المشاركة الأصلية كتبت بواسطة JN000N
بقولج االبعض يمكن يفكر
كان مفروض اذا تبي تعاون ما تعرف نفسها للموظفين
تطلب مقابلته او تاخذ رقمه وتكلمه
اهو اشلون بيحسبها او غيره انها تبي موظفينه وعندها محل في بعض الناس يفكرون جذيه
انها جايه تعرف بنفسها ومحلها عشان يعرفون
ويمكن اهي تعطي رواتب وامتيازات اخرى
مَھْمَـاَاَ פـٌٍدَثْ لٱ تَبْگِيّـے }.. ۈلَگِنْ ٱبْتَسِـم
Dιиια мαтιѕιωα
محشومه
والواحد يتعلم في هالدنيا
وكلنا معرضين للخطأ
الله يوفقج
مَھْمَـاَاَ פـٌٍدَثْ لٱ تَبْگِيّـے }.. ۈلَگِنْ ٱبْتَسِـم
Dιиια мαтιѕιωα
تهقى ههههههه يمكن ....عاد خل المفوشر ينفعني احين ههههههه
لا والله انا اخدم القريب والبعيد .. واخدم الغريب بكل رحابة صدر.. الحمدلله المحلات الي جنبنا محترمين جدا وكلنا ع يد وحة وعلاقتنا حلوة وسمعة محلي مع المحلات الثانية ممتازة .. الحمدلله..
هههههههههه
الله يعطيج على قد نيتج
وجزاج الله خير على خدمتج
عسى الله يوفقج .. وهذي هي التجارة ..
غير الربح والخسارة والتخطيط .. تطلعلج سوالف من تحت الأرض !
ومصاريف ومشاكل ما كنتي حاسبتلها أي حساب !
والأكيد ان كل تاجر مرت عليه سوالف مثل ذي او غيرها !
المشكلة الوحيدة ان هالنوعية من البشر تحتاج ردع .. عشان ما تمادى !!
يعني شلون يهدد !!!! ومن هو أصلا عشان يهدد !!!
القسمة والرزق من رب العالمين .. والحمدلله انه مب فـ يد العباد !
والله يكتبلج الخير .. ولا تضايقين نفسج ولا تفتكرين ..
صراحة انا تضايقت بمجرد اني حطيت نفسي مكانج !! ولا تقولين غبية انج عرفتي بنفسج !
كلت في مطعم من أسبوعين برع البلاد .. وعجبني شي عندهم بس ناقصه إضافة بسيطة ..
كلمت اللي في المحل وقلتله ابي اكلم راعي المطعم قالي انا راعي المطعم .. قلتله عن سررر بسيط جدا" يحسن من منتج عنده ..
والريال ما عجبه وحسب اني اتفلسف .. بس يوم قلتله ان عندي بزنس في بلادي بنفس نشاطه رححححبب .. وخذ الموضوع بجدية ..
لدرجة دخلني المطبخ عنده وكلمت الشيف وثاني يوم رحتله اجرب اللي قلتله عليه وكان جدا" مبهور بالنتيجة !
وعرض علي افضل منتج من عنده والخلطة كااااملة !! وشكرني ..
فـ كل واحد يتصرف بطبيعته وانا ما بغيت الا اني اساعده في شي لان مطعمه جمييل ومتعوب عليه !
التعديل الأخير تم بواسطة بعيد النظر ; 28-09-2016 الساعة 10:56 AM
كلن يرى الناس بعين طبعه .. شكله هو يستخدم اساليب رخيصة ضد التجار الي حوله فيعتقد ان الكل رخيص مثله ..
لو انا مكانج اروح المركز اقدم شكوى عليه .. مجرد ورقة قد تحتاجينها لو تكرر الموضوع لاثبات ان الطرف الثاني عليه سوابق ضدج ..
الدولة فيها قانون مب من حقه يجيكم يصارخ ويهدد .. شنو بعد الصراخ يعني ؟ بيتهجم على الموظفين مثلاً ؟ .
تبرع لصندق الزكاة بإرسال رسالة على الرقم 92438 مع وضع الرمز كما هو مبين بالصورة
اخوي كل واحد يتصرف على طبيعته فيه العصبي وفيه العاقل وفي اللي ما يتاثر كلش
بس ما تعرف شنو الظروف او شنو قالوله العمال عن اختنا ؟؟؟ بعضهم يسوي افلام علشان يطلع بطل قدام معزبه وانه يحافظ على الشغل
مثل ما تفضلوا الاخوان الاحتمالا الاكبر انه فهم الموضوع غلط وانها جايه تسحب عليه الموظغين وتجسس على شغله ويا ما تصير في البزنس ويا ما عالم تضررت من هالشي وصار تخصص عندنا للاسف الواحد يتعب ويعلم ويتحمل عماله كم سنه ولما يفهم الشغل يجي واحد بفرق بسيط ياخذ عماله جنه العيد
السلام عليكم
المفروض ياختي صح انتي دخلتي بحسن نيه وعرفتي نفسج المفروض ماتعرفين نفسج ودام صاحب المحل ماكان موجود يوم دخولج المحل فمعناته موظفين المحل وصلوا الكلام لصاحب المحل وماتدرين شقالوا له زادوا من الكلام ولا نقصوا منه المموظفين .
فبناءاً عليه اخذي الموضوع بنفس راضيه لاتوقفين عند كل نقطه وكلام يستوي ولو انه ماله وجه حق يدخل المحل ويهدد لكن انتي احسني الظن انه ممكن العمال وصلوا له كلام عن الزياره ولاتاخذين موقف شخصي لانه مايعرفك ولاتعرفينه وطولي بالك .
اشكر كل من شارك وابدا رايه وساندني وهون علي ..والله ارتحت اشوي..والله من امس ماكلت من الضيقه.. اللحين بروح آكل
ماقصرتوا ...
اما بخصوص البعض الي يقول يمكن العمال قالوا له شي.. يمكن ؟! لكن اليوم بيبين ان شاء الله وانا متاكده مافي سبب غير ان اني املك نشاط ممثال لمحله فقط لاغير.. لكن نشوف
اختي انتي ما شفتي شي
انا فتحت نشاط تجاري ولله لو اقولج شنو الافلام والنصب والاشكال اللي احصلها يوميا بمشي بسرول وفانيلة بنص الشارع هههههه
هذي التجارة ومب سهلة كلش
ضوابط المشاركة
رد مع اقتباس
