مواقف المجمعات

[يمامـة]

السؤال يوجه لإدارة المجمع

ومنه الى إدارة المرور.. اشجع على المخالفات في مثل هالحالات..

[Miss]

ومنه الى إدارة المرور.. اشجع على المخالفات في مثل هالحالات..

معاج فهالراي

[JN000N]

عندي سؤال
مب لما يسوون مجمع او اي مبنى يديد لازم الدفاع المدني يجيكون عليه ويوافقون اذا كان على المتطلبات الي طالبينها والشروط الي حاطينها؟
زين هل هم دخلو مواقف القلف مول وجافو لعبة المتاهه داخل والا لا؟
المشكله مب بس المواقف اللي تحت
اصلا حتى المواقف اللي فوق مسكرين بارصفه وحفريات
شسالفه؟

[العقل المدمر]

عاد القلف بالذات اخس مواقف مجمع دخلتها
صج مكانهم خرابيط ع كثر البوابات بس كله مسكر ولا فهمت شلون مسوينه
والمخرج الحق اللافتات توديني مكان مسكر ومظلم
يعني مال اخذ اللي مسوي هالباركنات اوديه هناك ارتكب فيه جريمة ومحد يصيدني
والطلعة بعد وايد معوقة صايرة علطول لفة الواحد ماينتبه عليها
ولازم يلف ويقدم ويريوس ويرد يقدم عشان يطلع
وفجاة يلقى الشارع جدامه صار خط واحد رونق سايد
خسارة فيه محلاته بس .. احلى محلات واخس مواقف

[معماري قطري]

كلامك صحيح يا الغالي ....المواقف مثل ما ذكرت فوق هي الصح مع مسافة 8 متر خلف الموقف....بس تدري بعد انه مساحة الباركينج تكفي مثلا 200 سياره و المالك يبي يخليهم 300 غصب علشان يلم فلوس و يستفيد من كل سنتيمتر مربع في المجمع...هذا ايش الحل معاه

والله مره مالك معروف قولنا له الموقف في الباسمنت يكفي كذا و كذا سياره قال ....طيب خلني الغي بعض المواقف و اسوي قاعة بلياردو تربحني اكثر...هالكلام في التسعينات قبل ما يكون في نظام فلوس على السيارات ...مع انه المجمع يحوي سوق و مكاتب و و محلات و مطاعم و شقق سكنيه

الحل القانون والتخطيط الملزم .. اما ربعنا ان ياهم هامور تخرعوا منه وقالوا صغيرك كبير يا طويل العمر الله الله

بعدين الاستشاريين يلعبون دور كبير بتصغير السيارة صدقني واجهتني مقاسات متر ونص عرض وثلاث أمتار طول والمالك يصدق ما يعطونه الواقع المهم يخلصون

[aloosh]

اي واحد مخالف اتصلوا على
911 عطوه رقم سياره او يطرش اقرب دوريه هذا دورنا اما بنشوف وبنسكت ما راح يتغير شي

انا اي واحد مخالف اتصل على طول بالذات مواقف ذوي الاحتيجات الخاصه كم مره اتصلت ويجون يصكونه مخالفه جدامي

[طلعة الروح]

المواقف المريحة ثلاثة عرض وستة طول مع مسافة مناورة بين موقف وموقف ثمانية متر

يفترض هذا مقياس ما يتجاوزونه لكن يسوون المواقف اثنين ونص وأقل وعرض المناورة قبل الموقف قليل حتى يكسبون مواقف إضافية والتخطيط خبر خير .. طبعا مع شروط ثانية كالرصيف جدام وعرضه والحمايات وخطة الاخلاء السريع وقت الحريق وغيره من المشاكل

كتبنا قبل عن الرامب خصوصا للمؤسسات العلاجية ويفترض لكل مكان عام وما قصر معالي رءيس مجلس الوزراء امر بتعديل الوضع الحاصل وتعديل تخطيط المواقف ما بياخذ شيء غير خطوط ارضية

اذا المواقف ضيقه ومتلاصقه أحسن للواحد مايصف فيها وياخذ باركنين ولا يبشر بانواع الشمخات والضربات ع السياره من كثر التلصق حتى في المواقف الوسيعه نسبيا مايسلم الواحد من الاغبياء فشلون اذا كان ضيق شالفايده تلتزم بقانون وانت اللي ب تضرر من التزامك آخر شي؟

[بوخالد911]

في الامارات يخالفون المواتر اللي تصف غلط وتاخذ موقف ونص.
وضع قفل ع التاير ويجب سداد المخالفة أولاً ومن بعده فك القفل.

يا ريت يطبق هنا.

[بومحمد المطاوعه]

في الامارات يخالفون المواتر اللي تصف غلط وتاخذ موقف ونص.
وضع قفل ع التاير ويجب سداد المخالفة أولاً ومن بعده فك القفل.

يا ريت يطبق هنا.

بيطبقون في سنه 2040 يمكن