يا سيتي هالايام ما في شي اسمه اغلق الحساب.....الحين التطبيقات اللي تفتح المواقع المحجوبه اكثر من المواقع المحجوبه نفسها....انت بس تسوين ليمت للناس اللي ما تعرف تدخل على هذه المواقع
هالمواقع هذه مثل كثير من القنوات اللي موجوده و شغاله و مرخصه و هي كلها سموم و قذاره....الحل مب في الحجب بس.......الحل هو....الصراحه ما في حل.... هالاشياء خلاص بتظل موجوده غصب عنا و مب بكيفنا مثل الكانسر ....تحاولين تحجميه بس ما تقدرين تقضين عليه ابدا
حتى تطبيقات الحجب بالأمكان حجبها ، وبالأمكان حظر الـ vpn والـ dns عن طريق المزود ، وحتى من يستخدم هذه البرامج في بعض الأعمال المشينه بالامكان الوصول إليه بكل سهوله .المشاركة الأصلية كتبت بواسطة khaldoon
الحل موجود طال عمرك : التحصين والتربيه العقليه ، لاتمنع استخدام هالبرامج بشكل مباشر ولكن رسخ ضررها في عقول من حولك حتى يكون قرار عدم الاستخدام صادر منهم .
سبحانك اللهم وبحمدك اشهد ان لا اله الا انت استغفرك واتوب اليك.
عزيزتي ضوى.. صباح الورد( لما بديت اكتب الرد كان صباح.. وانشغلت ورديت صار مساء)
فمساء الفل والياسمين
ومن ثم أقول اثني على كل أم وأب يحرصون على انهم يكونون قراب من عيالهم في مواقع التواصل الاجتماعي
وخاصة لما يخصصون تواجدهم في مشاركة عيالهم اهتماماتهم و أفكارهم و كتاباتهم في هالمواقع..
اما بخصوص الجزئية الثانية من مشاركتج اللي تقول:
مايصير انا مادش واخلي عيالي يدشون
بالنسبة لي وحسب قناعتي.. يصير اني ما ادخل مواقع التواصل هذه ولا اتابعها ولا اهتم فيها
خاصة لو اني مؤمنة ان المواقع هذه مفاسدها اكثر من منافعها ( هذه وجهة نظري )
وبالتالي لما أوصل لقناعتي هذه أكيد اني مريت بمراحل وخطوات حتى وصلت للقناعة هذه( الحمد لله) ...
فلما أكون واصلة عند رقم 10 من قناعتي بأن مواقع التواصل الاجتماعي مفاسدها اكبر من منافعها
وعيالي توهم عند عتبة رقم 1 من القناعة وهي انهم مثلا ما يتابعون حسابات خليعة او تهاجم الدين .. وباقي جدامهم
9 قناعات نابعة من اعماقهم ..ما يصير اطلب منهم
ما يدخلون مواقع التواصل الاجتماعي.. وخاصة انها موضة لمن لا موضة له..
اليوم ما بقول ليش الام تشارك في مواقع التواصل الاجتماعي.. فهي محقة انها تشارك وتكون قريبة من بنتها
او ولدها وتشوف اهتماماته.. لكني بالنسبة لي قناعتي وصلتني الى مرحلة الاعتراف بأن تواجدي لأجل ابنائي في مواقع
التواصل الاجتماعي مستحيل يحميهم من الوقوع في الخطأ..
ومع هذا اطلب من الأكبر متابعة الأصغر و الاهتمام فيه وحتى ومراقبته في مرات من خلال قراءة محادثاته في الجوال..
حتى ما يكبر على استسهال الخطأ في الوقت اللي ادري انه لو حب يغلط ممكن يسوي اللي يبيه.. بس ما نهمل جانب المتابعة دامه في عمر احنا مسؤولين عنه
مسؤولية كاااملة.. وللحين ما بلغ او في سن البلوغ و ممكن ينجرف للخطأ بكل سهولة..
