هذول من ؟

[راجي الْعفو]

انا شربت لحد الحين 3 قلاصات تانج مع ثلج و ليلحين عطشان بقولك السبب من الي شفته اليوم بكل بساطة.


طلعت من الفريج و قلت بما اني عالدراجة بستخدم الهايواي و شفت زحمة السيارات من اشارات التضامن لين دوار العلي "الدوار الي بين اشارات التضامن و دوار خميس العبيدلي" مسكر من الزحمة عودت و قلت بروح من الكرنيش

طلعت على اشارات المول سيدا و اشوف زحمة غير طبيعية ايضا و الزحمة استمرت لين عرفت السبب اشارات المطار القديم موب شغالة و الناس و التريلات يمشون في 4 اتجاهات على كيفهم و هرانة و ازعاج, صورت فيديو بما اني عالدراجة و اتصلت فالشرطة و قلت لهم الحين بيصير حادث خشن اذا ما ارسلتو دورية لأن صج اكثر من حادث كان بيصير و سبحان الله بقدرة قادر و انا معاهم عالخط يقولي و الحين قلت له الحين اشتغلت

ولعت خضرا و لفيت يسار باتجاه اشارات عبد الغني الناس من الي صار قبل واقفه و معصبين مناحس غير طبيعي و النفسيات من اسوء ما يكون, لفيت يمين باتجاه اشارات المطار الأميري سابقا الي تكمل لراسبوعبود ثم الكرنيش

انصدم الاشارة تولع و تبند من الزحمة و انا عالدراجة موب قادر اوصل لها "اشارات المطار الأميري سابقا (دوار الساعه)"
طبعا تزرق بين السيارات يمين و يسار لين وصلت راس بو عبود و كملت على الي بعده و لين اشارات سوق واقف الشارع واقف بمعنى الكلمة بعد اشارات سوق واقف و الديوان فتح شوية و كان في شوية مسافه

لأنصدم الاشارة الي بعدها اشارات المسرح عليها زحمة غير طبيعية و دوريات و كرين شايلين الأشارة بكبرها و الشارع من مسار إلى مسارين و المشكلة الزحمة من بعد هالأشارة اكثر من الي قبل من السفارات إلى لوسيل ريس كامل و الحمد الله وصلت دوامي

كل هالأكشن خذ من وقتي الله يسلمك طلعت من البيت 8:00 بالظبط و وصلت دوامي 8:54

قصة جميلة يا بش مهندس يعقوب ^_^

زين الحين دريت وش سبب الزحمة لانها فعلا داشة عرض

تراني نفسك .. سيم سيم .. ساعه الا ربع في الزحمة تقريبا ^_^
عاد انت المفروض ما تتشكى بحكم الدراجة
تزرق وانت تضحك ^_^
يديك العافية

واضح انك فعلا عطشان حتى الكلمه كاتبها غلط ههههههه عشطان ^^

فعلا عطشت في الزحمة مع اني ما جيت الدوام ركيض !
والكلمة كاتبها جي وانا متعمد لان الزحمة اليوم تجبرك تكتب بهالطريقة ..

[العنيده]

تغيير اوقات الدوام شوي بس بيعطينا مجال شوي تخف الزحمه .. بدل مالكل لازم يكون بوقت احد اقل شي نختلف يمكن شوي تخف
مشواري للدوام 40 دقيقه خذت فيه 1 وعشر دقايق اليوم ..
زحمة الكورنيش كانت شي مب طبيعي والله المستعان ..

[ya3coub]

قصة جميلة يا بش مهندس يعقوب ^_^

زين الحين دريت وش سبب الزحمة لانها فعلا داشة عرض

تراني نفسك .. سيم سيم .. ساعه الا ربع في الزحمة تقريبا ^_^
عاد انت المفروض ما تتشكى بحكم الدراجة
تزرق وانت تضحك ^_^
يديك العافية




..

اسمحلي عالكلمة بس كل من لبس له ثوب ظن نفسه يحتاج حراسة الشخصيات يصير اهو الـــVIP و اهو الجميس الي ياخذ نص مسار لحماية السيارة الي فيها الشخصية المهمة و البعض مو حتى قطريين انا موب عنصري بس هاي الي لاحظته اليوم و امس الهنود ارحم.

