خدمة أوبر Uber عند السفر

[بوخالد911]

في أذربيجان قبل شهر

بغيت أروح من العاصمة باكو إلى منتجع ريكسوس في قوبا الجبلية تبعد 180 كيلو متر مدة ساعتين ونص

مكتب سياحي سعر لي ب730 ريال (200 دولار) تاكسي عادي سعر لي ب230 ريال (100 منات) طلبت أوبر وصلني ب150 ريال (66 منات)

غير ذي.. سايق أوبر قليل جداً يخدعك في التسعيرة ومسار الطريق لأن كل شي بيكون موثق وبيتم ارساله له عالايميل بعد الرحلة وممكن تتقدم بشكوى ويحلونها لك بشكل راقي

بعض الدول لما تطلب اوبر يعطيك خيارات هل تبي سيارة صغرة 4 ركاب ولا فان 7 ركاب ولا باص صغير وهل تبي مشوارك تشارك فيه ركاب عالطريق وبسعر ارخص .. في إسطنبول عطاني خيار سفينة بعد

ميزة إضافية... الدفع بالكرديت كارد وبالتالي ما بتحاتي تعطي اكرامية أو تدور على خردة.. وممكن تدخل كود خصم لما تطلب

والحين يصير تختار خيار الدفع وتخليه كاااش.

شكرا للافادة.

[بوخالد911]

ايس هدا كلام انا ما فيه مألوم

افااااا يا بش مهندس.

[KSK Logistic]

Bla bla , للسفر السافات الطويله في اوربا بعد زين

[بوخالد911]

Bla bla , للسفر السافات الطويله في اوربا بعد زين

تسلم للافادة

[aziz4z]

مشكور بوخالد , ماقد جربتها بس إن شاء الله هالمرة راح أجربها , لان المرة الماضية شفت عوائل عربية على الشارع في ألمانيا ينتظرون تاكسي , فاتصلت بالشركة وطلبت لهم تواكسي

[asulaiti]

أنا أعرف أوبرا .. وجربتها كذا مرة وأنصح فيها ..

لكن كريم أول مرة أسمع فيه ؟؟

منو هذا ؟؟؟؟

[بوحارب]

جربت اوبر ذاك اليوم في قطر وتوهقت

وعقب طلبت كروه والأمور تمام

[بوخالد911]

مشكور بوخالد , ماقد جربتها بس إن شاء الله هالمرة راح أجربها , لان المرة الماضية شفت عوائل عربية على الشارع في ألمانيا ينتظرون تاكسي , فاتصلت بالشركة وطلبت لهم تواكسي

الشكر لله.
جزيت خيرا ما قصرت.

[بوخالد911]

جربت اوبر ذاك اليوم في قطر وتوهقت

وعقب طلبت كروه والأمور تمام

افا علييك.
اتصلي بكرة وبشرح لك.
سهل وايد.

[العـوا]

اوبر جربته في امريكا روعه وبعد في قطر
رخيص جداا