عالم التلسكوبات والتصوير الفلكي ( متجدد )

[الماريّة]

للميد Light switch في نوعين الـــLS-6 و الــــLS-8

و من امازون ما يشحنون للدوحة , اللهم القاعده و الشاحن و شاحن السيارة و الشاشة لا أكثر.

ولا حتى الشركة الأم فقط خلال أمريكا و كندا.

في موقع واحد الي يشحن و ما يستحضرني حاليا التلسكوب بكل اكسسواراته يطلع دبل السعر تقريبا, كنت متواصل معاهم و مسوي بحث كامل عن هالشغلات من فترة حتى الوكيل الي فالسعودية ما يرضى يجيب أذا اقل من 6 حبات للأسف

محبين الفلك يصرفون الكثير يبتدون كهواة لين ما يتعلمون او تجذبهم اكثر بعدين تلقى بكل سطح يسون قبه و يجيبون تلسكوبات اكبر كل واحد و على حسب مدى تعلقه


يعطيك العافية أخوي صلاح

مرحبتين اخووووي يعقوب

ياهلا مرحبا بمرورك الطيب بموضوعي
واشكرك على الاضافه المميزه بالمعلومات عن الشحن
وصدقت اخوووي الوكيل في الجبيل مايوفرون كل القطع للاسف وبعد مايردون دايم الانادر

وبالنسبه للقبه الفلكيه قد سويت عنها بحث افكر اخذها وفيه منها في دبي بس اسعارها بعد مرتفعه شوي
وحجمها كبير يبي لها مساحه كبيره في البيت وبعد مايندرى ممسموح تدخل والا ممنوعه


الف شكر لك اخوي يعقوب على تواجدك تشرفت بمرورك

/
/

[الماريّة]

موضوع مميز اختي المارية ويستحق التثبيت.

بس عاد ما نبي شياب المنتدى يترززون الحين فوق السطوح بدرابيلهم بحجة مراقبة النجوم والكواكب!!!!!


اضافة مرتبطة/منفصلة عن الموضوع

يقول الرئيس الروسي: "امريكا لديها من الاجهزة والامكانيات ما يجعلها ترى المياه على سطح المريخ، ومع ذلك لا ترى أسلحة وتحركات داعش على الأرض"

صدق وهو كذوب


اخيرا

افتقدت القمر ذات ليلة، بحثت عنه فإذا هو في كبد السماء، لن ولم اصل اليه الا بكاميرا ( نيكون p900 ) كما ترون



الصراحة شكله من بعيد احلى، لا حفر ولا تضاريس ولا شي.

مرحبتين اخوووي ناصر ماشاء الله عجيبه صوره القمر جدا روعه تسلم ايدك اللي التقطته
وامريكا ارصدوا المياه في المريخ فعلا والحين يخططون لرحلات لهذا الكوكب الاحمر
ولديها من الامكانيات الفلكيه الفائقه

والقمر جميل باضاته من بعيد ولكن عند الرصد فعلا تضاريس وحفر وفجوات وماريا بحريه عليه

وهذه من حكم وابداع الخالق سبحانه


تشرفت اخووووي الكريم بتواجدك واسعدتني كثيرا

/
/

[الماريّة]

موضوع جميل وشيق اختي المارية ويعطيج العافية وحبيت اضيف صورة القمر من تصويري وكانت بكاميرا كانون 5دي مارك 3 والعدسة 100-400 ....... لا شك انه التلسكوب يعطيك اطلالة متحركة أجمل لعالم الفضاء الواسع فمن الممتع استخدام التلسكوب الاحترافي للتعرف على إبداع الخالق وروعة خلقه.

يامرحبااااا بنجم الجدي او البولاريس او الياه النجم الشمالي

من شفتك متخذ لقبك نجم الشمال وحسيت ان حضرتك محب للنجوم والكواكب

ياهلااااااااا بك اخووووي النورث تشرفت بمرورك الكريم والصووورةه جدا روووووعه وواضحه

ولازم يصير تنافس شريف بينا جميعا في التقاط هذه الصور المميزه

ياهلا بك اخوي اسعدتني بمرورك الكرييييييييييم


/
/

[الماريّة]

وعليكم السلام ورحمة الله وبركاته


استمتعت جداً بقراءة الموضوع
منسق ومرتب وبطريقه سلسه وسهله للفهم ..

