التلسكوبات تطورت كثير .. وفيه التلسكوبات الحرارية هذي تخلي الواحد يراقب تحركات ناس على بعد كبير يوصل مئة كيلو .. بس المشكلة يشوف أي شيء حار حتى تكرمون الحيوانات
مهندس كهرباء مرة يقول جرب كاميرا حرارية على بعد 85 كيلو متر .. عطوا واحد دلة شاي وقالوا له روح موقع معين واشرب شاي ويقول الشاي يبين وهو ينزل بطنه .. بس لازم تكون الكاميرا مرفوعة 15 متر لمسافة 85 كيلو عن تكور الأرض
موضوع مفيد وفقتي فيه إختي المارية .. لازم نشوف خبير الفلك سلمان الجبر يفيدنا فيه
مرحبتين بايلوت
شرفتني واسعدتني بمروك وشاكره لك كلامك الطيب
وانصحك اذا هاوي للفلك لاتضيع الفرصه لابد تتعلم لان فيه سبحان تفكر بملكوت الله
وبالنسبه للتلسكوب 8 بوصه هذا الي استخدمه ومن شركه ميد الامريكيه انصحك به جدا ممتاز
وطبعا فيه بعد الااكبر 10 ، 12 , 14 , 16 الى اخره بس حاليا انا استخدم 8 جدا روعه وبحط له صوره
في موضوع منفصل باذن الله وبالنسبه لسعره مش عارفه لان اخوي الي اشتراه لي بكامل عدته مع عدساته والشنطه مالته واكسسواراته فا ما سالته عن سعره ،،،
وممكن تدخل موقع شركة ميد ويكتب تلسكوب 8 انش تطلع لك الاسعاراو شركة اسكاي ووتشر
تلسكوبي اسمه meade ls8 برفق لك صورته مؤقت لين ما انزل موضوع اخر عنه
ويالله شد حيلك عشان يصير تنافس بينا بالصور. 😊✌️
ومرحبااا بك اخوي ،،،
/
\
حسبنا الله ونعم الوكيل في كل من أراد ببلادنا سوء
ما شاء الله عليكي اختي المارية موضوع مميز بصراحة
بعد بحث سريع عموقع الامازون الامريكي الاسعار
لنفس النوع اللي عندك 8 انش سعره 2000 دولار بما يعادل 7300 ريال
والنوع الاكبر 12 انش سعره 3000 دولار بما يعادل 11000 ريال
طبعا المقاس الاحترافي الخرافي 16 انش بسعر خرافي ايضا يصل الى 40 الف ريال تقريبا
اسعار فلكية بصراحة بالنسبة للهواه
رابط الاسعار والتفاصيل عالامازون هناااااااااااا
تابعوني عالانستقرام لتصلكم احدث اجهزة رواترات الواي فاي و الفايبر
@Qatar_wifi
https://www.instagram.com/qatar_wifi/
للميد Light switch في نوعين الـــLS-6 و الــــLS-8
و من امازون ما يشحنون للدوحة , اللهم القاعده و الشاحن و شاحن السيارة و الشاشة لا أكثر.
ولا حتى الشركة الأم فقط خلال أمريكا و كندا.
في موقع واحد الي يشحن و ما يستحضرني حاليا التلسكوب بكل اكسسواراته يطلع دبل السعر تقريبا, كنت متواصل معاهم و مسوي بحث كامل عن هالشغلات من فترة حتى الوكيل الي فالسعودية ما يرضى يجيب أذا اقل من 6 حبات للأسف
محبين الفلك يصرفون الكثير يبتدون كهواة لين ما يتعلمون او تجذبهم اكثر بعدين تلقى بكل سطح يسون قبه و يجيبون تلسكوبات اكبر كل واحد و على حسب مدى تعلقه
يعطيك العافية أخوي صلاح
موضوع مميز اختي المارية ويستحق التثبيت.
بس عاد ما نبي شياب المنتدى يترززون الحين فوق السطوح بدرابيلهم بحجة مراقبة النجوم والكواكب!!!!!
اضافة مرتبطة/منفصلة عن الموضوع
يقول الرئيس الروسي: "امريكا لديها من الاجهزة والامكانيات ما يجعلها ترى المياه على سطح المريخ، ومع ذلك لا ترى أسلحة وتحركات داعش على الأرض"
صدق وهو كذوب
اخيرا
افتقدت القمر ذات ليلة، بحثت عنه فإذا هو في كبد السماء، لن ولم اصل اليه الا بكاميرا ( نيكون p900 ) كما ترون
الصراحة شكله من بعيد احلى، لا حفر ولا تضاريس ولا شي.
التعديل الأخير تم بواسطة بوNasser ; 08-10-2016 الساعة 10:22 AM
اللهم صل وسلم وبارك على سيدنا محمد
رحلتي الى تركيا 2014
http://www.qatarshares.com/vb/showth...%ED%C7-2014-))
تقرير مصور عن سفرتي لمدينة بالتيمور بالولايات المتحدة الامريكية
http://www.qatarshares.com/vb/showthread.php?t=541296
ما شاء الله عليكم بو ناصر و اخوي نورث ستار^^^^^
صورة جميلة جدا و كأنها من تلسكوب السطووح ايام الإعدادي و تلسكوب العلوم
اذا قوقل ايرث مفتوح للعامة من سبع سنين تقريبا تقدر تشوف بيتك و الخ الخ الخ فما بالك بالقدرات العسكرية و الزوم لين وين و مباشر..
عالم الفظاء و مكتشف الماي على المريخ, و الي يصنع سيارات و بدل الفظاء, غير انه على مجلس ادارة ثلاث جامعات و ايضا قناة ناشيونال جيو غرافك العالم عصام حجي امريكي و فرنسي الجنسية من أصول مصرية.
تعب و اهو يحاول فمصر و بعض دول العالم العربي يبي شباب و بنات مستعد يتبناهم فالنهاية محد عبره غير الدول الأوربية و العروض الي كانت تجيله قرر انه يستقر بأمريكا مرتاح عند الناس الي عطته قيمه.
نبذه بسيطة و غير كافية ما لقيت عالنت بالعربي المعلومات الي اعرفها عنه. يجي الدوحة سنويا فمؤتمر امباور للشباب اخر ثلاث سنين.
https://ar.wikipedia.org/wiki/%D8%B9...AD%D8%AC%D9%8A
الغريب ان رواد الفضاء لما يوصلون الارض وبعد التقاعد
مش مسموح لهم ايسوون لقاءات اعلامية
مب عارف ليش ! يمكن ايخافون انهم بيتكلمون عن الاعجاز العلمي !!!
وعليكم السلام ورحمة الله وبركاته
استمتعت جداً بقراءة الموضوع
منسق ومرتب وبطريقه سلسه وسهله للفهم ..
يعجبني اللي عنده هوايه معينه مهتم فيها ويحاول يطورها احييج على هالنقطة
بالنسبة لي انا احب اتفكر بالكون بكل شي
حتى اذا شفت نبته صغير افكر وشلون بتكون جذورها
وحتى الفلك والفضاء لكن للامانه انا ماحب الظلام
واذكر مرة شفت عن طريق تليسكوب وجاتني رهبه مادري ليش
لا تحرمينا من هالمعلومات ومن تشجيع الاعضاء على هالهواية الطيبه ..
شكراً يالماريه
إياك أن تدل الناس إلى الله ثم تفقد أنت الطريق . .
وأستعذ بالله دائماً أن تكون جسراً يعبر به إلى الجنة ثم يُلقى به في النار . .