:: كيـف تقضـي أجازتـك الصيفيـه في قطــر ::

[Charisma]

وعليكم السلام ورحمة الله وبركاته

راح ابتدي بالاجابة على اسئلتك في اخر الموضوع ومن ثم الإجابة على السؤال في عنوان الموضوع..

وقبلهم مشاركتي في الاستبيان تقول لا يهمني...






لأن المسؤولين ما قرروا للحين يسوون مدينة العاب على مستوى عالمي..



لأنها تتعارض مع مصلحة المستفيدين من هالشواطي او مشاريعهم المشابهة في الدولة




لأن هذا هو التوجه في الدولة .. بانها تصير في مصاف الدولة الأوروبية المتطور في غلاء الأسعار في كل شي..





عادة قديمة متأصلة في الاعلام الحكومي او شبه الحكومي .. الغريب هو طرحك لهذا السؤال
مب لتطبيلهم كل صيف ..

***********************

والحين نجاوب سؤالك اللي في عنوان الموضوع:

نقضيها ما بين البيت وبيت الجد وبعض الطلعات المتفرقة اهنيه او هناك
او نجمع فيها مجموعة مع بعض علشان نضيف نوع من التغيير على الطلعة..
عزيمة في مطعم على العشا.. عزيمة على الريوق في كافيه.

نغير للبنات جوهم ويكونون معانا كلنا مع بعض بدل ما يتحندون ويتشكون ما نطلع
لأن من حقهم يطلعون ويغيرون جو ويتنفسون جو التغيير الحاصل في البلاد لكن بضوابط
و بمرافقة الاهل..

ومرات نحجز شاليه او اثنين ونجمع فريج فيه
فاللمة عندي هي أساس اي تقضية صيفية..

اما على الصعيد الاسري عندي .. بما اني ما كنت احب السفر وايد فالعيال ممكن يسافرون
لكن الصيف عندي افضل وقت لتطوير عيالي خارج حدود المدرسة.. فالدورات تكون شغلي الشاغل
والاستفادة من أوقات فراغهم مهم عندي مثل أهمية السفر والتفسح عندهم..

مرحبا اختي ،

نشكركم على الشفافيه في الأجوبه

بالنسبة لمدينة الالعاب ، مب قادر افهم ليش مايتم تبني فكرة انشاء مدينه على مستوى وتكون متنفس ترفيهي للكبير والصغير ، أذكر أفتتاح مملكة علاء الدين كل اهل قطر احضروا المسير في يوم الافتتاح ، كان في اهتمام في بادىء الأمر وفي السنين الاولى ، وبعدين ( لا تطوير، لا اهتمام ، واهمال ) وانتهى شيء اسمه " مملكة علاء الدين " ، غياب الأماكن الترفيهيه له دور سلبي في تقضية الشباب لاوقاتهم ، ماغير مجمعات وهياته .

حتى البرامج والدورات الصيفيه ، صارت بنظام ( السفر ) ، لاوجود لدورات او برامج محليه ( قويه ) ولا وجود لاعلانات ووسائل جذب ( ذكيه ) بحيث تلفت انتباه الجميع .




أعتقد انها مرحلة "سبات" وتسليم لواقع.. ( الدوحه مافيها جدول ) .

[Charisma]

كلااااااا ومليوون كلااا
ما اشوف اي مهرجان بالموضوع الحاصل تهريج في تهريج وصدااااع
تصدق حتى بعض اذا مو اغلب البزران ما تعجبهم!! هذا غير الي يتروع من اشكال ملابس بعض الفرق
والي يعطيهم نظرات ناقد كنه شيبه
للأسف مخنززه عالأخر
والاسواق تسكر 10 على الأقل خلوها 11:30
للي جاي من برا ترى ماعنده شي يسويه

وعن صيفنا بالدوحه بصراحه بين جمعاتنا بالبيوت او طلعة لمطعم سينما اوحجز استراحه وإلا شاليه فندق طلعة بحر
والبزران يجتمعون ويفتلون مع بعض اكثر من لو نوديهم لمثل هالمهرجانات!