عزيزتي ضوى لازم نحط في الاعتبار ان
اذا ابي اتابع عيالي فهناك الكثير من التطبيقات علي اني انزلها في جوالي او التابلت او لابتوبي
علشان أكون قريبة من عيالي..
الفيس بوك
الباث
تويتر
انستغرام
آسك
تمبلر
فوتو
سناب شات
وغيره وغيره
بالإضافة الى مواقع الألعاب بكل أنواعها سواء
في السوني او ستيم او التطبيقات اللي فيها خيار المحادثة الجماعية
او الفردية كتابة او صوت ..
فالنت مب محصور في مواقع التواصل الاجتماعية المشهورة.. فهناك تطبيقات و مواقع
توفر لعيالنا الوقوع في الخطأ لو حبوا يوقوعون في الخطأ واحنا يا غافل لك الله..
فلو بالفعل نبي نعرف عيالنا شيتابعون و بشنهو يهتمون المفروض نكون عايشين
في اجهزتهم.. بمعنى نتجسس على اجهزتهم بتطبيق يسمح لنا نشوف اشلون استخدامهم للانترنت..
( وهالشي ارفضه جملة وتفصيلا.. لأن دام ان ربنا ساتر عليهم ليش اروح ادور وراهم.. فاللي
ما خاف من اعماقه من فعل الخطأ.. تجسسي عليه ما بيمنعه.. وان اكتشف اني اتجسس عليه راح يحصن
دفاعاته ويحتاط اكثر للاستمرار في اخطاءه)..
المهم والأهم في علاقتنا مع عيالنا وانت سيدة العارفين يا عزيزتي ضوى
هو نوع و طبيعة علاقتنا بأبناءنا..
فنوع الحوار او تقبل اراؤهم او رفضها وأسلوب تعاملنا معاهم ومناقشتنا لهم
تخليهم اييون لين عندج ويراوونج اهتماماتهم.. ولا يعني اني ما عندي حسابات في المواقع هذه
اني رافعة سيف الرفض عليهم وانتقدهم لاستخدامهم هالمواقع.. او اني اقبل بوجود سين او عين في قائمة المتابعين..
مرات اقدم لهم بعض النصايح لطريقة التصوير او العرض ( مع انهم مب مؤمنين بعبقرية افكاري)
.. او اطلب منهم مثلا يراوني اللي صوروه او اللي اعرضوه
او اشعليه يضحكون اوشنهو اللي يشوفونه( من باب الفضول مب من باب الاهتمام في متابعة اللي يشوفونه)
و في الوقت نفسه.. تلقيني انتقد مشاهير السوشال ميديا اللي اشوفهم لا يستحقون المتابعة وانتقد تصرفاتهم او ضحكهم..
واهدد اللي لي سلطة مباشرة عليه اني باسحب الجوال منه لو استمر في تضييع وقته مع سين او عين من المشاهر اللي اشوفهم
يخربون كل ما بنيناه ويعيدون برمجة عقول عيالنا بتفاهتهم ...
فللأمانة ما اقدر اقنع عيالي انهم يسكرون حساباتهم في مواقع التواصل الاجتماعي ولا اقدر افرض عليهم هالامر
لأنها عالمهم في زمننا هذا..
لكني اقدر انتقد أي شي فيه اشوفه يستحق الانتقاد دام انه وصلني خبر عنه او هم تكلموا عنه او قالوا لي شوفيه او سمعته
وهم حولي من غير ما يشاركوني فيه...
اما بخصوص
احنا بحكم اننا غير مرافقين لعيالنا في كل خطواتهم.. كل شي في حياتنا نسمعه من برع ومب شرط نكون معاهمواسمع من برع عن بلاوي هالمواقع !
