تقرير سفرتي لتركيا

[ماجد البدر]

ما شاء الله تقرير حلو ومرتب
والحمدلله ع السلامة

ممكن تفيدنا بخبرتك في الأمور اللوجستية، مثل تنقلاتك في طرابزون واوزنجول هل مع سايق ولا سقت سيارة؟
ايش تنصح الواحد يودي معاه كعدة في هالاماكن الريفية؟

القيادة في الشمال التركي جدا سهله تاخذ سيارة من المطار برخصة القطرية ماتحتاج رخصة دولية وطريق الساحلي امامك و للوحات صارت مكتوبه بالعربي بعد
الجبال يمينك و الخط الساحلي بوجهك ويسارك البحر اغلب المناطق و القرى فوق الجبل

انصح كل من يذهب الى هناك في الصيف ياخذ ملابس ثقيله مثل جاكيت او شي تقدر تبدل بسرعة لان ممكن فوق الجبال برد مثل اوزنجول سلطان مراد حيدر نبي

بنسبة الى المقارنة بين سلطان مراد و حيدر نبي افضل وبقوة سلطان مراد للمساحات الكبيره الفسيحة فوق الجبل للرحلات و البسطة واخذ عدة الشاي و القهوه

[ماجد البدر]

للتوضيح

اللي يقول ان بالشتاء المطاعم تتسكر والطرق بعد

اقوووله انت غلطان

صعدنا فووووووووق قمم الجبال وشفنا الرجرافات موجودة تنظف الشوارع أول بأول
لان هم معتمدين ع السياحة والسواح
فا مو من صالحهم انهم ما ينظفون الشوارع

بس حبيت أوضح هالنقطة

والله تقدر تروح بورصة في الشتا لان فيها كل استعدادات السياحة الشتوية من تل فريك و دراجات و غيره لكن في الشمال فعلا ثلوج كثيفة و اغلب الاماكن مسكره برغم من ذلك متعه
وذهابك الى حيدر نبي فعلا مغامره وخطر حقيقي انا وصلت الى نص طريق سلطان مراد في الشتاء مغلق وثلوج كثيفة و اوزنجول وصلت ولكن الطريق خطر فيه عليه طبقة جليد خطره الله سلمنا منها وسيارة قدام عينا انحرفت ولكن بفضل الله ناحية الجبل مش على الهاويه

انصح بزيارة الشمال بصيف اوزنجول ايدر سلطان مراد

ممكن اضافة حيدر نبي مع الحذر

الاماكن الخطره حتى في الصيف او متعبه وطرقها ضيقة برغم من انك تصل الى مناطق ومناظر جميله ولكن ارهاق
هي

بحيرة السمك
شكرسو

[عقرب]

المكان حلو
ويستحق الزيارة
شكرا

العفو أخوي ناصر

[عقرب]

ما شاء الله تبارك الرحمن ويني عن هذا التقرير الرائع عن عشقي شمال تركيا

باين ما شاء الله تبارك الرحمن استمتعتوا بهذي السفره اعتقد في عيد الاضحى انا كنت هناك و الاجواء لا توصف تنسيك حر الخليج

اسمح لي اعلق على بعض الردود من وجهة نظري

الموضوع موضوعك أخوي ماجد وخذ راحتك وعلق على إلي تبي

وأبشرك الحمدلله أستمتعنا وخاصة أوزنجول

[ماجد البدر]

الله يسعدك دوم
الحمد لله رب العالمين

[fzaa_qatar]

الله يسلمك من الشر أخوي عبدالله

التنقلات كانت في باص خاص مع مرشدة سياحية ( مترجمة ) عن طريق شركة سياحية تركية وفرت كل شي من حجوزات فنادق وسيارة خاصة وجدول رحلات وطيران داخلي

كان ودي أسوق بنفسي بس ماظن باقدر أروح للمناطق المرتفعة مثل آيدر وسلطان مراد وحيدر نبي لأن الطريق صعب بالنسبة لي وشارع رايح جاي وانت طالع للجبل وحزات غيم وضباب يغطي الطريق ومافي حواجز يعني لو مب متعود على طرق الجبال خذ لك باص مع سايق خاص بترتاح وبتشوف الطبيعة على راحتك .. السعوديين ما شاء الله عليهم 90% منهم يسوقون سيارات خاصة وشفتهم فوق الجبال الله يحفظهم وأظنهم من أهل الجنوب يعني متعودين على الجبال وطرقها .

والعدة الله يسلمك ود معاك بسطه وشاهي وقهوة وتمر وخفايف .. وايد شفتهم مودين معاهم عزب فيها عدتهم كلها ويضبطون الشاي والقهوة هناك

حمد لله ع السلامه وما شاء الله تقرير حلو وبغيت اسالك شسم الشركه اللي فطرابزون ووفرت لكم السايق والسياره وبكم وكم رقمهم لا هنت .. وهل 3 ايام لطرابزون و3 ايام لازونجول زين ولا تحسها وايد لاني رايح انا والعيال شهر 4 ومتردد فعدد الايام هناك ..

[عقرب]

حمد لله ع السلامه وما شاء الله تقرير حلو وبغيت اسالك شسم الشركه اللي فطرابزون ووفرت لكم السايق والسياره وبكم وكم رقمهم لا هنت .. وهل 3 ايام لطرابزون و3 ايام لازونجول زين ولا تحسها وايد لاني رايح انا والعيال شهر 4 ومتردد فعدد الايام هناك ..

الله يسلمك من الشر

أي نعم تكفي .. من طربزون تطلع للمناطق إلي حولها تطلع الصبح وترجع المغرب .. وأوزنجول 3 أيام فيها تكفي وبتستانس إن شاء الله

بطرش لك على الخاص أسم الشركة ورقم الشخص إن شاء الله