السلام عليكم..
انا طالب جديد في جامعة قطر..
طبعاً ما اخفيكم اني سمعت كلام محبط جداً عن الجامعة..
ـ الدكاترة مب زينين!
ـ الجامعة صععععبة
ـ ماراح تتخرج
ـ روح المجتمع او ادرس برع احسن لك
ومن هالقبيل..
فـ ابي اعرف هل جامعة قطر فيها هالكلام وكيف هي الحياة الجامعية!
افيدونا ججزاككم الله خخير..
كلام محبط ، يثبط العزيمه واكيد ماسمعته الا من فاشلين او كسالى او اللي ماحصلت لهم فرصه للقبول بالجامعه ، جامعه قطر من احسن الجامعات ونعم انظمتها شوي صعبه ومعقدة لكن كشهادة ممتازة
ماعليك من هالكلام ولا تشغل بالك ، بتدخل الجامعه وساعتها بتندم انك سمعت مجرد سمع لهالتفاهات ، الله يوفقك ان شاء الله وسنه دراسيه سعيدة عالجميع
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
صحيح ،المشاركة الأصلية كتبت بواسطة ضوى
وعسى الله يوفقك .
سبحانك اللهم وبحمدك اشهد ان لا اله الا انت استغفرك واتوب اليك.
ماعليك من السوالف
انا لي قصه غريبه مع الجامعه وصعبه اسردها هني
بس الخلاصه شد حيلك وبتحصل نفسك في الصفوف الاولى
اصعب مرحله اول كورسين والتغير في الروتين
لكن بعد التعود وتكوين الصداقات بتكون الامور سهالات
ولا تلتفت للمحبطين
وعلى قدر اهل العزم تاتي العزائم
ماهمنا من نبح في قفاناكلب (ن) نبح عيا لايواجة الذيب
لا صعبه ولا شي
انا طالب فالجامعه مع اني صاير بليد لكني ماشي ماعليك*
صحيح في دكاتره يتساهلون مع الطلاب لكن مش معناه ان في دكاتره يظلمون الطلاب
الدكتور الي ييقيم على المعاير المطلوبه بصورة دقيقه الطلاب يعتبرونه طالم وهالشي مب صحيح
لان تحصل طلاب درجاتهم عاليه وطلاب لا
,
,
مرحبا
ان شاء الله راح تكون احلى ذكريات حياتك
شد حيلك
انت في ( مصنع الرجال )
كل شي في الحياه يبي اجتهاد وصبر
لاتسمع لحد
فكر تكون ( جامعي )
ترى الدراسه في خارج قطر
( غربه )
ومايعلم بقسوتها الا الي جربها
وانت هنا بين اهلك وناسك واصدقائك
احمد الله على هذي النعمه
,
,
ما ازيد على اللي قالوه الاخوان ..
يوم دخلت الجامعة ... كنت احلم بالقانون ودخلت كورس وغيرت لاقتصاد ...... تعقدت وطلعت ... هاي سنة طافت بس استغليتها في اخذ مواد المتطلبات الاختيارية او التأسيس ذيك الايام
عقبها دخت انجليزي والحمدلله خلصت
والله مروا علي شباب كانوا ايقولون مافي امل اتخلص التخصص صعب ولكني آمنت في ارادتي وخلصت الصعاب
فبتمر عليك مراحل صعية واحباطات وناس محبطين
لا تلتفت لهم ابدل
ما عليك من كلام الناس
انت ابذل جهدك واشتغل على نفسك والأمور سهالات بإذن الله
انا كنت متخوف لما دخلت الجامعة، وكانوا يحذرون من بعض الدكاترة انهم ما يعطون معدلات عالية
الحمد لله تخرجت بمعدل أعلى من 3.5 من 4 مع اني كنت ادرس المسا واشتغل الصبح
وجبت امتياز عند د. محمد المسفر اللي الكل كان يذمه. والحين طالب ماجستير ولله الحمد
شقال المطرب اللي صوته يخرع .. كلام الناس لا بيئرب ولا يأخر
أي دراسة أو عمل يبي له بذل مجهود ولازم بتحصل صعاب وبتحصل ناس محبطين
انا خذت كورس واحد في الجامعة بس جامعة قطر قصدي وعجبتني وقتها .. كان مكثف ثلاث أيام من صبح لين العصر .. بس عجيبة وقت التخريج شفت وجوه معانا تخرجت كلش ما شفناها في الثلاث أيام
الله يسمع منكم
ضوابط المشاركة
رد مع اقتباس