هذا هم يروحون العنن.. ونسمع من برع عن الليالي الحمراء والرقص و السكر هناك
فهل نمنع عيالنا من العنن او لازم نرافقهم فيها؟
هذا احنا نسمع عن البلاوي اللي تصير في الفنادق نمنع عيالنا انهم يحجزون لهم غرفة في الفندق
ويجتمعون الشباب ويطبون في برجة الفندق ؟ او لازم نرافقهم علشان ما يتعرضون للبلاوي اللي نسمع عنها..؟
هذا احنا نسمع عن بلاااااااوي في جامعة قطر فهل نمنع بناتنا يروحون جامعة قطر
او نرافقهم طول اليوم في الجامعة؟
البلاوي عزيزتي ضوى حولنا في كل مكان.. ولا نقدر نقول ان احنا محصنين عيالنا بقربنا منهم ومتابعتنا لهم..
ولا يعني ان احنا مب قراب من عيالنا فهذا مفاده ان مقبول من عيالنا يسوون أي شي يحلا لهم..
فعليه بالنسبة لي ( الكلام يعنيني بشكل خاص)
إني
ضد تواجدي في أي موقع تواصل اجتماعي.. لو بيدي كان منعت عيالي..
لأن العلم والإستفادة مب محصورين في هالمواقع.. اما اللي يشوف ان المواقع هذه
أحدثت له نقلة نوعية في فكره ونمط تفكيره و أسلوبه في الحياة.. الله يوفقه ويزيده من فضله..
ما قلت حجب.. قلت يتسكر بأمر من الأمن الوقائي الالكتروني يا ستو خلدون..
اقلها.. بما ان ممنوع احد يفتح حساب ويتعدى على رموز الدولة.. فلازم يكون ممنوع فتح حسابات
مثل هذه ( فهل الامر الأول سهل والثاني صعب؟).....> الله يسامحك يعني لازم نذكر امثلة؟
يالربع شالسالفه !!!
اللهم لك الحمد كما ينبغي لجلال وجهك وعظيم سلطانك
أهلا مدير .. كيف الحال؟
مافي سوالف ابدا.. ..
اعترف ..انت واحد منهم ؟!
لا يزال .. لسانك .. رطباً .. من ذكر الله ..
اذكر الله !
السلام عليكم .,
مسا الخيــر اختي يمـامة ،، موضوع راقي تشكرين عليه !
بس اختلف معاج ف المطالبه بحجب هالحسابات ، يمكن لأن لي تجربة شخصية
بحاول الخصها قد ما اقدر :
الله يسلمج على ايام البلاكبيري كان عندي ف اللسته فنان محلي ، من النوع اللي كل برودكاستات واخبار وفيديوات ، وعنده فقرة استشارات كل يوم خميس ان ماخاب ظني ،
ومرة رديت على استشارة .. بسبه الملل طبعاً
وبعدها كلمني وقال بعض اللي عندي ف اللستة طلبوا بنكودك عادي اعطيهم اياه ؟ قلت له اي عادي !
المهم وحده منهم كانت صاحبة الاستشارة اللي رديت عليها ، وقالت بس حبيت اشكرك ومن هاكلام ،
وحدة ثانية كلمتني بخصوص سالفتها مع ريلها ، وقالت انا حالياً في بيت ابوي وطالبه الطلاق ،
وسالفتها كانت صج صج حساسة لأبعد درجة ، المهم كلمتها وقلت اللي عندي وعقب كم من يوم
كلمتني وقالت ابشرك اليوم قعدت مع ريلي وصار كيت كيت وبكره بأذن الله برجع البيت والفضل لك انت من بعد الله ..
واحد ثالث بعد كان عنده مشكله مع زوجته وناوي يطلق بس مادري شصار عليه اختفى ..
في غيرهم بعد ، بس خلاص وصلت الفكرة ..
اعترف يا يمامة الكلام اللي فوق كتبته اكثر من مره ومسحته وحاولت اختصر قدر الامكان ، حسيته نوع من الهياط الالكتروني ههههه
بس حبيت اوضح ان في فايدة من هالصفحات أو ما يشابهها .. بطريقة أو بأخرى !
لكن بعد ما انكر كلامج فيه كثير من الصحة ، ومع ذلك الحجب مش حل ..