صباح الخير ،

صحيح ، حتى الفعاليات المقامه وبعض الفرق لاتراعي الذوق العام في عروضهم ، التقصير واضح ولفت الأنتباه واجب .

[Charisma]

حرااااام شواطئ مهجورة واراض بالهبل ولحد فيه خير ايسوي مدينة العاب متكاملة

ايش هالبخل ووين تجارنا وشيوخنا وفخامة عضو المجلس البلدي

دعهم في بياتهم الشتوي ....

مراحب بو بانغ ،

صدقت مساحات ومواقع مميزه تنفع لاقامه مثل هالمشاريع ، انت قريب من المسؤولين وصل لهم الأقتراح ، واذا الموضوع مب محط اهتمام ، نبادر انا وانت ونفتح كشك في الكرنيش على شكل برتقاله وهيله هوبا تفضل ياباشا ..

[Charisma]

بيت دوام فقط

صباح الخير ،

الجدول الأعتيادي .

[Charisma]

صوتت ب لا يهمني

لان اجواء الصيف في الخليج لا تسااااعد على الشعور بالوناسه او ما الى ذلك

بعكس اجواء الشتاء

في كل عام من نهاية اكتوبر الى نهاية مارس تكون الاجواء حلوووه

مراحب يالدوسري ،



الموضوع يتكلم عن الصيف ولكن مضمونه المرافق والاماكن الترفيهيه سواء في الصيف وغيره ، الناس اللي ماتقدر تسافر ضايعين مابين :

1. قلة الاماكن الترفيهيه وتدني مستواها .
2. تكاليف بعض الفعاليات والمنتجعات المبالغ فيها .

[يمامـة]

مرحبا اختي ،

نشكركم على الشفافيه في الأجوبه

بالنسبة لمدينة الالعاب ، مب قادر افهم ليش مايتم تبني فكرة انشاء مدينه على مستوى وتكون متنفس ترفيهي للكبير والصغير ، أذكر أفتتاح مملكة علاء الدين كل اهل قطر احضروا المسير في يوم الافتتاح ، كان في اهتمام في بادىء الأمر وفي السنين الاولى ، وبعدين ( لا تطوير، لا اهتمام ، واهمال ) وانتهى شيء اسمه " مملكة علاء الدين " ، غياب الأماكن الترفيهيه له دور سلبي في تقضية الشباب لاوقاتهم ، ماغير مجمعات وهياته .

حتى البرامج والدورات الصيفيه ، صارت بنظام ( السفر ) ، لاوجود لدورات او برامج محليه ( قويه ) ولا وجود لاعلانات ووسائل جذب ( ذكيه ) بحيث تلفت انتباه الجميع .




أعتقد انها مرحلة "سبات" وتسليم لواقع.. ( الدوحه مافيها جدول ) .

تدري..

لاحظت شي فينا يا هل قطر..

لو افتحوا مشروع او مهرجان او أي شي يستقطب الجماهير اول شي نعترض عليه الأسعار..

لكن لو سافرنا تلقانا ندفع واحنا نضحك على أساس ان مب كل يوم بنسافر..

فمدائن الألعاب العالمية أسعار تذاكرها غالية.. فلو افتحوها في قطر.. راح تلقانا نصرخ ونقول
ليش الأسعار غالية.. فالواحد ما بيسافر يوميا خارج البلاد.. لكنه ممكن يروح شهريا مرة هذا لو بالغنا
لمثل هالمدائن..

اما بخصوص استغلال الصيف... ما اقدر احكم على شي ما اعرفه.. لربما هناك أماكن توفر دورات صيفية
مثل مركز شباب الدوحة او النادي العلمي او .. او ...

لكن هالشباب بروحهم وينهم؟ اشلون يحبون يقضون اوقاتهم؟..

