القرارت المصيريه والاولويات عند الرجل والمرأه القطريه

[Charisma]

اعصابك لا ينقز لك عرج انت شلك خص
ارجع واقول خلكم ف نفسكم ومالكم خص ف الناس
حاطين دوبكم من دوبهم جنه الا من جيبكم الي يصرفونه
كل واحد حر بماله
لو ان شاء الله يدفنه وياه ف قبره كيفه فلوسه وكيفه
تدين والا ماتدين كد والا ماكد
فيكم خير روحو مسكو واحد منهم هذول الي تنتقدونهم ونصحوهم بدل البربره الزايده هني ف المنتدى
انتو ايش الي يعنيكم من صرف غيركم لفلوسه؟
اهم شي يتصدقون ويزكون والباقي كيفهم فيه
والحديث عن الرسول واضح والا تعرفون تاخذون من الاحاديث الي يمشي على هواكم
والرسول ماقال ف الحديث لاتذكر اسماء ولا تتكلم عن شخص قال من حسن اسلام المرء تركه ما لا يعنيه وهذا سؤالي شاللي يعنيك بصرف غيرك لفلوسه
بعدين انا وجهت كلامي لصاحب الموضوع ما وجهته لك عشان فجاه تطمر قدامي وترد والا عسى ماجفتو رد فيه نك جنون صادكم عقر بقر

الرد فيه هجوم مب طبيعي ، ومغالطات تاريخيه تستدعي التوضيح ..

• موضوع الاعصاب : رايقه . <- نقطه
• موضوع البربره في المنتدى : اختلاف ثقافات وعقليات . <- نقطه
• موضوع النك : صحيح ، مسوين سبسكرايب على اي مشاركات تخص ( جنون ) .. <- نقطتين ( ترقبوا موضوعي عن النرجسيه )

نرجع لموضوع اخونا محاسب طيار ، من زاوية بعيدة تماما عن زاوية الاخت ( الكاش ) ، النقاش في موضوع المظاهر والشو مب بالضرورة نوصل لنتيجه ، او نقنع أحد بفكرة معينه / القراء في هذا المنتدى أكثر من الأعضاء ، فلو تم طرح هذه المواضيع وصار النقاش فيها ، ودخل ( ناصر- المراهق- من زوار المنتدى ) ، وقرا الموضوع وقرا التعليقات واستفاد منها وعرف ان الحياه تحتاج لتخطيط وتنسيق وتصنيف للأولويات ، وأن المظاهر خداعه تنشرا فيها فرحة اليوم بهموم بكره ، وهذا واقع بين الشباب !!!

• شباب كان طموحهم أكمال الدراسه وتخلوا عنها والسبب ؟ الشغل والراتب والسياره وكل مايصنف تحت مظاهر .
• شباب ماقدروا يشيلون أسرهم بسبب سوء التنظيم المالي ، ونظام ( عيش يومك ) .
• شباب عليهم منع سفر وقضايا بسبب الديون ، الديون اللي كانت لجل سياره ، سفره وكل مايصنف تحت مظاهر .

مواضيع المظاهر من أهم المواضيع الأجتماعيه ، وفي مجتمعنا مستفحله بشكل كبير وهذه لها اثار مستقبليه كبيره نلمس بعضها حاليا بين افراد جيلنا .

بس امممممم شلنا خص ؟ مالنا خص طبعا ولانجبر احد ، اتمنى نفرق بين أبداء الرأي في موضوع ( قد يفيد شخص - عضو او زائر ) وبين أجبار شخص او محاولة أقناع بالقو .

[سالم الزهران]

بس امممممم شلنا خص ؟ مالنا خص طبعا ولانجبر احد ، اتمنى نفرق بين أبداء الرأي في موضوع ( قد يفيد شخص - عضو او زائر ) وبين أجبار شخص او محاولة أقناع بالقو .

كلام وسطي جميل ويمثلني

[Miss]

كل شخص تختلف اولوياته عن غيره
وهذا شي طبيعي
( كل واحد ينام ع الجنب اللي يريحه )

[بوخميس]

لو الواحد يعرف ان هذا المال مب ماله ما كان تصرف فيه مثل ما نشوف

هذا رزق من رب العالمين وراح يتساءل عن كل ريال من وين جابه ووين صرفه

والله عيب اشوف ناس رواتبهم 50 -60 الف رايحين الجمعيات الخيرية والزكاة يدورون الصدقة

[محاسب طيار]

السلام عليكم ورحمه الله وبركاته يالربع

اخوي علوش انا اتكلم عن لقطري ولا استشهد بالاجانب بس اقولك هم مستغربين من وضعنا ارض وقرض والفائده بسيطه ولله الحمد من عيونهم وعيون غيرهم بس على فكره انت تقول اذا تفنش ينطرد من بيته وياخذون سيارته يتم افضل لا ارض ولا قرض ولا حظ كلامك تتكلم عن ضروريات مب ساكن في بيت ابوه وراكب افانتدور ولا روز ولا بنتلي وغيره هو ماعنده دوله تعطيه مسوي لفولس من راتبه اما ربعنا مش مستنظف ياخذ قرض ويقولك ما بي اخذ القرض علشان عقب سنتين بينسحب مني ra 😂الله يهديهم ليش لازم تركزون على المواضيع الثانويه طال عمرك بالخير الله يرحم والديك
طلعه روح اشكرك على كلامك صحيح بس فئه كبيره يالغالي

جنون ليش الله يسامحج بربره زايده ماله داعي مش نتلفظ ونطلع خارج الموضوع للعلم ثرا يجون المجلس وربعي ماسكين اماكن وشايفين واحنا عيال بلد وعيال قريه وكلن يعرف خيه وليش كفو روحو مسكو الشخص وقولواه اقولج مساكين يشتكون وناس مسجونين ومنهم ناس والمحامي عندي يشوفهم فالعاصمه شيك مافيه رصيد وتقولين كلمه مش حرب هي السالفه نقاش واستفيد منكم قال الله تعالى(( ولو كنت فظا غليظ القلب لانفضو من حولك)) آل عمران/

اختي ضوى كلامج صحيح بس انا اتكلم عن المظاهر والالويات فالمواطن ومشكوره على المداخله ويرحم والديج

والله يابوخميس صادق يجيك بعد ثمان شهور مايرد يقول حق المحامي والله وهقني الهندي والمصري والى اخره

شباب حد سمع واحد ماخذ قرض علشان يدرس ولا دخل مشروع وحتى لو خسر بس ياليت يفتح المشروع ويمسكه مش مايفهم ولاشي ولاحس عقله واحد بانه بيصير ملياردير من دراسه جدوى محايده طبعا عندكم بنك قطر للتنميه ولا غيره
ياشباب انا فتحت الموضوع علشان انا اتعلم وغيري من الردود المختلفه وجْهَه نظر الاخرين واشكركم يالربع من عضو والزوار احترامي للجميع

[محاسب طيار]

امس في ناس عليهم امر جلب من شهرين الله يعينهم والسبب شطب اكثر من موتر كل استعراض واستهتار