فضفضة اهل قطر ...!!!

[يمامـة]

ولكم باك اليمامه
اعتقد اني عرفته
دخلت عليه فتره وقعدت اقرا المشاكل تعبت نفسيتي
مثل هالمواقع اذا ما كانت تحت اشراف اجتماعي المفروض تسكر
فيه بنات صغار وايد يتابعونهم

اضم صوتي لج.. المفروض يتسكر.. ومثل هالنوعية من المواقع او الحسابات لابد ان تكون بتصاريح
لجهات مخولة لحل المشاكل .. مب لكل من هب ودب وحب يكسب ماديا او يشتهر حسابه..

ما اعرف ارد على ولكم باك.. بس اعرف أقول يا هلا وسهلا ميس

[يمامـة]

ما تسكر المواقع بسبب تأثيرها السلبي ممكن تحجب
بس اتوقع محد يقدر يحجب الانستغرام ممكن تصير ثورة مصالح تجارية وايده فيه

ممكن تتسكر ويداهمون بيت راعي الحساب دام ان هناك قرار يفيد بمنع فتح مثل هالحسابات من غير تصريح..

فالموضوع اليوم نضعه بين يدي أصحاب القرار في وزارة الداخلية ومراكز شؤون الاسر ومجلس الشورى ومجلس الوزراء..
مهم جدا ان نحافظ على المجتمع من مثل هالحسابات .. فاليوم هناك حساب استفاد ماديا.. باجر عشرات الحسابات اللي بتضرب
مصلحة المجتمع في عرض الحائط وبتفكر في الربح المادي او الشهرة...

وبشكل عام ما نطالب بحجب الانستغرام.. ولكن نقول منع واغلاق المواقع اللي مب متخصصة في حل المشاكل وعدم فتح
المجال لفتح حسابات من هالنوع.. وهذا سهل جدا دام ان الموقع في قطر ..

[راجي الْعفو]

سؤال للي اطلعوا على الحساب:

من اكثر من يطرح مشاكله
الرجال و لا النساء ؟

[يمامـة]

أيا كان هدف الموقع و شغله او اجباره من عدمه،
ولكن وجوده بهذه الطريقه فيه ضرر
والضرر لا بد من زواله

بعض الناس يظن ان عبارة ( الله يستر عليهم ) هو حل او انكفاف للسان عن ما لا يحل له
وهذا على اطلاقه لا يصح ، لان هناك مواقف لا بد فيها من ردود صحيحة سليمة تبين خطأ الموقف و تنتقده و توجهه للمسار الصحيح
دون الاكتفاء بهذا الرد البارد - لا اقصد الدعاء نفسه و انما الموقف - !

ولذلك نطالب دائما ان يجعل كل اب و ام اولى اولوياتهم البيت ،
الشغل و الدواره و الجلسات تجي بعدين، بحسب استقامت حال البيت و تيسر الظروف ..

أصلا عيب في حق التربويين ومراكز شؤون الاسرة ان توجد مثل هالحسابات تقوم بمقامها في البلاد وان كانت بصفة غير
رسمية.. فما يصير هالمراكز يندفع لها مبالغ وميزانيات من الدولة لحل المشاكل.. بينما احدهم وهو قاعد في البيت يدخل ذهب
لأنه متفرغ لنشر الفضايح والمشاكل .. والحلول تكون مصيبة للمجتمع بكبره..

وان صاحب الحساب ما يدخل في جيبه شي.. بعد غلط ينوجد مثل هالحساب اللي ينغث الواحد من نوعية المشاكل والفضايح..

[يمامـة]

سؤال للي اطلعوا على الحساب:

من اكثر من يطرح مشاكله
الرجال و لا النساء ؟

النوعين.. وللأسف اعذر النساء.. لكني ما اعذر الرجال ابدا..

[Miss]

سؤال للي اطلعوا على الحساب:

من اكثر من يطرح مشاكله
الرجال و لا النساء ؟

والله الصغار يا راجي من الفئتين
البنت تشتكي من ابوها واخوها وأهلها عموما
والولد يشتكي من ابوه
وفيه المعاريس الجدد
وما له داعي اقولك نصايح الناس لهم

[يمامـة]

انا بعد شفت هالحساب والصراحه ينكتب فيه كلام ماينقال واسرار بيوت وكل طرف يفضح فالطرف الاخر
والمشكله لين نكلم راعية الحساب او الكلام اللي ينذكر في حسابه غيبه ونميمه ومايجوز التحدث بهالطريقه عن اسرار الاخرين
تقول انا مالي خص هم اللي يطلبون مني هالشي !!! والمشكله كله كلام في الخيانه والتحرر ومشاكل العائليه
هذا من غير اغلب الكلمات المذكوره مثل ( انا تعرفت ع واحد !! انا تعرفت على وحده !! زميلي وزميلتي !! زوجي وزوجتي!!)
وكله حشر وعقار وغير السب والشتم من المعلقين