واحد ما اعرفه ولا يعرفني و يتناحس معاي

في ناس من يشوف الليت يفتح و في ناس من يسمع يفتح و في ناس ان شاء الله الي فالمسار الثاني يوسعلك يروح يلزق فيه شكل الي بيقعد فحضنه المهم انك ما تطوف.

مرات اقول ابي ارد اركب الأقزوز بو صوت عالي بس علشان الحريم و اليهال كان وايد وايد مزعج و بنفس الوقت للفريج و البيت.

[Rider]

ونرد ونقول هذول من ومتى بتتخلص البلد منهم

[يمامـة]

اصعقتوني ..............> يعني في ناس تتعمد تسوي زحمة في البلاد وراكبة سيارات تحوط فيها في الشوارع
من غير لا شغلة ولا مشغلة؟

طيب هم لما يطلعون حزة الذروة وين يبون يروحون لو بالفعل هم من غير شغل؟

مخي الصغير مب قادر يستوعب شنهي السالفة!!

[غريب الدّار]

اصعقوتني ..............> يعني في ناس تتعمد تسوي زحمة في البلاد وراكبة سيارات تحوط فيها في الشوارع
من غير لا شغلة ولا مشغلة؟

طيب هم لما يطلعون حزة الذروة وين يبون يروحون لو بالفعل هم من غير شغل؟

!

[Mbarkaji]

يعني تحليل الزحمة بسيط

الدوائر الحكومية والوزارات وغيرها من المؤسسات الحكومية المهمة وسط العاصمة
الاشغال الحفريات وبناء الابراج وغيرها تتمركز داخل العاصمة


فمن الطبيعي انه بتكون في زحمة لو تم توزيع بعض الدوائر الحكومية والمؤسسات خارج العاصمة وبالتحديد الي عليها ضغط
كنا راح نشوف زحمة اقل

عدد موظفين هالمؤسسة كم بيكون
عدد المراجعين كم بيكون ..

يعني لا ننتقد واحنا نعرف الاسباب ..
لو نفكر فيها اشوي بس ما يبي لها فهلووه

احيك اخوي رد اكثر من رائع ليش انلوم الناس والاخطاء معروفة وين. تكدس ادارات و وزارات في مناطق محدودة بناء بدون تخطيط تطوير غير مخطط العديد من المشروعات قيد الانشاء والكثير من الاسباب وانشاالله الزحمه مرحلة واتمر وماعلينا الا الصبر والله الموفق وللامام ياقطر

[شبح الصمت]

احيك اخوي رد اكثر من رائع ليش انلوم الناس والاخطاء معروفة وين. تكدس ادارات و وزارات في مناطق محدودة بناء بدون تخطيط تطوير غير مخطط العديد من المشروعات قيد الانشاء والكثير من الاسباب وانشاالله الزحمه مرحلة واتمر وماعلينا الا الصبر والله الموفق وللامام ياقطر

الله يجزاك خير ياخوي ..

[GENIUS]

اليوم طريق المطار الجديد ذهابا إلى الكورنيش فعلا عذاب الزحمة تقريبا من كلية الطيران إلى إشارات البريد .
وحاليا مع افتتاح الطريق الدائري السادس الكثير يستخدم طريق المطار الجديد للوصول للكورنيش لكن عنق الزجاجة عند مدخل الكورنيش جسر رأس أبو عبود .

[أبو سعود]

اليوم طريق المطار الجديد ذهابا إلى الكورنيش فعلا عذاب الزحمة تقريبا من كلية الطيران إلى إشارات البريد .
وحاليا مع افتتاح الطريق الدائري السادس الكثير يستخدم طريق المطار الجديد للوصول للكورنيش لكن عنق الزجاجة عند مدخل الكورنيش جسر رأس أبو عبود .

قلنا من قبل كثيرآ ونقولها مره أخرى

السبب الرئيسي للزحمه هي :

( كثره الأشارات الضوئيه )

والحل للزحمه هو :

بناء العديد من الجسور والأنفاق