السلام عليكم ورحمة الله وبركاتة ,,
صبحكم الله بالخير ,,
موضوعي اليوم ,,
جاري العزيز
يامن وصاني بك حبيبي وقدوتي
رسول الله عليه الصلاة والسلام
ارجووك اعمل بوصيته ولا تزعجني ..
شاركوني ارائكم الجميله
في هذه العادة السيئه
((( ازعاج الجيران )))
عند بعض الناس طبعآ ,,
رايكم في التصرف ؟
للأمانه ..
انا مب متأذي من جيراني الي حولي
بس في فالفريج بيت كل خميس شكشكه عندهم
هههههههه مادري شنو جوهم
مع انه بيت عوائل يعني وعندهم يهال بس الله يهديهم مادري شيحسون فيه
التعديل الأخير تم بواسطة بومحمد المطاوعه ; 16-10-2016 الساعة 09:51 AM
يزعج نستحمل لكن يسكن عمال هنا قلة الذوق
اقدارنا مكتوبه ,,,,, فلنعش بهدوء ..
تحمل يا بومحمد ..
وفي هالزمن الواحد يسمع حق الجار حس
يدش ويطلع بالخش
مَھْمَـاَاَ פـٌٍدَثْ لٱ تَبْگِيّـے }.. ۈلَگِنْ ٱبْتَسِـم
Dιиια мαтιѕιωα
عليكم السلام ورحمة الله وبركاته
موضوع جميل يا شبح
جبراننا ما نزعجهم ولا يزعجوننا ولا حتى ندري عنهم ولا يدرون عنا ههههههههههههه
اللهم إلا في رمضان يطرشون لنا ونطرش لهم أكل
ومرة وحدة جيراننا من صوب اليسار بنوا داخل حوشهم ملحق مرتفع حق ولدهم اللي بيعرس وكانت الداريش تطل على بيتنا يعني بيتنا انكشف لهم
كلمناهم واظن الوالد اشتكى عليهم يوم ماطلوا وما رضوا بالطريقة السلمية
لكن بالنهاية رضخوا لمطالبنا المشروعة
ومن يومها ما بيننا اي تواصل هههههههههه
الجيران من اليمين والأمام مافي مشاكل
للتصحيح راعي الموضوع بومحمد المطاوعه وليس شبح الصمت ..المشاركة الأصلية كتبت بواسطة الحياة الخالدة
اما بخصوص الموضوع الصراحه موضوع مهم ولازم مانزعج جيرنا ونحترمهم ونعدهم نفس اهلنا وخصوصا انه الرسول صلى الله عليه وسلم وصانا على سابع جار ..
شكرا ..
جارنا اللي لاصق ببيتنا ذهب ذهب ذهب ، شوي وبيخلينا ندخل سيارتنا بيته من كثير ماهو طيب وولد حلال معانا ، ولا له حس ولا لاهله ماشاء الله نعم الجيران والاخلاق ، والشهادة لله كل اللي محاوطينا من جيران ماشاء الله الواحد يقول الحمد لله علة نعمة الجيران مايتعوضون ، جارتي بيني وبينها شارع بيتها مجابل ميلس الشباب عندنا ، قلت للعيال ممنوع التجمعات جدام الميلس عندكم داخل قعدوا للصبح حتى مايضايقون الجيران و حذرت ولدي اللي غرفته تطل على بيتهم انه مايفتح الشبابيك ابدا وهو موجود فوق ، الشغالة اذا طلع تفتح الستارة والشباك وتالي تسكرهم حفاظاً على حقوق الجار ،
في المقابل عندنا جيران بيوتهم لاصقة ببعض وبينهم مشاكل ومحاكم وشرطة الله يصلح الاحوال كلا في راس الثاني ، الجار نعمة مايثمنها الا اللي فقدها ، جيراني وقفوا معاي وقفات كبيرة مستحيل انكر فضلهم والا حتى احاول اضايقهم
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
للتصحيح اهي تعرف انه بومحمد كاتبه
بس اهي ردة على جزئية الجار ما نسمع له حس ..
وتراك جاري فالمنتدى لا تخليني ازعل عليك الحين واحقرك والا ارد عليك واقطع علاقتي فيك فالمنتدى ..
هههههههههههههههههههههههههههاي
فهمت يا حبيب الشعب والملاييين
التعديل الأخير تم بواسطة شبح الصمت ; 16-10-2016 الساعة 09:51 AM
مَھْمَـاَاَ פـٌٍدَثْ لٱ تَبْگِيّـے }.. ۈلَگِنْ ٱبْتَسِـم
Dιиια мαтιѕιωα
ههههههههه العتب عالنظر يا نقوشي
ويمكن لأنهم ربع خربطت بينهم
عموماً الاثنين خير وبركة
السموحة اخوي بومحمد .. موضوعك جميل
أشكرك على الترقيعة
إي صح كلامك .. كنت أرد على جزئيتك
انا جيراني اصدموني في رمضان طرشنالهم اكل قبل الفطور رجعوه مع الخدامه وقالوا لها لا تجيبين مره ثانيه يا جماعه
لين اليوم مب مصدق في ناس من هل قطر بهذه المواصفات
ضوابط المشاركة
رد مع اقتباس
