف ..
(( لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ ))
الخطر ما يكون من التواصل الإجتماعي أو من هالحسابات لكن الخطر من إللي أهاليهم ما ربوههم وإللي يميلون مع كل مايل وأنا سمعت من بنت عمرها 18 تتمنى تعيش بروحها وتقول عن صديقتها أن أهلها بانين لها جناح خاص فبها بالبيت يحسسونها أنها بشقة بروحها هالجيل عندخ تطلعات لكن مب الكل ينخاف عليه .. فيه أمهات ما تعرف تربي ولا تحرص أنه تعلم عيالها على العقيدة الصحيحة أو إحترام الكبير فصاروا العيال كل يربيهم وهم الفئة المستهدفة
الإنسان بحاضره يسعد لا بالتحسر على ما مضى ولا بالقلق على ما سيأتي
التعديل الأخير تم بواسطة يمامـة ; 30-01-2017 الساعة 03:26 PM
اتفق معاج لابد من رقابة... نفس رقابة البلدية على الاكلات غير صحية واللي تضر صحة الانسان.
بس شي محترة منه يا مسك الروز..
لاحظت ادمان كثيرييييين من حولي لمتابعة وقراية مشاكل وفضايح العالم في هالمواقع..
فالشي اللي محيرني .. ليش رغم تقززهم ورفضهم لانواع المشاكل الا انهم يستمرون في المتابعة؟
رديت
اشكرك على صراحتك في الإجابة على السؤال.. وعليه احنا لما نرفض مثل هذا اللجوء" لمثل هالمواقع " ما نرفضهلكن يا يمامة قبل ما اعكف شنبي واسوي عشرة Push-ups واقول ما اقبل ، انا بالاساس اسوي كل اللي اقدر عليه عشان امنع هالشي.
على سبيل المثال اذا انا من اول يوم متفق مع زوجتي ان كل مشكلة اتم وتنحل بينا ، وبالفعل طبقنا هالاسلوب في كثير من المشاكل
يحق لي ارفض وازعل اذا هي في يوم لجأت لطرف اخر بدون علمي ( وإن كان رسمي ) وعرضت عليه مشكلة صارت بيني وبينها.
لكن اذا انا لاهي ولا ادري عن هوا دارها ، ولا احاول اصلا اني اتناقش في المشكلة او احلها ، وبعدين اقول ليش راحت ادور حل برع ، في هالحالة حطيني في قسم : شين وقوي عين .!
طبعا هالكلام وجهة نظر شخصية لأنه سؤال شخصي ومبني على قناعات وطبيعة الشخص مثل ما ذكرتي !!
لأن احنا عندنا عيال ممكن يلجؤون لنا في حال تعرضهم لأي مشكلة.. بل نرفضه لأن ما نبي اللي ما عندهم
حد يطيحون في يد اللي يسوى و اللي ما يسوى يوجههم وهم مب قدر انهم يكونون موجهين..
فجميل انك ترفض ان زوجتك تلجأ لرجل اخر تشتكي له همها لأنك مهتم فيها.. ولكن ما اعتقد من الاجمل
انك تقبل علي اروح حق أي واحد فاتح قلبه ومسمي عمره حلال المشاكل واكلمه و اشتكي له مشاكلي لأن زوجي
مب مهتم فيني وما يسمع لي...............>" من اهنيه اصر على وجود مراكز خاصة تستوعب أصحاب المشاكل
سواء كان لهم حد مهتم فيهم او مالهم حد يهتم فيهم" ..
الخصوصية.. لما تتهم المراكز الخاصة بعدم وجود خصوصية .. و ممكن الوحدة او الواحد ينشهر امام حلالي المشاكللو لاحظتي انا كاتب في المشاركة السابقة " بديـل جيـد " ، جيد هذي تحتها درزن خطوط ،,
لاني ما انكر وجود بدائل ، لكن البدائل الحالية اشوف انها مش فعالة وما تقدر تخدم الفئة اللي تطرح مشاكلها في هالحسابات لأكثر من سبب :
السبب الأول : الخصوصية ، انا معاج انهم يتعاملون بأكبر درجة من الخصوصية ،
لكن اختي يمامة اللي جد عندها مشكلة حساسة معايير السريّة والخصوصية تختلف عندها ،
يعني مجرد فكرة انها تروح عند شخص ويعرف اسمها وشكلها وباقي معلوماتها هذي في حد ذاتها تعتبر عدم خصوصية بغض النظر عن الصفة الرسمية للشخص.
وبعدين نكون واقعيين شوي ، عادي جداً تحصلين وحدة عندها حق وتتنازل عن حقها وهي مستانسة في سبيل انها ما تروح مركز شرطة ( مع ان الشرطة كذلك تتعامل بسرية ) ، وانتي ادرى مني في هالمثال بالذات ،
وتبينها تروح تدخل وتقعد عند واحد تقوله سلام عليكم اسمي فلانه بنت فلان ، وريلي يخوني وانا بعد اخونه !