ترى في مشاكل تحسه تأليف .. مثل اللي تشتكي من زوجها انه قاسي لأنه يناديها باسمها الصجي جدام صديقاتها
او تتهمه انه تعمد يسمم قطوتها ( ياربي ارحمنا برحمتك ولا تبلينا مما بليت غيرنا)
فما يندرى هل بالفعل هذه صاحبة قصة حقيقية ولا وحدة تستعبط وتشارك مع الجمهور!!

[الصغيره]

ياليت والله نفضفض عن التامين الصحي وليه قطع وليه مايرجع

كل ما اتذكر اني دخلت طواري الاهلي ودفعت 2600 ريال علاج وعنايه لمدة ساعتين اتحسر على حالنا واللي يقهر يجيك مقيم عنده تامين
ويعالج ببلاش وانا بديرتي وادفع

رحت طواري حمد لكن قائمة الانتظار طويله والحمد لله على كل حال

[الصغيره]

ممكن تتسكر ويداهمون بيت راعي الحساب دام ان هناك قرار يفيد بمنع فتح مثل هالحسابات من غير تصريح..

فالموضوع اليوم نضعه بين يدي أصحاب القرار في وزارة الداخلية ومراكز شؤون الاسر ومجلس الشورى ومجلس الوزراء..
مهم جدا ان نحافظ على المجتمع من مثل هالحسابات .. فاليوم هناك حساب استفاد ماديا.. باجر عشرات الحسابات اللي بتضرب
مصلحة المجتمع في عرض الحائط وبتفكر في الربح المادي او الشهرة...

وبشكل عام ما نطالب بحجب الانستغرام.. ولكن نقول منع واغلاق المواقع اللي مب متخصصة في حل المشاكل وعدم فتح
المجال لفتح حسابات من هالنوع.. وهذا سهل جدا دام ان الموقع في قطر ..

اذا الحساب بالاستغرام تسكيره بسيط تسوون مجموعه تدخلون على الاحساب وتختارون تقرير وكل واحد او وحده يحط تقرير لين يوصل لثلاثون تقرير بعدين ادارة الاستغرام تسطره
انا قريت حساب بالاستغرام الصراحه قصص ولا في الخيال

[يمامـة]

السلام عليكم ورحمة الله وبركاته،

تعرفت على هذا الحساب واطلعت عليه وشفت اللي يجيب الغثيان،

أستغرب كيف ضمير القائمين والداعمين والرعاة لهذا الحساب مرتاح،

هذا مب بس يصور مجتمعنا إنه فاسد أخلاقيًا،

المصيبة إنه يروج لانتشار هالفساد الأخلاقي،

لأن اللي يقرا المشاكل يشوف ان عادي كل الناس "جذي"،

ما أقدر أفهم، يعني كيف امرأة ناضجة على مشارف أن تصبح جدة،

تنشر مشكلتها مع زوجها،

وبعدين تنتظر الحلول وبعضها -إذا مب أغلبها- من مراهقين أصغر من عيالها!

أستغفر الله العظيم، حساب مقزز.

وعليكم السلام ورحمة الله وبركاته..
هذا انتي قلتيها.. الفئة المتابعة للموضوع من الشباب الصغار..
يعني اشلون اكتب مشكلة ولدي اللي يحب بنت الجيران ويطلعها كل يوم من غير علم أهلها
حق شباب صغار بروحهم يسوون أمور ثانية وابي الحل منهم ؟

اشلون اشتكي من تولع بنتي في برامج التواصل الاجتماعي طوول يومها وليلها عند ناس
لو انتقدت هالبرامج يشتاطون غضب وعصبية كأنك اسلبتيهم عرضهم وشرفهم!!

فالموضوع بالنسبة لي كأم مرفوض.. قد يشوفه البعض حاجة للشباب... لكني ارفضه
وارفض عيالي يشاركون في هالمواقع لو عندهم مشاكل في البيت..
لكني ما رافض يلجؤون لمشايخ دين او مختين في سؤون الاسرة اوحكيم من العائلة..

لكن تعالوا انشروا فاضيح بيوتكم والله ساتر عليكم بحجة فضفضة اهل قطر ودول الخليج
هذا مرفوض بشكل عام..