:: كيـف تقضـي أجازتـك الصيفيـه في قطــر ::

[Charisma]

السلام عليكم ورحمة الله وبركاته


نعم يا اصدقائي الألكترونيين ، هذا السؤال الذي يقف عنده الجميع صامتا ، متأملا ، متمعنا ، متحسرا ، متضايقا ، متلفتا ، الأقتراحات بعد جهد وعصارة ذهنيه وعصف فكري : برازيلية في المجلس ( شباب ) ، طق اصبع ونوم ( بنات ) ، مجمعات ( اسره سعيده ) .

قد يتهور البعض ويفكر بحضور الفعاليات والمهرجانات ، ( المعاده ، والمعاده ، وهي وهايو هيه ... هيه ) .. ساحر يطلع بيض من القبعه ، والعاب ( تحصيل حاصل ) تستنزف ميزانية حضور ( ديزني لاند + يونيفرسال ستوديو + Six flags ) مجتمعين .

ما يسمى بمهرجان الصيف ، عباره عن أستيراد متكرر سنويا لنفس الفرق ، لنفس الألعاب ، لنفس الفعاليات ، شغل سيم سيم ، وهنا يأتي الأستفسار :

1. لماذا لاتوجد مدن ألعاب ( على مستوى عالمي ) في قطر ؟
2. لماذا لايتم تطوير الشواطىء وبناء المرافق بها بحيث تكون مناسبه للعوائل والمرتادين ؟
3. لماذا الأسعار الفلكيه لبعض المنتجعات والشاليهات والاستراحات ؟
4. لماذا يواصل الأعلام المحلي في كل صيف ؟

لاتنسون الأستبيان .

[@north_star@]

للاسف لا يوجد شي جديد غالبيتها نفس السستم ونفس الروتين وللاسف الجو بالصيف يلعب دور كبير بتقليل فرص نجاح أي فعالية أو مهرجان بالاماكن المفتوحة أو على الشواطئ فقامت الناس تتجه للمجمعات التجارية والمولات بنفس النظام الممل .

[شبح الصمت]

وعليكم السلام ورحمة الله وبركاته ،،

قلتها اجازة صيفية يعني حر يعني ارطوبه يعني احجز تذكرتك وشل عليه ..

شوف ياخوي مهما سووو من اشياء ترفيهيه
عامل الجو
واجازة عندك تبي تغير جو وتطلع اشوي عشان ترجع رفريش
مش تقليل من الفعاليات الي راح تستوي

بس اغلب الناس من تجي الاجازة الصيفية تحجز وتسافر ..
وفي المقابل ناس تجيك ..

يعني الاستفادة بتكون للسياح الي جايين يستانسون في الجوء

[سالم الزهران]

السلام عليكم ورحمة الله

حياك الله كارزما و ين الغيبة

من صوبي صوّت ( كلا ) و السبب طالما فيه الاختناقات المرورية و الأشغال ما اظن احد متحمس يطلع لمناطق يعرف سلفاً انها مكتضة

و الحل اشوف انها تحتاج الدوحة الى مشروع الدوحة 2 و يتم نقل جزء كبير من مولدات الحركة و نقاط الزحام فيها وذلك بنقل بعض الوزارات او المراكز المهمة

اعذروني ان كانت الرؤية ضبابية لكن اتمنى ان يوفقني الله لزيارة قطر بشكل سنوي و لاني مدور مهرجانات و لا فرق عالمية بل ودنا بالتراث و لا شيء غير التراث

[Miss]

السلام عليكم ورحمة الله وبركاته

1. لماذا لاتوجد مدن ألعاب ( على مستوى عالمي ) في قطر ؟
2. لماذا لايتم تطوير الشواطىء وبناء المرافق بها بحيث تكون مناسبه للعوائل والمرتادين ؟
3. لماذا الأسعار الفلكيه لبعض المنتجعات والشاليهات والاستراحات ؟
4. لماذا يواصل الأعلام المحلي في كل صيف ؟

لاتنسون الأستبيان .

[IMG]http://24.media.tumblr.com/2235a288ef187636cd99a90948aca3ee/tumblr_
n5dlniNoEN1sgf0uto1_500.gif[/IMG]

1/ نفتقد لهالألعاب وما سمعنا ان فيه فكره قادمه لهالمشروع للاسف
2/ ليش باقي بحر ،سكروا كل شي باقي فويرط والمرونه وذبحه عليهم
3/لانهم مستغلين الوضع الناس تبي تروح وما عندها غيرهم
4/الاعلام مجبور انه يغطي الفعاليات

[الماريّة]

السلام عليكم ورحمه الله وبركاته

يعطيك العافيه اخوي كاريزما ( بايلوت ) على الموضوع
المهم فعلا خصوصا لبعض الاسر الي مايقدرون يسافرون

بخصوص المهرجانات ماحبها ومااروح لها ولله الحمد
وبالنسبه للبحر هو اكثر شي نروح له ونتمى يكون فيه اماكن
خاصه للعوايل لان فعلا الاجانب يضايقونا ببعض تصرفاتهم
ولباسهم

ومن ناحيه الاستراحات الله يهديهم رافعين اسعارهم نار
في الويكند توصل سعر الاستراحه (6000 ) ريال وبعضهم
مع التامين 1500 ومافيه وسائل ترفيه مجرد بركه سباحه
وبيبي فوت وكره طائره اشياء بسيطه واسعار غاليه

كانوا قبل ارخص باسعارهم ...