كموووون قااايز !!
في المركز نفسه كأقل ضرر ممكن يتعرض له الواحد في مثل هالنقطة من ملاحظتك.. قد يكون مواقع الفضفضة بديل..
ولا يعني لما نعتبره بديل في مثل هالحالة.. ما نطالب بتعديل اليات حل المشاكل في المراكز المتخصصة وخاصة انها مجانية..
بمعنى ليش هالمراكز ما تواكب التطور وتتعامل مع أصحاب المشاكل من خلف الشاشات؟
ليش ما يكون عندها مواقع تستقطب أصحاب المشاكل واللي يبحثون عن حلول لها؟
فاحنا لما نرفض مواقع الفضفضة.. نبي هالمراكز تستوعب دورها وتفهمه و تكون قريبة من أصحاب المشاكل..
فموضوعنا ما ينتقد ويرفض مواقع الفضفضة وبس.. بل نبيه يقدم حلول بديلة تساهم في سحب مرتادي هالمواقع
من التعاطي مع هالمواقع اذا كانت عندهم مشاكل.. ويبحثون عن حلول لها عند متخصصين وأصحاب خبرة مب يهال
نصايحهم تودي في داهية!!
المصيبة مب في هالنوع من المشاكل.. المصيبة في مشاكل ثانية تلقى حلول غريبة و عجيبة لها من أطفال في عمر 21 سنة..السبب الثاني : بعض المشاكل اللي تنعرض ، تحسينها مشكلة كيوت ! يعني المشكلة ما ترقى لمستوى يدفع الشخص يتعنى ويروح مركز متخصص ، ولكنه في نفس الوقت يبي ياخذ شور الناس !
تكون مثلا مشكلة متعلقة بالدراسة ، او واحد وعلاقته مع ربعه وجي !
وحدة متمردة على وضعها في البيت و على حرمانها من الجوال تلقى تشجيع بوضع أهلها امام الامر والواقع وتاخذ الجوال
وتكلم اللي تبيه لانها حرة في نفسها؟!!
فلو الموضوع متعلق في مشاكل عادية نقول يالله عادي فضفضة وفش غل.. لكن المصيبة في الفضايح اللي تنكتب
وفوقها النصايح المدمرة اللي تنحط.. إضافة الى ادمان كثيرين على قراية هالفضايح والتعايش معاها يوميا.. فتلقى البعض
بدل ما يصبح ويذكر الله يروح يقرى الردود على المشكلة الفلانية او العلانية!!
وغير ان مثل هالمواقع أصلا تشجع على الكتابة من الخيال و التأليف..اغلب اللي كلموني عن الموقع وحتى اللي ردوا
في الموضوع وعندهم خبرة في ارتياده يقولون لك يحسون المشاكل تأليف في تأليف.. والبعض اتهم صاحبة الموقع نفسه
بانها اتألف المشاكل.. فأنا كمربية ابي اربي بنتي وهي في عمر 20 سنة .. هل انصحها تدخل الموقع وتكتب أي مشكلة تواجهها..
ولا انصحها انها تلجأ لناس خبرة اكبر مني او افهم مني اذا استصعب عليها انها تواجهني؟!!
فنصيحتي لبنتي اكتبه مثل ماهو في الموضوع هذا.. فاللي ابيه حق بنتي ابيه حق بنات الناس.. من غير ما ابحث عن
مبررات و تسليكات لوجود مثل هالمواقع..
دونت ووري .. حمستنا معاكالشي الثالث : صعب جدا مركز يغطي هالكم الهائل في وقت ما راح اقول سريع لكن ع الاقل مقبول ،
اخبر من فترة انا ورفيجي تمينا نتعايا بخصوص موضوع طبي نوعاً ما المهم اخر شي فتحنا موقع اسلام ويب وكتبنا السؤال هناك والله يمكن ردو علينا بعد شهر ونص !!
بتقولين طبعاً بيكون في آلية لتقنين المشاكل على حسب الأولوية أو الأهمية ، بس هذا مش حل ~!
ياخي يمكن انا عندي مشكلة بالنسبة لهم مب اولوية ، بس بالنسبة لي تعتبر نهاية الدنيا !
اخاف بعدين اذا فتحتي هالحسابات تحصلين وحدة كاتبه انا طرشت مشكلتي للجهة المختصة وقالوا لي مشكلتج مب مهمة ، مب قادرة استوعب شلون مشكلتي مب مهمة ، حرام عليهم جرحني كلامهم ! تصدقون من اول ما ردو علي وانا متضايقة وافكر وما ذقت طعم النوم كلش ، بليززز ساعدووووني .. بدون يوزر !
هههههههههههه سوري تحمست ~
للرد على الجزئية المقتبسة من مشاركتك.. ارجع و أقول.. مراكز الاستشارات لابد ان تتطور.. وان شاء الله ناوية
اراسلهم وابعث لهم رابط للموضوع مع اقتراحات أتمنى انها ترى النور.. مع بيان التركيز على مشاركتك لأنك وضحت نقاط
جدا مهمة لابد انهم يتجنبونها علشان يكونون قبلة صحيحة وسليمة لاصحاب المشاكل..
