هذول من ؟

[مختلف جداََ]

انتو احسبوا كم مندوب يخلص معاملات كل شركة
و بتعرفون المأساة اللي صايرة !!!


لازم كل الخدمات تكون إلكترونية و بأسرع وقت

[الماريّة]

هذولا اغلبهم المتقاعدين

وكبار السن
والحريم غير الموظفات

والعمال
والخدم الشاردين

والعاطلين عن العمل

والشاردين من المدارس
وغيرهم

[شبح الصمت]

هذولي بشر طالعين يطلبون الرزق

وانا بطلع بقول من ذولي
وذاك بيطلع بيقول من ذولي
وبيمر علي واحد بيشوفني بيقول من ذي


ههههههههههاي

قال من ذولي حسستوني انه الزحمة ذي اول مره تشوفونها !

[بومحمد المطاوعه]

بشر حالهم حالنا

الله يكتب الخير للكل

الي مايبي الزحمه يطلع بدري وان شاءالله يتجنب الزحمه

[هداف]

انا اقولك هذول من !!

هذول اللي كل من هب ودب من الوافدين عطيتوهم لياسن .... حلاق طباخ لحام خباز خضار حنايه حريم الوافدين ودريول الوافد الخ الخ الخ


الكل عنده ليسن وفيه واسطات في الموضوع يغير مسماه من عامل الى مراسل ويطلع له ليسن وهو مازال عامل او ناطور او راعي في العزبه ويسوق
سماج في محمل ويسوق ,, عامل في معصره ويسوق ,, حفار في المقبره ويسوق



عرفت اللحين من هذول !!

[أم هشام]

صحيح في ناس لا شغل و لا مشغلة..
مثلا انا من عادتي لو بطلع بقضي كم غرض للبيت من احد المجمعات او المولات ما بطلع الا بايام الاسبوع و الفترة الصباحية عشان بتكون المولات رايقة و هادية . لكن بالفترة الاخيرة صرت بلاحظ المولات مليااااانه ناس و زحمة فعلا مع انه فترة صباح و عمل و اغلب اللي بتمشوا رجال وافدين من كل الجنسيات مش نساء .. و كنت بتساءل بنفسي معقول كل هدول البشر ما خدين اجازات من شغلهم او بداوموا شفتات مثلا ..
لكن بعتقد بعد كثر تحليلي للموضوع انهم ناس جايين على فيز او شاريين فيز و منتشريين في الارض بدون اي عمل !!
و هذه بنظري ظاهرة غير صحية لانه بلشت تظهر مشاكل بالمجتمع القطري ما كانت موجوده من قبل ..

[yousuf=66]

لازم يتم منع سيارات البيك اب الخاصه بالشركات عامله زحمه ومضيقه علينا وعددها كبير لان الشركات اصبحت تستخدمها
بدال الشاحنات الكبيره الممنوعه اثناء الذروه وهذا تحايل من الشركات

[شبح الصمت]

ترى ما يبي لها شيء

احسبوووها

عايلة فيها اب وام وابناء

الاب عنده سيارة يطلع فيها
الام تشتغل عندها سيارة تطلع فيها يا اما توصل الاطفال
او يكون في بديل دريول يوصلهم ..


بيت كبير فيه اب وام ما يشتغلون
وابناء كبار 4 او 5 شغالين

كل واحد عنده موتره يطلع فيه !!

العدد في تزايد
ونفس ما قالوا البعض يمكن في فئات عطوهم ليسان في نظرتهم ما يستحقونهم
ولكن في نظرة المرور شيء ثاني او من عطاهم يستحقون ..


الله يرزق الجميع


كان مفروض يوم يتصل

يقول لهم من أنتم

[شبح الصمت]

وتبون الصج بتكلم عن جزئية اتوقع لها يد في هالزحمة الي تشوفوونها

مشاكل البشر الي يجووون اهنيه وبعض الكفلاء الله يهداهم يسحبون عليهم

جايبه عشان يشغله عنده فترة عقب يسحب عليه ما يعطيه راتبه وان طالب فيه راح اقدم بلاغ فيه

وعقب المكفول يروح يرفع عليه قضية في حقوق الانسان
وحقوق الانسان يشوفونه مظلوم وبالتالي يوافقون له على نقل كفالة


ويتم هالشخص رايح راد وسط المحاكم ويدور له على شغله منيه والا منيه ..
ويدخل في غرامات مالية وفي قروض من اهنيه ومن اهنيه

ليش ما نحاسب الكفيل نفسه ليش ما يكون في تدقيق على الناس الي يجون وما لهم حد !!


هذولي اهم الي تشوفونهم اوقات ما عندهم شيء ناس تطلع ادور على من يخلصها

[فيصل99]

هذول اتوقع مخلوقات جايين من كوكب بلوتوا شدوا من البرد وحلوا ضيوف علينا

في قرار تم اصداره في احد الدول مايحضرني الإسم لتقنين الزحمة وهو انه يتم مخالفة أي سيارة في الشارع لاتحمل راكبين على الأقل من غير السواق .
اتوقع لو تم تطبيقه على الأجانب بتخف الزحمة بشكل كبيير