سهير وسطاوي مديراً تنفيذياً جديداً لمكتبة قطر الوطنية

[معماري قطري]

يمكن عندها العنابي يا جماعة .. لا تستعجلون


حسب علمي تخصص تاريخ مكتبات من زماااااااان موقفينه من كثر اللي دشوا فيه
يعني معقولة من كل هذيلا ما حصلوا حد كفؤ لهالمنصب ؟؟!!

ألحين كل شيء الكتروني حتى تحويل الكتب الى نسخ رقمية

والمكاتب لازم تصغر ولو تكون فيها نسخ ورقية تكون فهرستها واستعارتها وتسجيلها الكترونية .. كنا نستلم كتب من مكتبة الجامعة في 1990 ونردها نقطها في صندوق خارج المكتبة .. فيها باركود وبالسكانر تتسجل بسهولة وذاك الوقت الكمبيوتر ما كان مثل الحين .. ألحين كل شيء سهل

[كشمه]

من قال المنصب عادي ؟!


على علمي اللي يبي يشتغل بالوظايف العادية فقط في مكتبة قطرالوطنية على أيام " كلوديا " الألمانية , لازم يكون عنده ماجستير مكتبات

الا ان جان تغير الوضع الحين

واللي سمعته القطري اللي بيمسك المكتبة موجود لكن يبيلة دكتوراة ويخلصها والله اعلم

[بانغ بانغ]

حتى اسمها فيه واسطة ( وسطاوي )

يعني امخيطين المنصب لها

[ضوى]

من قال المنصب عادي ؟!


على علمي اللي يبي يشتغل بالوظايف العادية فقط في مكتبة قطرالوطنية على أيام " كلوديا " الألمانية , لازم يكون عنده ماجستير مكتبات

الا ان جان تغير الوضع الحين

واللي سمعته القطري اللي بيمسك المكتبة موجود لكن يبيلة دكتوراة ويخلصها والله اعلم

الله اكبر صار المنصب صعب ، طيب القطري لو كان عادي مايصير يتدرب ومايصير يطرشونه برع يتدرب ويتعلم ؟؟

طبعا ماقصد شي يخصك يا كشمة

[حمد بن سعد]

مرحبا بالجميع في دوحة الجميع

[بن مسلم]

نفس لعيبة المنتخب تباتا وبيدرو لا حتي الحارس الاول والثاني مجنسين وشفنا امس يوم لعب ولد البلد شسوي والي جاب الهدف ولد البلد.

انا مادري ليش مهمشين ولد البلد بهالطريقه

[الحياة الخالدة]

من قال المنصب عادي ؟!


على علمي اللي يبي يشتغل بالوظايف العادية فقط في مكتبة قطرالوطنية على أيام " كلوديا " الألمانية , لازم يكون عنده ماجستير مكتبات

الا ان جان تغير الوضع الحين

واللي سمعته القطري اللي بيمسك المكتبة موجود لكن يبيلة دكتوراة ويخلصها والله اعلم

باااااال .. من سنين وبنين من على ايام ما كنت ادرس في الجامعة وانا اسمع اشكثرهم اللي يدرسون تخصص مكتبات
معقولة محد فيهم ما وصل للدكتوراه

الله أعلم .. كل شي جايز

[العنيده]

ماشاء الله والحمدلله

[sanad81]

العاب

من جانبه، أكّد فهد سعد القحطاني، رئيس تنمية المجتمع في مؤسسة قطر بقوله: "يسعدنا أن نرّحب بالدكتورة وسطاوي كمدير تنفيذي جديد لمكتبة قطر الوطنية.".

بونايف رجل ذو شخصية متميزة و قوية الله يحفظه .. ويستحق ثقتنا في ادارته برأيي

[مخطط قطري]

الغريب العجيب انه تم تعينيها ثاني يوم من التوجيهه السامي لمعالي رئيس مجلس الوزراء باحلال القطري مكان الاجنبي والظاهر الجماعه افهمو الموضوع بالعكس مع احترامنا للسيده سهى واكيد هي اهل للمنصب وتستاهل اعلى من هالمنصب ونسال الله لها التوفيق والسداد ولكن انا اسجل تحفظي الشخصي على توقيت توليها المنصب فقط
اما مساله التقطير انا مؤمن انه فيه اجانب احسن من القطريين في اداره بعض الادرات وليس كلها ولكن ماناخذ هالشي شماعه لكل شي ونعين الاجنبي ف الاخير هي قدرات ومستوى عقيله يختلف من انسان لانسان اخر