برج خليفة في دبي بنوه بمليار دولار ومواقع تقول مليار ونص .. بحدود خمس مليارات ريال وايد أرخص من شوارعنا وهو أطول برج في العالم ورمز ومعاه بنيته التحتية والطرق حوله
الطريق بيكون مكان الطريق الساحلي الحالي صحيح !؟
كأن التكلفة عالية..ليش كل شي عالي عندنا
لا ينحفر بعد فتره
الدوامة تدور
الوالد يذكر لي قبل شركة انجليزية سوت كل طرق قطر وكان وكيلها خليفة بن عبدالله العطية الله يرحمه وكان ولد خالة الوالد وانشا وقتها شركة الكات .. العطية للمقاولات وبعد ما خلصت الشركة الانجليزية كانت أرباح شركة العطية سبع ملايين او سبعين مليون نسيت والله .. وهي لها نسبة واحد وخمسين في المية يعني شوارع قطر كلها كلفت حول 140 مليون
الاتفاق الحكومي المباشر مع وضع التسهيلات يكون وايد أرخص وأسرع لكن عن طريق وكيل وكلاء الحين يأخذون كثير والتعقيد في قوانين الاستثمار ودخول الأجانب والاليات كله يرفع السعر لأرقام فلكية
من فترة بسيطة كنت اتابع مشروع بسيط وجبت سعر من شركة مقرها في الامارات ولها وكيل في قطر كان 17 مليون وطلع احد المسؤولين بشركة تركية وبشوية مبالغات في المشروع وصله ل 350 مليون .. صحيح المشروع كبر حول ثلاث مرات وكانت الشركة الوطنية بتسويه بالحجم الكبير بحدود ما تزيد عن خمسين مليون لكن 350 مليون مستحيل
وصل الموضوع لصاحب القرار وقال 100 مليون سووه هو بنفسه استكثر المبلغ ولو يدري ان تكلفته حتى نص المية مليون بيعرف ان في الموضوع لعبة
ليش شركات كبيرة في قطر سرحت عمالها وعاشت على الكفاف والعفاف غير بسبب هذي التجاوزات
السعر عالي وكبير جدا
ماشاءالله التكلفه عاليه اتوقع اغلبها لدعم تركيا اكثر من انها للمشروع
ولاكن ماتم ذكر متى بيبتدون في المشروع لو حد عنده فكره يفيدنا مشكورا