انتي طلبتي يكون في بديل من جهة رسيمة /
فلنفترض في بديل من جهة رسيمة ، تتوقعين بيقدرون يغطون هالكم الهائل من الاستشارات !
ويمكن يطالبون بإثباتات شخصية لان في وايد يألفون ويستهبلون ، وصدقيني أول ما السالفة يكون فيها اثباتات
هذي بداية الفشل ..
صح في سلبيات ، بس بعد في ناس يستفيدون
بتقولين مثلا درء المفاسد مقدم على جلب المصالح ؟
فلنفترض فيه شخصين واحد يستفيد من هالصفحات بأي شكل ، والثاني ينضر من السلبيات اللي فيها
اللي قاعد يستفيد ماوفرتيله بديل ثاني جيد !
واللي انتي خايفه عليه من سلبيات هالحسابات ، في غير هالحسابات يوتيوب ، تويتر ، الانستقرام بكبره ، والنت عموماً
قاعد ياخذ منهم سلبيات ! وكنك يبو زيد ماغزيت
بمعنى يا يمامة لما تمنعين هالصفحات .. اللي راح يتضرر فعلياً بالمرتبة الأولى هو اللي داش يستفيد .,
في هالموقف قناعتي الشخصية تقول : مدام الشخص الثاني ف الحالتين معرض للسلبيات
بحاول احصل حل ثاني يحميه من هالسلبيات ، ولا اني امنع الشخص الأول من الاستفادة !
شكـــراً ’,
وعليكم السلام ورحمة الله وبركاتهالسلام عليكم .,
مسا الخيــر اختي يمـامة ،، موضوع راقي تشكرين عليه !
بس اختلف معاج ف المطالبه بحجب هالحسابات ، يمكن لأن لي تجربة شخصية
بحاول الخصها قد ما اقدر :
الله يسلمج على ايام البلاكبيري كان عندي ف اللسته فنان محلي ، من النوع اللي كل برودكاستات واخبار وفيديوات ، وعنده فقرة استشارات كل يوم خميس ان ماخاب ظني ،
ومرة رديت على استشارة .. بسبه الملل طبعاً
وبعدها كلمني وقال بعض اللي عندي ف اللستة طلبوا بنكودك عادي اعطيهم اياه ؟ قلت له اي عادي !
المهم وحده منهم كانت صاحبة الاستشارة اللي رديت عليها ، وقالت بس حبيت اشكرك ومن هاكلام ،
وحدة ثانية كلمتني بخصوص سالفتها مع ريلها ، وقالت انا حالياً في بيت ابوي وطالبه الطلاق ،
وسالفتها كانت صج صج حساسة لأبعد درجة ، المهم كلمتها وقلت اللي عندي وعقب كم من يوم
كلمتني وقالت ابشرك اليوم قعدت مع ريلي وصار كيت كيت وبكره بأذن الله برجع البيت والفضل لك انت من بعد الله ..
واحد ثالث بعد كان عنده مشكله مع زوجته وناوي يطلق بس مادري شصار عليه اختفى ..
في غيرهم بعد ، بس خلاص وصلت الفكرة ..
اعترف يا يمامة الكلام اللي فوق كتبته اكثر من مره ومسحته وحاولت اختصر قدر الامكان ، حسيته نوع من الهياط الالكتروني ههههه
بس حبيت اوضح ان في فايدة من هالصفحات أو ما يشابهها .. بطريقة أو بأخرى !
لكن بعد ما انكر كلامج فيه كثير من الصحة ، ومع ذلك الحجب مش حل ..
انتي طلبتي يكون في بديل من جهة رسيمة /
فلنفترض في بديل من جهة رسيمة ، تتوقعين بيقدرون يغطون هالكم الهائل من الاستشارات !
ويمكن يطالبون بإثباتات شخصية لان في وايد يألفون ويستهبلون ، وصدقيني أول ما السالفة يكون فيها اثباتات
هذي بداية الفشل ..
