{{{{ تجاربكم مع الرجيم وضبط النفس امام الطعام اللذيذ}}}}}

[نفسي عزيزه]

السلام عليكم ورحمة الله وبركاته

مثل ما أنتوا عارفين الانسان ضعيف امام لذة وشهوة الطعام وصعب من يسوي حق نفسه كنترول على الطعام فيزداد الوزن لاشعوريا وبصراحه زاد وزني فوق طولي 12 كيلو ومب عارف انزلهم رفاق السوء الطعاميين منتشرين عندي وانا الضحيه

شرايكم تعطونا تجاربكم نستفيد منها مثلا شياكل الواحد على الفطور ومتى ياكل اساسا لان مرات الواحد ياكل بوقت غير وقت الاكل الاساسي مافي كنترول

والله محتاج انزل زرار الكلر ضيق كنه حد زانطني متضايق فضفضو لنا لعل وعسى نمشي على نظامكم وننزل 12 k بادعي لكم

وشكرا والموضوع للجميع ولتجاربكم ومنكم نستفيد مانخلى من نصايحكم

[راجي الْعفو]

وعليكم السلام ورحمة الله و بركاته

بونفس تبي كافي ^_^

الموضوع بسيط جداً

نقص الوجبات و سو رياضة

حتصير زي الفل

[بوخالد911]

هلا بك

قلل كمية الأكل الى النص
والأفضل تحط أكلك بصحن بروحك
مب مشترك

امش اشوي حول الفريج.

[Dana’1]

كل ما تركت الوجبات السريعه واكلت بالبيت صار احسن هذا اقل واسهل شي ممكن تسويه
لا تطلع من البيت جوعان ابدا
ويوميا خلهم يجهزون لك أكله خفيفه ومفيد بالثلاجه في حال جعت بين الوجبات الرئسيه تحصله عشان انت بتاكل بتاكل على الاقل ما تبربس بالاكل وتحصل المفيد جاهز

[.قطر.]

وعليكم السلام

انا كنت مقلل كمية الاكل لين النص
وماكل جبس وكافي الا مرتين ف الاسبوع ع الاقل
لين نقصت الـ 14 كيلو
المهم رجعت كمية الاكل مالت اول تمللت كله اجوع عبالي مابيزيد وزني
اشوفه يزيد شوي شوي جدامي لين رجعت الـ 14 كيلو
عاد الحين خلاص عصبت شكلي مابسوي رجيم ثاني شنو الواحد مايستانس

[سالم الزهران]

تقدر تسوي رجيم عن المطاعم ( قدر الامكان ) و عن المأكولات السريعة و الغازيات ؟

اذا تقدر ،،، فهاي اول خطوة

متقدر ،،، شف لك شغلانه تانيا

[سعود.]

الاهم قبل الرجيم ( بصمة الدم ) كل فئة دم لها اشياء تزيد وتنقص الوزن .

[نفسي عزيزه]

وعليكم السلام ورحمة الله و بركاته

بونفس تبي كافي ^_^

الموضوع بسيط جداً

نقص الوجبات و سو رياضة

حتصير زي الفل

انت بسبوست حياتي

يقول لك السويتات تمتن انت ليش ماتمتن شنو السر ماشاء الله هههههههههههه

[نفسي عزيزه]

هلا بك

قلل كمية الأكل الى النص
والأفضل تحط أكلك بصحن بروحك
مب مشترك

امش اشوي حول الفريج.

كلام جميل يالغالي تسلم على هذه النصيحه الجميله مثلك

[نفسي عزيزه]

كل ما تركت الوجبات السريعه واكلت بالبيت صار احسن هذا اقل واسهل شي ممكن تسويه
لا تطلع من البيت جوعان ابدا
ويوميا خلهم يجهزون لك أكله خفيفه ومفيد بالثلاجه في حال جعت بين الوجبات الرئسيه تحصله عشان انت بتاكل بتاكل على الاقل ما تبربس بالاكل وتحصل المفيد جاهز

والله ثم والله ماعرفت زيادة الوزن الا من الوجبات السريعه صدقتي بكلامج مرات يمر سبوعين ماكل بالبيت لازم ابتعد عن هالوجبات بس المشكله الي معاي الله يعيني شكلي باهجرهم شهرين