هذا هو المهم في الموضوع..

[Charisma]

تدري..

لاحظت شي فينا يا هل قطر..

لو افتحوا مشروع او مهرجان او أي شي يستقطب الجماهير اول شي نعترض عليه الأسعار..

لكن لو سافرنا تلقانا ندفع واحنا نضحك على أساس ان مب كل يوم بنسافر..

فمدائن الألعاب العالمية أسعار تذاكرها غالية.. فلو افتحوها في قطر.. راح تلقانا نصرخ ونقول
ليش الأسعار غالية.. فالواحد ما بيسافر يوميا خارج البلاد.. لكنه ممكن يروح شهريا مرة هذا لو بالغنا
لمثل هالمدائن..

اما بخصوص استغلال الصيف... ما اقدر احكم على شي ما اعرفه.. لربما هناك أماكن توفر دورات صيفية
مثل مركز شباب الدوحة او النادي العلمي او .. او ...

لكن هالشباب بروحهم وينهم؟ اشلون يحبون يقضون اوقاتهم؟..

هذا هو المهم في الموضوع..

اختلف بموضوع الاسعار ، يعني مثلا العاب متواضعه وبسيطة تكلف ميزانية تضاهي دخول مدينة العاب على مستوى ، طبيعي يكون في اعتراض على الاسعار ، ومحد يعترض الا اللي مجرب ويعرف التكلفه داخليا وخارجيا .

اما بخصوص استغلال الصيف... ما اقدر احكم على شي ما اعرفه.. لربما هناك أماكن توفر دورات صيفية
مثل مركز شباب الدوحة او النادي العلمي او .. او ...

لكن هالشباب بروحهم وينهم؟ اشلون يحبون يقضون اوقاتهم؟..

لاننكر وجودها ، لكن هل تم تسويقها بشكل مناسب ؟ واقصد بالتسويق الأعلان ( بخلاف الجرائد ) ومحاولة لجذب اكبر قدر ممكن من المشاركين ، بحيث لاتكون هذه الدورات بنمط "تعليمي جاف ممل " .

أحد التربويين متمكن جدا في هذا المجال ، ودوراته في الصيف تكون في الخارج ( نظام سفر - مجموعات ) ، لكن داخليا اعتقد نحتاج للتسويق والتخطيط حتى قبل ابتداء موسم الصيف ( التسجيل والاعلان عنها قبل انتهاء السنه الدراسيه وبالتنسيق مع المدارس ) ، مع مراعاة طرح دورات غير تقليدية تحفز الشباب على الأنضمام .

نقطه اخيره ، لاننكر دور الأهل في تشجيع الابناء وتحفيزهم على استغلال الوقت في مثل هذه الدورات.

[بانغ بانغ]

مراحب بو بانغ ،

صدقت مساحات ومواقع مميزه تنفع لاقامه مثل هالمشاريع ، انت قريب من المسؤولين وصل لهم الأقتراح ، واذا الموضوع مب محط اهتمام ، نبادر انا وانت ونفتح كشك في الكرنيش على شكل برتقاله وهيله هوبا تفضل ياباشا ..

والله يخوي كاريزما ( بايلوت سابقا )

توي جاي من منطقة جبلية في اطراف سويسرا وايطاليا .... مناطق مافيها حياة لكن البلديات عندهم وحكومتهم عندهم ارادة وسووا فيها بعض المناطق السياحية والمطاعم والمساحات والاستراحات

نعم في فرق في الطبيعة فرق السما والارض

لكن ربعنا يقدرون ايسوون سياحية برية او سياحية رملية وايسوون مطاعهم ومنتجعات صغيرة فوق الطعوس مثلا توفي بالغرض

والله حرام قابلت امريكان هناك ايقولون انهم زاروا قطر وراحو سيلين بس flat desert

الموضوع اشوية تخطيط وفكر سياحي بحت وتنشيط السياحة الداخلية

اكي دبي بر مثلنا بس عندهم فنادق على شكل واحات في نص الصحراء ... تغيير حلو

[Charisma]