صح في سلبيات ، بس بعد في ناس يستفيدون
بتقولين مثلا درء المفاسد مقدم على جلب المصالح ؟
فلنفترض فيه شخصين واحد يستفيد من هالصفحات بأي شكل ، والثاني ينضر من السلبيات اللي فيها
اللي قاعد يستفيد ماوفرتيله بديل ثاني جيد !
واللي انتي خايفه عليه من سلبيات هالحسابات ، في غير هالحسابات يوتيوب ، تويتر ، الانستقرام بكبره ، والنت عموماً
قاعد ياخذ منهم سلبيات ! وكنك يبو زيد ماغزيت
بمعنى يا يمامة لما تمنعين هالصفحات .. اللي راح يتضرر فعلياً بالمرتبة الأولى هو اللي داش يستفيد .,
في هالموقف قناعتي الشخصية تقول : مدام الشخص الثاني ف الحالتين معرض للسلبيات
بحاول احصل حل ثاني يحميه من هالسلبيات ، ولا اني امنع الشخص الأول من الاستفادة !
شكـــراً ’,
صباح الانوار والمسرات اخوي الزار.. والعفو والموضوع يرتقي
بوجود النقاشات والاختلافات اللي تخدم فكرته بشكل عام..
قريت مشاركتك مرات كثيرة من اول مرة شفتها وكل ما سنحت لي فرصة ارجع اقرى مشاركتك
وفي خضم انشغالي كنت اسلي مخي في التفكير بالرد على مشاركتك.. لأنك تكلمت بصراحة عن موقف
كنت فيه رجل نبيل قدم النصح بقلب نظيف وسليم.. بينما وانا افكر في نبلك و نظافة قلبك تساءلت يا اخوي الزار
واسمح لي اني اكتب هالتسؤلات في موضوعنا هذا..
اليوم لو انت انسان متزوج ولك خلافات مع زوجتك ... هل تقبل من زوجتك تدخل على أي شخص في أي مكان
وتبحث عن حل لمشاكلها معاك؟
هل تقبل احد من محارمك انهم يتخذون من هالمواقع او هالقروبات او أي كائن كان( وبشكل غير رسمي) فاتح بابه لحل المشاكل
انهم يروحون له ويبحثون عن حل لمشاكلهم ايمانا منك انك كنت سبب في حل مشكلة سين وعين وصاد
وانهم ممكن يلعبون نفس الدور اللي انت لعبته مع غيرهم لأنك انسان قلبك نظيف و نيتك صافية؟!!
مهما كانت اجابتك يا اخوي الزار.. اسمح لي اكتب ردي على هالتسؤلات واللي بناء عليها بتعرف ليش
ارفض مثل هالمواقع او ارفض فكرة البحث عن حل لمشاكلنا في أي مكان..
أولا وقبل كل شي.. لازم نعترف ان كل شخص يتصرف حسب طبيعته الشخصية.. بمعنى ان أفكاره
تكون مبنية على طبيعته وبالتالي.. طبيعتي ترفض نشر المشاكل يمين ويسار.. واي مشكلة نواجهها
اشوف ان من حق المشكلة علينا ان احنا نعرضها على أصحاب الحكمة والاختصاص من غير ما يكون
للتافهين وصغار السن دور في الاطلاع عليها او ابداء الرأي فيها..
لذلك هناك جهات مختصة لحل المشاكل.. فمن يعتقد ان ليس هناك بديل للحسابات هذه فهو غلطان
مواقع كثيرة متخصصة في عالم الانترنت تستقبل كل أنواع المشاكل.. وجهات رسمية في الدولة
تصرف الدولة عليهم.. متخصصين لاستقبال أي طارح لأي مشكلة مع سرية تامة وكتم للمشاكل هذه..
والنقطة الأهم في المواقع المعتمدة او الرسمية ان اللي يحلون المشاكل ناس يخافون على لقمة عيشهم
حتى لو ما كانوا ناس أصحاب اخلاق وذمة!!......> ما اتهم حد بس ابين ان لو فيهم واحد نذل مثلا الا انه وضعه
ما بيسمح له يكون نذل مع كل وحدة لأن في الأخير راح يقدمون شكوى ضده..