بعيد عنك وعن أي مشاركة لك لحل المشاكل في مثل هالمواقع. بالأمس كان مثل هالموقع له جزء من نصيب حديثنا في جلسةصدقيني اختي يمامة ، انا مش ضد كلامج لاني اتابع هالحسابات بشكل دائم، بالعكس والله حتى مب مسوي فولو لأي حساب من هالنوع ،
وازيدج من الشعر بيت ، ما كتبت ردود في هالحسابات الا مرتين او ثلاث وكانت كلها " عبط " لان المشكلة كانت تضحك اصلا !
خاصة فينا بنات وحريم.. فلما تكلمت اني دخلت هالموقع اول مرة ورديت ثاني مرة والحمد لله اني ما حبيت ادخله مرة ثالثة
اني انتبهت لمشكلة تقول " ..............." فكان الرد " تطلقي" احداهن وهي متابعة للمواقع ومشاكله وقد تكون مع فكرة الموقع
ضحكت وقالت: ايه ذيه عبط هيهيهيههي..
اسئلك بالله.. لما ولدي خوسيه بو 13 سنة او بنتي اخوي ام 12 سنة او بنت اختي ام 15 سنة.. يدمنون الدخول على مثل هالمواقع
ويدمنون قراية المشاكل و الحلول العبيطة اللي فيها.. تتوقع كيف ممكن يكون مستوى تفكيرهم ونضجهم في التعامل مع حلول للمشاكل هذي.؟
عني للامانة ما اقبل عيالي وهم كبار يقرون هالمواقع.. حتى لما قعد عندي ولدي بو 23 سنة الله يحفظه من شهر وتم يتكلم عن الموقع
قلت له: ردد اللهم عافنا مما بلاهم ولا تبلينا وبطل تدخل هالمواقع لان بيكون لها برمجة غير مباشرة على مخك.. وهذا هو بو 23 سنة بينت له رفضي
عيل أطفال مدمنين هالمواقع و واحد و وحدة بو 15 سنة يحطون مشاكلهم فيه!!..
ما اشوف ان احنا مختلفين.. الا اني اشوف ان لكل منا زاويته الخاصة للنظر للموضوع..’’ اختلافي معاج وقلته في ردي الأول قائم على نقطة بسيطة / اللي عنده مشكلة ما راح يكون عنده بديل !
.
قد تكون انت تجمل اللجوء للمواقع هذه بحجة ان ما عندهم بديل.. ففي حال البديل الآمن اقرا من ردودك
ان بترفض وجود هالمواقع..
اهنيه ممكن أقول ان احنا مختلفين.. لا يعني ان الجوال فيه كل شي ممكن يوصل له اخوك الصغيروالمتابعين اللي تحاتينهم البدائل اللي ممكن يتضررون منها متوفرة بكثرة ! ’’
يعني اختي يمامة ف ذمتج ، الحين لما اخوي الصغير يقرأ ان ريال قاعد يخون زوجته !
ايش الضرر الهائل اللي راح يقع عليه ،، وهو يقدر يجوف ريال يخون زوجته صوت وصورة مع موسيقى هادئة
دام عنده هالجوال ويقدر يفتح كل شي
فهذا يعني ان كل غلط يسويه اخوك الصغير في الجوال فهو صح؟
فاحنا من خلال موضوعنا نبين الصح والغلط حسب قناعاتنا ومبادئنا واسس تربيتنا لعيالنا..
لذلك: من الخطأ يدخل اخوك الصغير موقع فضفضة لعرض المشاكل و الحلول لها.. نفس لما أحاول
اجنب ولدي انه يمسك مجلة الجريمة اللي تعرض مشاكل خيانات و جرايم و قصص حب ولقاءات
او يدخل موقع ديني لحل مشاكل المتزوجين..
فنوع العلم او الفهم اللي نبيه يدخل عقول عيالنا مب هو هالنوع اللي ينوجد في مثل هالمواقع
ولا حتى المواقع المتخصصة اللي وراها جحافل من الخبراء يا اخوي الزار..
ما عندي مانع تربويا اخوك الصغير بو 15 او 16 او 17 يلعب فيفا طول اليوم.. ولا يدخل 5 دقايق في مثل هالمواقع!!
فأنت لما تبي تحمي لازم تحاول تحمي الطفل من كل شي ممكن يضره..
نعم عيالنا عند اليوتيوب طول اليوم سواء للدراسة او التسلية او المتابعة.. واليوتيوب فيه كل شي
وهذا لا يعني ان احنا نرضى عيالنا يشوفون أي شي في اليوتيوب لا سرا " ممكن تصير" ولا علنا..
والله خير الحافظين..
عفونشكــراً ,..