الصراحة شي يقهر وتسيب ولا مبالاة من بعد موظفات الاستقبال في مركز مسيمير الصحي /استقبال الرجال .......
سوينا موعد حق ولدي على التلفون بالاتصال على رقم 107 من يومين على أساس انه الموعد اليوم الساعة 1 وربع وطبعا وصلنا قبل الموعد 45 دقيقة وتوجهنا للاستقبال قسم الرجال والصدمة ولا موظفة استقبال وتمينا ننتظر بدون مبالغة نصف ساعة
طبعا أنا وبعض المراجعين اللي عندهم مواعيد بنفس الطريقة وكل ما نسال حد تقول بيجون وبالاخير وصلت بالسلامة موظفة وحدة .
خلصنا بحمد الله ورعايته خذينا الرقم ورحنا غرفة الفحص الحيوي وخلصنا بسرعة تخيلوا وعقب رحنا لغرفة الدكتور والمفروض انه الموعد 1 وربع وماكان موجود بغرفته وبعدها بعشر دقايق دخل وكان 4 أشخاص قدامي والحمد لله اخيرا جا دورنا الساعة 2:20 وللاسف أكثر من غرفة فحص ما فيها طبيب وكل شوي تشوفهم يتمشون بالممرات ما أدري شيسوون والله على ما أقول شهيد .
والطامة الكبرى لما خلصنا تقريبا 2:30 ورحنا الصيدلية قالوا تعال العصر مافي محاسب
سؤالي هل هذا هو النظام الجديد واللي المفروض انه يخدم جميع الشرائح وبشكل أفضل ؟ هل هذا هو نظام التعامل مع المواعيد ؟ قلنا نظام وسستم جديد ويصير فيه بعض التاخير فهل يعقل انه يصل لساعة أو أكثر ؟ !!!!
نتمنى من الجهات المسؤولة إتخاذ الاجراءات القانونية ومحاسبة كل المقصرين والمستهترين بأوقات الناس .