بينما في عالم النت.. النذالة ممكن تشتغل ومن خلف عباءة النصح و الحكمة وتقديم المشورة..
فمن جذيه مب كل الناس مثلك نوايهم سليمة و قلوبهم نظيفة..
فاليوم أقول ما بي بنتي تستفيد من هالمواقع ( مع انها ترفض الموقع وتحاربه) بينما تنضر بنت اخوي..
ما ابي بنت اخوي الثانية تستفيد من الموقع بينما تنضر بنتك..
وليس كل من يطلع على هالصفحات يبحث عن الفائدة.. وخلنا نكون صريحين
فالصفحات هذي اخلقت نوع من الإدمان عند الكثيرين للاطلاع على فضائح الناس..
فلو اللي يكتبون 100 لكن اللي يقرون 2000.. والمستفيد 1.
فهل لمصلحة واحد نساهم في نشر ثقافة تتبع فضائح الناس من باب التسلية و القراءة؟!!
واذا 20 نصايحهم زينة تلقى نصيحة فاسدة تخرب كل شي..
حالها حال التفاحة الخربانة في سحارة كل التفاح فيها سليم..
الموضوع بالنسبة لي مرفوض من عدة جوانب.. وعلى يقين تام ان الصفحات هذه لو انعدمت
مستحيل الناس ما يحصلون بدائل لحل مشاكلهم.. كل اللي بيصير انهم بيفقدون كمية الفاضيح اللي
كانوا يقرونها ويتختفي التسلية في الرد او الضحك او الحزن على المشاكل المطروحة..
وأصحاب العقول والحكم ما اعتقد انهم بيخسرون نفوسهم لو الصفحات هذه انعدمت..
فاللي أطالب فيه من خلال هالموضوع غلق مثل هالصفحات وهوهدفي اللي اسعى له ..
واذا ما انغلقت ... لابد من نشر الوعي ما بين عيالنا و أهلنا بعدم المشاركة ومتابعة مثل هالصفحات
ولابد ان نوعيهم ان هناك قنوات رسمية وجهات شرعية تستقبلنا لطرح مشاكلنا عليهم..
فالمشايخ ومركز الاستشارات العائلية والاختصاصيين الخاصيين والعاميين موجودين في كل مكان..
عندي أخت تموت على هالحساب ... لدرجة إن عيالها متفقين عليها علشان يسكتونها اذا عصبت عليهم
يقولون لها آخر مشكلة نزلت في الحساب ههههههه
المراد ..
أنا ضد الوصاية على عقول البشر .. وكلن بعقله راضي
من المشاكل اللي قريتها واللي اسمعها من اختي ... اتحمد الله على النعمة وندعي لهم بالهداية والصلاح
تهمني جداً العلاقات الاجتماعية في كل مشكلة .... واعتبرها مؤشرات بسيطة للمسؤولين او لمن يهمه الامر
يشوف مدى العلاقات الاجتماعية والروابط الإنسانية وين وصلت في المجتمع القطري
استشف ان الى الان وايد ناس موب عارفة تعيش بسلام .. او بسعادة تحت سقف بيت واحد ..
مشاكلها صغيرة لا تكاد تذكر مقابل الخير والنعمة الحمدلله اللي احنا عايشين فيها
وهذي مسؤولية الدولة ... تنقصنا برامج التوعية .. وبرامج التثقيف الموجه علشان تخف من حدة هذي المشاكل
طبعا ما ابنيها على مشاكل من حساب واحد ماندري من وراه
لكن فيه مؤشرات كثيرة يقدرون يعتمدون عليها.
وبعد بتشوفين ... حجم القصص المقتبسة من حسابات الفضفضة في مسلسلاتنا الخليجية !
مصدر مهم وملهم لهم ... لربما اقدروا يحلونها لأصحابها بالدراما !
ضوابط المشاركة
رد مع اقتباس