والله يخوي كاريزما ( بايلوت سابقا )

توي جاي من منطقة جبلية في اطراف سويسرا وايطاليا .... مناطق مافيها حياة لكن البلديات عندهم وحكومتهم عندهم ارادة وسووا فيها بعض المناطق السياحية والمطاعم والمساحات والاستراحات

نعم في فرق في الطبيعة فرق السما والارض

لكن ربعنا يقدرون ايسوون سياحية برية او سياحية رملية وايسوون مطاعهم ومنتجعات صغيرة فوق الطعوس مثلا توفي بالغرض

والله حرام قابلت امريكان هناك ايقولون انهم زاروا قطر وراحو سيلين بس flat desert

الموضوع اشوية تخطيط وفكر سياحي بحت وتنشيط السياحة الداخلية

اكي دبي بر مثلنا بس عندهم فنادق على شكل واحات في نص الصحراء ... تغيير حلو

الحمدلله عالسلامه ، نورت الديره وماكان له داعي اتجيب هدايا لي وللاعضاء ..


صحيح ان الجو ودرجة الحراره تلعب دور كبير في هالموضوع ، لكن مثل ماذكرت انت ان في مشاريع كثيره مناسبه و الأفكار كثيره لكن الأهتمام مفقود .

[يمامـة]

اختلف بموضوع الاسعار ، يعني مثلا العاب متواضعه وبسيطة تكلف ميزانية تضاهي دخول مدينة العاب على مستوى ، طبيعي يكون في اعتراض على الاسعار ، ومحد يعترض الا اللي مجرب ويعرف التكلفه داخليا وخارجيا .



لاننكر وجودها ، لكن هل تم تسويقها بشكل مناسب ؟ واقصد بالتسويق الأعلان ( بخلاف الجرائد ) ومحاولة لجذب اكبر قدر ممكن من المشاركين ، بحيث لاتكون هذه الدورات بنمط "تعليمي جاف ممل " .

أحد التربويين متمكن جدا في هذا المجال ، ودوراته في الصيف تكون في الخارج ( نظام سفر - مجموعات ) ، لكن داخليا اعتقد نحتاج للتسويق والتخطيط حتى قبل ابتداء موسم الصيف ( التسجيل والاعلان عنها قبل انتهاء السنه الدراسيه وبالتنسيق مع المدارس ) ، مع مراعاة طرح دورات غير تقليدية تحفز الشباب على الأنضمام .

نقطه اخيره ، لاننكر دور الأهل في تشجيع الابناء وتحفيزهم على استغلال الوقت في مثل هذه الدورات.

الألعاب نفسها في قطر ونفسها خارج قطر..
خلنا دبي مثلا..
القرية العالمية اسعارهم نفس أسعار الألعاب اللي تصير في المهرجانات الخاصة او العامة في قطر..
العاب المجمعات نفس أسعار العاب المجمعات في قطر..

اخبر من سنيين رحنا امارات مول .. كانت عندهم لعبة التذكرة الوحدة على 150 ما ادري 200
بعد سنيين .. وفي قطر سمعت عن العاب المحاكاة في اللؤلؤة التذكرة على 300 ريال..

اما بخصوص التسويق والاعلان للدورات..خلني أكون صريحة معاك

في اسر تبحث عن دورات حق عيالها.. ومن هم في عمر 5 سنين تلقى هالاسر يعرفون اغلب الأماكن
اللي توفر دورات صيفية.. وبالتالي ما عندهم مشاكل في الاستفادة من هالمراكز سواء كان مجانية او بفلوس..

لكن المشكلة وين؟

المشكلة في اللي ما يبحثون واذا شافوا إعلانات جدامهم ما يدرون عنها..

بالنسبة لي ما احمل المراكز هذه كامل المسؤولية احمل الاسرة بعد نصف المسؤولية..