اباء وامهات نكديين في المنزل ومرحين خارجهض

[قطري2022]

ما أظن المسأله مسألة نكد قدر ماهي رغبه في الاعتزال والهدوء وهالشي ممكن يأثر ع تعاطي الفرد الاجتماعي مع محيطه بس من كثر ماهو مكروف ومضغوط برع متبني سياسة الاجتناب او ال avoiding policy والافضل ان التعويض يكون في العطلات عشان نكون واضحين وصادقين مع نفسنا.

ساعات افكر في هالاطفال الي ابائهم يا مسافرين او كله برع البيت واقول شذنبهم فعلا شي يحزن بس بنفس الوقت وعسى ان تكرهوا شيئا وهو خير لكم اذا اتضح ان الام او الاب مامنهم فايده وشي داخل في ستايل حياته او شخصيته وانة يبي يعيش ثلاث ارباع حياته بعيد عن ازعاج اسرته ومتطلباتهم...وانا مع قطري22 ان هالاشكال غلط في حق المجتمع والاسرة الزواج لأنه فعليا ماخذ الشق البيولوجي او المادي وفي المقابل ناسي شق التربية والمسؤولية ومتطلبات الاسره النفسية، وبصراحه جزء كبير موجود على هالنظام للاسف وهم سبب الي خلفوه لنا من رداءة اجيال الا من رحم ربي وتربى ولقى العوض بعيدا عن هذا الحرمان.

ابدعتي ابدعتي ابدعتي
هذا هو الهدف من موضوعي ، نوعية الاجيال الي يتخرحون من تحت هالنوعيات من الوالدين ، بكرة العصر البنتلي بيكون في حوش بيتكم

[ريم الشمال]

هؤلاء عندهم مشكلة في تكوينهم الشخصي
بمعنى يعانون من ازدواج في شخصياتهم بس بمزاجهم وارادتهم
مثل الشرير عندما يلبس ثوب الخير ... اعرف مثال غير مقبول من الكثير

الاضعف والذي يحتاجهم هم من يطلع على وجههم الحقيقي ويختفون في القناع الأخر عندما يكنون هم من يحتاج


موضوع الحفلات المفتوحة هؤلاء أحد اسباب الظاهرة والكثير من الظواهر السلبية في المجتمع
انقطاع الاتصال بين الوالدين وابنائهم وعدم وجود المحبة والرحمة

[sweet qatar]

الأشخاص تكون عندهم عقد نفسية

اغلبها متعلق بالنقص

خلل في التربية والتفرقة بينه وبين اخوانه


ما تقدر تمنعهم من تكوين أسرة بس تقدر تعالج الأمراض النفسية الي فيهم

[يمامـة]

النكد في البيت والضحك مع الناس خارج البيت

امر ابتلى فيه بعض الناس.. كأن اللي يفرض هالنوع من الحياة على عياله
واهل بيته يظن ان هذه هي الشخصية القيادية الصارمة داخل البيت..
او انه بضحكه مع الناس يهرب من معالجة المشاكل داخل البيت ..
فهو في البيت ينكد عليهم لانه مب قادر يضبط إيقاع الحياة فيها وبنكده يكون
الزمهم بعدم الاقتراب منه او مشاركته حاجاتهم و احتياجاتهم ..

بينما خارج البيت فهو بعيد عن ضغوط ضعفه في حل مشاكل بيته
فينطلق يضحك وينكت ويمرح وممكن يحل مشاكل الأخرىن بسخاء وكرم على
عكس تعامله مع عياله..

هالنوع من الناس.. ما ينعرفون قبل الزواج .. لذلك ما نقدر نمنعهم من الزواج
لكن بعد الزواج و زيادة اعداد افراد الاسرة نلقاهم يطفحون على السطح
مثل قطعة البوه على سطح البحر..
حزتها مالنا غير نردد "لهم الله عيالهم"...

[بوحارب]

واحد من الربع كذا في البيت مثل العسكري حتى ابتسامه مافيه

بس تعال شوفه في المجلس من اونس ما رأيت ههههه


الله يهديه

[قطري2022]

النكد في البيت والضحك مع الناس خارج البيت

امر ابتلى فيه بعض الناس.. كأن اللي يفرض هالنوع من الحياة على عياله
واهل بيته يظن ان هذه هي الشخصية القيادية الصارمة داخل البيت..
او انه بضحكه مع الناس يهرب من معالجة المشاكل داخل البيت ..
فهو في البيت ينكد عليهم لانه مب قادر يضبط إيقاع الحياة فيها وبنكده يكون
الزمهم بعدم الاقتراب منه او مشاركته حاجاتهم و احتياجاتهم ..

بينما خارج البيت فهو بعيد عن ضغوط ضعفه في حل مشاكل بيته
فينطلق يضحك وينكت ويمرح وممكن يحل مشاكل الأخرىن بسخاء وكرم على
عكس تعامله مع عياله..

هالنوع من الناس.. ما ينعرفون قبل الزواج .. لذلك ما نقدر نمنعهم من الزواج
لكن بعد الزواج و زيادة اعداد افراد الاسرة نلقاهم يطفحون على السطح
مثل قطعة البوه على سطح البحر..
حزتها مالنا غير نردد "لهم الله عيالهم"...

هاي التخسير بعينه

[قطري2022]

الأشخاص تكون عندهم عقد نفسية

اغلبها متعلق بالنقص

خلل في التربية والتفرقة بينه وبين اخوانه


ما تقدر تمنعهم من تكوين أسرة بس تقدر تعالج الأمراض النفسية الي فيهم

يعطيج العافية ، بس من الي بيوجههم للعلاج ومن الي بيقبل انه يعترف انه غلطان ، ومن الي بيتقبل انه يعالج مشكلته ، الله يعين اهالي بيوتهم ، لان هالاسلوب اسميه جريمة

[بصمة قطرية]

للأسف هالنوعية موجودة
الله يهديهم و يصلحهم ..

[قطري2022]

للأسف هالنوعية موجودة
الله يهديهم و يصلحهم ..

امين يارب ، اشكرج

[قطري2022]

اشكركم اخواني وخواتي وانشالله رسالتنا وصلت للناس الي يقسون على اهاليهم وتتغير معاملتهم لهم