بكل اختصار (( الشباب مايصلوون ))

[Tomford_qtr]

بالعكس أنا اشوف الشباب عندهم وعي كبير بأهمية الصلاة .. والدليل وجودهم في مصليات المجمعات و المساجد وان شالله ان فيهم خير و بركة ...

[بوخالد911]

ما جات ع الشباب بس
وبعد كبار السن ، الله بالخير

ولا يدري عن صلاته

اللهم لا تبلانا.

ونسأل الله الهداية للكل.

[القلب المؤمن]

محتاجين معاهد دينية ...

[طلعة الروح]

لاحظت هالأمر في مجال العمل أغلب الموظفين والموظفات مايصلون إلا من رحم ربي والله يهدي خلقه لنعمة الإسلام وأكيد أركان الاسلام كلها يجب أن يقوم بها المسلم والصلاة ثانى ركن ومن تركها كفر. انا استغرب من اولويات البعض يبدي اللعب والاكل والشرب والسوالف والتلفون على صلاة ربه.

[ضوى]

اتمنى ومنى عيوني اشوف المساجد مليئه بالمصلين مثل ليالي رمضان واكثر ، يارب تهدي عيالنا وتصلح حالهم وتجعل الصلاه قرة عين لهم ياااارب

[بعيد النظر]

ممكن تحدد أي فئة تقصد من الشباب ..
جيل الـ 15 - 20 .. ممكن اتفق معاك ..

لاسباب كثيرة والله يصلح حالهم

[بومحمد المطاوعه]

السلام عليكم ورحمه الله وبركاته
حياك الله اخوي الكريم
والله يجمعنا فالجنه ان شاءالله ’’


شوف طال عمرك

في كل شي بتحصل الزين والشين ,,

بتحصل شباب يصلون وبتحصل شباب يمرون على المسجد والأغاني فوووول فالموتر ,, ولا يبالي ,,

الله يهديهم ويستر عليهم ,,

ولكن العتب على الناس الي تشوف هالشي وتسكت ,,

مثال لو شفت شخص قدامي وانا رايح المسيد
مافيها شي لو اقوله السلام عليكم يافلان الصلاة بارك الله فيك

بس قوله هالكلام وحرك عنه لاتتناشب معاه ولا تنتظرر شنو رده حتى لو رده كان قاسي

اتركه وخله يتحلطم مع نفسه ,,

لو قالك جزاك الله خير او قالك مب شغلك
لاتنتظر ردة فعله ابد ,, انت تنبهه او تذكره والأجر لك من الله تعالى ان شاءالله ,, لاتسمع له شنو قال ولا شنو بيقول

بس قوله مع ابتسامه وحرك عنه
ماتدري يعل هذا التذكير والأبتسامه تغير مافي داخله ,,

وجزاك الله خير الجزاء على الموضوع الطيب
وياهلا ومسهلا فيك

[يمامـة]

بالفعل كلامك صحيح..

الله يهديهم ويصلح بالهم..

[الماريّة]

ربي اجعلني مقيم الصلاه ومن ذريتي ربنا تقبل دعاء

من اهم تمسك الشباب الصالح بالصلاه

التربيه الحسنه والاقتداء بمن حولهم

تعليمهم الصلاه في الصغر والضرب في العشر

التزام ولي امرهم باخذهم معه للمساجد من صغرهم

تنبيهم ونصحهم بين الفتره والاخرى

والدعاااءء لهم من الوالدين باستمرار

والله يهديهم ويصلح بالهم ويبارك فيهم يارب

[فيصل99]

وينشأ ناشئ الفتيان منا على ماكان عوده ابوه
المشكلة تبتدئ من البيت والدليل الرسول عليه الصلاة والسلام قال علموا أبنائكم الصلاة لسبع واضربوهم عليها لعشر ، هني الخلل اذا الشاب نشأ في بيئه لا تقدر أهمية الصلاه كيف تبيه يصلي
ولذلك قلما ويكاد يكون نادر ان الأب ملتزم بصلاته والابن لايصلي
ولا شك رب الأسره والراعي لها مسؤول عن رعيته في التزامهم بالصلاة والتهاون في ادائها