يعني يا اخوي انت الحين مبسوط على العيد.....اول كانت تيجنا عيديات الحين احنا ندفع و مخاسر ههههه
العيد قبل كان في ناس الحين خسرناهم و صاروا تحت التراب الله يرحمهم و يغمد روحهم الجنه
الحين العيد الكل يسافر و ما نشوفهم مثل قبل....والله في اوقات ما الاقي احد ازوره و يخلص العيد من اول يوم ...و الموجودين بالبلد ما يفكرون يتصلون عليك ولا يوصلونك ولا يبونك مع انه ما في شي ...كل واحد يبي يعيش مع نفسه
تخيل انه قبل كنا نتزاور مع كل قرايبنا و الحين بعضهم في قطر ما ادل بيتهم من سنين مع اننا متواصلين على طول على التليفون و الواتس اب و الفيس بوك و ما في بينا مشاكل والله يشهد
تخيل انه هالاقارب ما كنت اشوفهم الا في بيت اجر و في الاعياد و الحين قرروا انه حتى بالاعياد يختفوا او يسافروا و يمكن اشوفهم لو احد مات لا قدر الله
بعد هاي الصج قبل كان احلى
يكفي كل لعبنا فالحوش وفالشارع وندور عالبيوت واخر اليوم نروح الدكان نشتري العاب بعيديتنا
يهال هالجيل حتى فالعيد كل واحد منسدح مع ايباده وعيديتهم محذفة يمين يسار شبعانين من الفلوس
كيلو حديد = كيلو ذهب
قال تعالى " وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَا (67) "الأحزاب
جاء الناس الى عمر بن الخطاب رضي الله عنه فقالوا:غلا اللحم ياأمير المؤمنين. فسعره لنا.
فقال:أرخصوه أنتم
فقالوا: وكيف نرخصه وهو ليس في ايدينا؟؟
فقال: أتركوه لهم!!
كيلو حديد = كيلو ذهب
قال تعالى " وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَا (67) "الأحزاب
جاء الناس الى عمر بن الخطاب رضي الله عنه فقالوا:غلا اللحم ياأمير المؤمنين. فسعره لنا.
فقال:أرخصوه أنتم
فقالوا: وكيف نرخصه وهو ليس في ايدينا؟؟
فقال: أتركوه لهم!!
كل فتره زمنيه فيها الحلو والغير حلو
وعيد قبل كان احلى
محد يكسر الخاطر الا عيال هالوقت لانهم ما عاشوا اللي عشناه قبل
ياريال اهم شي فالعيد الفرحه والوناسه
مادري ليش دايما نشتاق ونتذكر ايام اول ونتمنى ترجع
دامك فرحان ومستانس هاي اهم شي حتى لو اختلفت الظروف الحاليه والمعيشه عن ذاك الوقت
اذا فيه اشياء جميله اختفت كذلك فيه اشياء جميله موجوده اليوم ماكانت موجوده في ذاك الوقت
مشاركاتكم طيبة كل واحد بسمة
انشالله انكم تكونون من المتفائلين بالفرح والسرور بشعيرة العيد وانشالله وانا اولكم ان نجتهد في تعليم اخوانا وعيالنا الصغار على اداب العيد
ظاهر العيد هو الفرح والسرور وباطنة العبادة والشكر والحمد والتهليل
العيد كان في الماضي جميل وفي الحاضر جميل وفي كل زمان راح يبقى عيد المسلمين جميل كيف مانفرح وهو من عند الله سبحانه وفظله على كثير من الايام؟
اخذوا لفة عن اقوال العلماء وما ذكر في الحديث الصحيح عن يوم العيد و الفرح بالعيد والامور المنهي عنها راح تستفيدون بشكل كبير.
ماقد قريت انة في زمان كان افظل من غيرة بخصوص العيد بصراحة من كلام العلماء.
العيد مش مرتبط في فلان الي سافر او الناس الي تغيروا او متغيرات الزماااان.
للاسف غالب على مجتمعنا انعدام مظاهر الفرح ويموت الفرح ثاني ايام العيد اما رابع العيد كأنه يوم عادي بالنسبة للكثير من الناس.