رحلتنا الى بانكوك صيف 2016 13 - 8 إلى 4 - 9

[بوخالد911]

يا زينها من بلاد

لو أروحها 100 مرة ولا راح أمل منها.

[بوخالد911]

هل لاحظت البريعصي أخووي ؟!؟!

توني منتبه له.

[معماري قطري]

هل لاحظت البريعصي أخووي ؟!؟!

توني منتبه له.

ما شاء الله عليك توني منتبه

بس هذا كان محتل المكان ذيه دوم موجود

[سالم الزهران]

يعطيك العافية معماري ومتابع و شيء جميل

[معماري قطري]

الله يعافيك اخوي سالم

اليوم بانتقل للجزء الأخير من سفرتنا وهو الأفضل بالنسبة لي جزء منطقة سيام وسط المدينة وفي فندق كمنسكي الراقي .. التقييم للثلاث فنادق كلها 5 نجوم بس مقارنتي انا احط الأول 4 نجوم والثاني خمس والكمنيسكي اعطيه 7 وبجدارة .. مع إننا ماخذين أرخص الغرف فيه

يمكن أكثر شيء عجبني في الفندق الابتكار الحديث لتفاصيل معمارية غريبة مثل هذا العمود بزوايا مقطوعة



الممر في الفندق يودي للغرف وفيه غرف تحت ملاصقة لحوض السباحة وهذا جزء يشوف الواحد الحوض من قريب







مكان الفطور الخارجي المطل على الحوض قليل العمق



سقف غرفة الطعام للفطور وما قدرت اصور تفاصيل الغرفة بسبب وجود الكثيرين وبعضهم عرب





هنا جلسة معزولة شوي للفطور وقدرت اصور صوب المطعم



الفاصل بين غرفة الفطور والممر حاجز معدني عاكس شبه شفاف فيه فتحات كثيرة





الممر التحتي مفتوح ومنور ومطل على الحديقة وعلى مطعم الريوق جدام شوي يمين المطعم وجدام بعد يسار المصاعد




الحديقة الداخلية مطل عليها كم قسم حق كمبنسكي منهم قسم شقق اكتشفناه هناك بس



المصاعد مبطنة برخام مضيء اعتقد الأبنوس



قسمنا بس 8 أدوار وعطونا غرفتين متصلتين في الدور الثالث لكن ميزتهم الهدوء والاطلالة على الحديقة الداخلية وأحواض السباحة



قسم الشقق مرتفع كثير حول 20 دور وأكثر يمكن

وكل هذي الأقسام ممكن المشي لممرات توصل لمولات قريبة أقربها سيام باراغون

الممرات مغطاة بسجادة راهية ما تسمعون صوت نهائياً في الغرف



حبيت كسرات مداخل الغرف من الغرانيت وهو كذلك يمثل إطار الباب أو فريمه .. تفصيل حديث أول مرة اشوفه .. كانت فيه ربلات بين الغرانيت والباب عن الصوت



هنا توضيح للي ذكرته حافة القرانيت ملاصقة لها الربلة وبعدين مفصلات الباب





عدد المفصلات كبير