المشاركة الأصلية كتبت بواسطة يمامـة
انزين خلني اضرب لك مثال ثاني..
شفت شارع الوحدة اعتقد هذا اسمه في دبي..
يخصصون منطقة فاضية للألعاب.. شفت اللي اليهال
يتعلقون فيها ويطيرون فوووووق
هذي من سنين كانت على 100 ريال.. لو يابوها قطر اشقد بتكون؟
واصلا احنا شنهي الألعاب اللي تنحط في المهرجانات؟
اخر مهرجان رحته كان اللي صوب كتارا.. أسعاره بالنسبة لي ما تختلف عن أسعار القرية العالمية في دبي..
وفي شي وايد مهم يا اخوي كريزما.. عندنا الإيجارات غالية.. المؤجرين لما نقول لهم اسعاركم غالية
يقولون الإيجارات غالية ونبي نعوض!!
فهالشي لابد ان نحاسب المنظمين عليها بعد..
قالوا الايس كريم على 15 ريال في المهرجان السابق ما ادري 20 ريال..
لما شفته لقيته ايس كريم تركي.. طيب في تركيا هالايس كريم كم سعره في شارع الاستقلال؟
وكم يبي له لين يوصل الدوحة إضافة الى رسوم تخليص الجمارك لو في جمارك واضافة الى تكاليف السكن
والايجار + الربح؟
الأسعار ما ادافع عن ارتفاعها.. لكني ما اقدر احاسبهم ليش اسعارهم عالية واحنا أصلا المنظمين ما يفكرون
الا في ربحهم..
اما بخصوص الدورات.. اثني على اقتراحك وهو الإعلان عنها في نهاية المدارس
ويبي لنا نرفع هذا الاقتراح الى وزرة التربية والتعليم.. والنوادي الرياضية.. و المراكز الشبابية
والنادي العلمي.. وغيرهم من المراكز الخاصة المجانية او اللي بفلوس..