يعجبني اللي عنده هوايه معينه مهتم فيها ويحاول يطورها احييج على هالنقطة

بالنسبة لي انا احب اتفكر بالكون بكل شي
حتى اذا شفت نبته صغير افكر وشلون بتكون جذورها

وحتى الفلك والفضاء لكن للامانه انا ماحب الظلام
واذكر مرة شفت عن طريق تليسكوب وجاتني رهبه مادري ليش

لا تحرمينا من هالمعلومات ومن تشجيع الاعضاء على هالهواية الطيبه ..

شكراً يالماريه

مرحبتين اختي العليااا

جعلج دوووم عليا باخلاقج يارب

شرفتيني ويالغاليه ونورتي موضوعي
ويمكن الرهبه الي صادتج خوف من عظمه الخالق في خلق كونه
وهذي تزيييد من الايمان

يامرحباااا بج اختي سعييييييده جدا بمرورج المميزز

/
/

[الماريّة]

درابيل الشيبان ما تنفع !!؟


ملف مرفق 98475

بهزر بهزر

الموضوع جديد علينا ومنتاز المنتاز

مرحبتين اخوي راعي مواجيب

امبلا تنفع تقرب الكواكب بس طبعا مب نفس التلسكوبات
فيه درابيل عدساتها تكون ادق بالتقريب واصلا يستعملونها الفلكيين احيان لرصد الواضح من السماء
مثل تقريب المريخ ونجم السماك و الزهره بس تقريب مبسط اقل

ويامرحبااا بك اخوي شرفتني والامتياز بتشريفك الطيب

/
/

[الماريّة]

شكرا للموضوع.

العفو اخوي خالد
حياااااااااك الله واشكرك على المرور الكريم

[الماريّة]

اليوم نتكلم عن تلسكوب meade ls -8

وهو ماساتعمله حاليا انتظروووني انزل الموضوع هني تابع في هالصفحه مع المرفقات


ثوااااااااااني فقط

/
/

[R 7 A L]

شكلكم تبون تسافرون الفضاء وتعيشون هناك هههههههه

امزح

[الماريّة]

شكلكم تبون تسافرون الفضاء وتعيشون هناك هههههههه

امزح

هههه ياليت نطلع للفضا
بتخاوينا ^_^

[Charisma]

مرحبتين بايلوت
شرفتني واسعدتني بمروك وشاكره لك كلامك الطيب
وانصحك اذا هاوي للفلك لاتضيع الفرصه لابد تتعلم لان فيه سبحان تفكر بملكوت الله
وبالنسبه للتلسكوب 8 بوصه هذا الي استخدمه ومن شركه ميد الامريكيه انصحك به جدا ممتاز
وطبعا فيه بعد الااكبر 10 ، 12 , 14 , 16 الى اخره بس حاليا انا استخدم 8 جدا روعه وبحط له صوره
في موضوع منفصل باذن الله وبالنسبه لسعره مش عارفه لان اخوي الي اشتراه لي بكامل عدته مع عدساته والشنطه مالته واكسسواراته فا ما سالته عن سعره ،،،
وممكن تدخل موقع شركة ميد ويكتب تلسكوب 8 انش تطلع لك الاسعاراو شركة اسكاي ووتشر

تلسكوبي اسمه meade ls8 برفق لك صورته مؤقت لين ما انزل موضوع اخر عنه
ملف مرفق 98426

ويالله شد حيلك عشان يصير تنافس بينا بالصور. 😊✌️

ومرحبااا بك اخوي ،،،
/
\

العفو اختي لافام ..

صحيح ، نا من شفت الصور في موضوع {{ شاركنا بصورة أو فيديو من عدستك }} وانا متحمس ، ومريت على محل تلسكوبات ( أخذ فكرة ) وبنزل صور في المشاركة الثانيه .

أي احد عنده أهتمام في الموضوع ياليت يشاركنا