تقريبا صيفنا ما بين البحر والزيارات العائليه والدوام ودار التحفيظ
والحمدالله مرتاحين على الاخر ^_^

شكرا لك اخوووي

,
,
,

[العقل المدمر]

انا كـ عجوز في عمر الزهور
ماتمنيت العاب ولا بحر ولا من هالسوالف المؤقتة
تمنيت القى دورة حلوة ادخلها واستفيد منها
اتعلم شي يديد واشوف ناس يداد اتعرف عليهم
كل الاعلانات اللي شفتها اعلى حد حق بنات 18 سنة
انزين انا شذنبي اني عانس وفاضية ماعندي شي
مادري هو في مراكز حق بنات فعمري ومستحيين يعلنون عن نفسهم والا شالسالفة

[يمامـة]

[SIZE="2"]السلام عليكم ورحمة الله وبركاته


لاتنسون الأستبيان .

وعليكم السلام ورحمة الله وبركاته

راح ابتدي بالاجابة على اسئلتك في اخر الموضوع ومن ثم الإجابة على السؤال في عنوان الموضوع..

وقبلهم مشاركتي في الاستبيان تقول لا يهمني...

1. لماذا لاتوجد مدن ألعاب ( على مستوى عالمي ) في قطر ؟
   

لأن المسؤولين ما قرروا للحين يسوون مدينة العاب على مستوى عالمي..

1. لماذا لايتم تطوير الشواطىء وبناء المرافق بها بحيث تكون مناسبه للعوائل والمرتادين ؟

لأنها تتعارض مع مصلحة المستفيدين من هالشواطي او مشاريعهم المشابهة في الدولة

1. لماذا الأسعار الفلكيه لبعض المنتجعات والشاليهات والاستراحات ؟
   

لأن هذا هو التوجه في الدولة .. بانها تصير في مصاف الدولة الأوروبية المتطور في غلاء الأسعار في كل شي..

1. لماذا يواصل الأعلام المحلي في كل صيف ؟

عادة قديمة متأصلة في الاعلام الحكومي او شبه الحكومي .. الغريب هو طرحك لهذا السؤال
مب لتطبيلهم كل صيف ..

***********************

والحين نجاوب سؤالك اللي في عنوان الموضوع:

نقضيها ما بين البيت وبيت الجد وبعض الطلعات المتفرقة اهنيه او هناك
او نجمع فيها مجموعة مع بعض علشان نضيف نوع من التغيير على الطلعة..
عزيمة في مطعم على العشا.. عزيمة على الريوق في كافيه.

نغير للبنات جوهم ويكونون معانا كلنا مع بعض بدل ما يتحندون ويتشكون ما نطلع
لأن من حقهم يطلعون ويغيرون جو ويتنفسون جو التغيير الحاصل في البلاد لكن بضوابط
و بمرافقة الاهل..

ومرات نحجز شاليه او اثنين ونجمع فريج فيه
فاللمة عندي هي أساس اي تقضية صيفية..

اما على الصعيد الاسري عندي .. بما اني ما كنت احب السفر وايد فالعيال ممكن يسافرون
لكن الصيف عندي افضل وقت لتطوير عيالي خارج حدود المدرسة.. فالدورات تكون شغلي الشاغل
والاستفادة من أوقات فراغهم مهم عندي مثل أهمية السفر والتفسح عندهم..

[Dana’1]

كلااااااا ومليوون كلااا
ما اشوف اي مهرجان بالموضوع الحاصل تهريج في تهريج وصدااااع
تصدق حتى بعض اذا مو اغلب البزران ما تعجبهم!! هذا غير الي يتروع من اشكال ملابس بعض الفرق
والي يعطيهم نظرات ناقد كنه شيبه
للأسف مخنززه عالأخر
والاسواق تسكر 10 على الأقل خلوها 11:30
للي جاي من برا ترى ماعنده شي يسويه

وعن صيفنا بالدوحه بصراحه بين جمعاتنا بالبيوت او طلعة لمطعم سينما اوحجز استراحه وإلا شاليه فندق طلعة بحر
والبزران يجتمعون ويفتلون مع بعض اكثر من لو نوديهم لمثل هالمهرجانات!

[بانغ بانغ]

حرااااام شواطئ مهجورة واراض بالهبل ولحد فيه خير ايسوي مدينة العاب متكاملة

ايش هالبخل ووين تجارنا وشيوخنا وفخامة عضو المجلس البلدي

دعهم في بياتهم الشتوي ....